Read Original Shona Union Bible 1949 Baiberi Magwaro Matȿene aMŋari Jeremia 28 Bible Online

Jeremia 28 - Original Shona Union Bible 1949 Baiberi Magwaro Matȿene aMŋari bible

Jeremia 28

¹Ɀino pagore irero, pakuʋamba kwokuɓata ʋushe kwaZedekia mambo waJuda, pagore recinna, nomŋedzi wecishanu, Hanania mŋanakomana waAzuri muprofita, waiʋa weGibeoni, akataura neni mumba maJehova, ʋaprista naʋanhu ʋose ʋari’po, akati:

²Ɀanzi naJehova wehondo, Mŋari waIsraeri: Ndavuna joko ramambo weBabironi.

³Makore maʋiri asati apera kwaɀo, ndicadzosera ɀe kunɀimbo ino midziyo yose yeimba yaJehova, yakatorwa naNebukadnezari mambo weBabironi panɀimbo ino, akaiisa Babironi;

⁴ndicadzosera ɀe kunɀimbo ino Jekonia mŋanakomana waJehoiakimi mambo waJuda, pamŋe cete naʋatapxa ʋose ʋaJuda, ʋakaenda Babironi — ndiɀo ɀinotaura Jehova; nokuti ndicavuna joko ramambo weBabironi.

⁵Ipapo muprofita Jeremia akati kumuprofita Hanania, ʋaprista naʋanhu ʋose ʋari’po ʋamire mumba maJehova,

⁶iye muprofita Jeremia akati: Ameni, Jehova ŋgaaite ɀakaɗaro; Jehova ŋgaasimbise mashoko ako awakaprofita, adzosere ɀe midziyo yeimba yaJehova, naʋose ʋakatapxa, ʋabve Babironi ʋaʋuye kunɀimbo ino.

⁷Asi ɀino cinzwa shoko iri randinotaura munzeʋe dzako, nomunzeʋe dzaʋanhu ʋose:

⁸Ʋaprofita, ʋakanditaŋgira ini newe, ʋakaprofitera nyika zhinji, noʋushe ʋukuru, ʋacireʋa ɀokurwa, nenzara, nehosha yakaipa.

⁹Muprofita, unoprofita ɀorugare, kana shoko romuprofita uyo rikaitika, muprofita uyo ucazikanwa kuti wakatumŋa naJehova ɀirokwaɀo.

¹⁰Ipapo muprofita Hanania wakabvisa joko pamutsipa womuprofita Jeremia, akarivuna.

¹¹Ɀino Hanania akataura pamberi paʋanhu ʋose, aciti: Ɀanzi naJehova: Saiɀoɀo ndicavuna joko raNebukadnezari mambo weBabironi pamitsipa yamarudzi ose makore maʋiri asati apera kwaɀo. Muprofita Jeremia ndokuenda ɀake.

¹²Ipapo shoko raJehova rakaʋuya kunaJeremia, muprofita Hanania apedza kuvuna joko pamutsipa womuprofita Jeremia, ɀicinzi:

¹³Enda undoʋudza Hanania, uti: Ɀanzi naJehova: Wavuna majoko amatanda, asi waita panɀimbo yaɀo majoko esimbi.

¹⁴Nokuti ɀanzi naJehova wehondo, Mŋari waIsraeri: Ndakaisa joko resimbi pamitsipa yamarudzi awa ose, kuti ashumire Nebukadnezari mambo weBabironi; acamushumira, ʋuye ndakamupa ʋo mhuka dzeɓundo.

¹⁵Ipapo muprofita Jeremia wakati kumuprofita Hanania: Cinzwa ɀino, Hanania: Jehova haana‐kukutuma, asi iwe unotendisa ʋanhu aʋa nhema.

¹⁶Naiɀoɀo ɀanzi naJehova: Tarira, ndicakudziŋga pasi pose; ucafa nhaka, nokuti wakataura ɀinomukira Jehova.

¹⁷Naiɀoɀo muprofita Hanania wakafa negore iro nomŋedzi wecinomŋe.