Read Original Shona Union Bible 1949 Baiberi Magwaro Matȿene aMŋari Jeremia 29 Bible Online

Jeremia 29 - Original Shona Union Bible 1949 Baiberi Magwaro Matȿene aMŋari bible

Jeremia 29

¹Ɀino awa ndiwo mashoko orugwaro rwakatumŋa nomuprofita Jeremia ari paJerusarema kuʋakuru ʋakaŋga ʋasara kunaʋakatapxa, nokuʋaprista nokuʋaprofita, nokuʋanhu ʋose, ʋakaŋga ʋakatapxa paJerusarema naNebukadnezari, ʋakaiswa Babironi,

²(Shure kwokubva paJerusarema kwamambo Jekonia, namai ʋake, naʋaranda, namacinda aJuda neeJerusarema, naʋaʋezi, naʋapfuri),

³noruʋoko rwaErasa, mŋanakomana waShafani, naGemaria, mŋanakomana waHirkia, ʋakaŋga ʋatumŋa Babironi naZedekia mambo waJuda kunaNebukadnezari mambo weBabironi, aciti:

⁴Ɀanzi naJehova wehondo, Mŋari waIsraeri, kunaʋose ʋakatapxa, ʋandakatapisa Jerusarema ʋaiswe Babironi:

⁵Ɀiʋakirei dzimba, mugare’mo; simai minda, mudye ɀiɓereko ɀayo;

⁶wanai ʋakadzi, muɓereke ʋanakomana naʋanasikana; wanisai ʋanakomana ʋenyu ʋakadzi, naʋanasikana ʋenyu muʋaise kuʋarume, kuti ʋaɓereke ʋanakomana naʋanasikana, muwande’ko, murege kutapudzwa.

⁷Mutȿake rugare rweguta kwandakakutapisai, murinyeŋgeterere kunaJehova; nokuti norugare rwaro imi mucaʋa norugare ʋo.

⁸Nokuti ɀanzi naJehova wehondo, Mŋari waIsraeri: Ʋaprofita ʋenyu, ʋari pakati penyu, naʋaʋuki ʋenyu, ŋgaʋarege kukunyeŋgerai; regai kuterera kurota kwenyu kwamunoroteswa.

⁹Nokuti ʋanokuprofiterai nhema nezita raŋgu; ini handina‐kuʋatuma, — ndiɀo ɀinotaura Jehova.

¹⁰Nokuti ɀanzi naJehova: Kana makore makumi manomŋe aperera Babironi, ndicakushanyirai, nokukusimbisirai shoko raŋgu rakanaka, ndicikudzoserai kunɀimbo ino.

¹¹Nokuti ndinoziʋa ndaŋgariro dzandinoraŋgarira pamsoro penyu — ndiɀo ɀinotaura Jehova — ndaŋgariro dzorugare, dzisati dziri dzeɀakaipa, kuti ndikupei mugumo unetariro.

¹²Mucaɗana kwandiri, mucandonyeŋgetera kwandiri, neni ndicakunzwai.

¹³Mucanditȿaka, mukandiwana, kana mucinditȿaka nomŋoyo wenyu wose.

¹⁴Ndicawanikwa nemi — ndiɀo ɀinotaura Jehova — ndicakudzosai pakutapxa kwenyu, nokukuʋuŋganidzai kumarudzi ose, nokunɀimbo dzose kwandakaŋga ndakudziŋgirai — ndiɀo ɀinotaura Jehova; ndicakudzoserai ɀe kunɀimbo kwandakaŋga ndakutapisai.

¹⁵Ɀamakati: Jehova wakatimutsira ʋaprofita paBabironi;

¹⁶ɀanzi naJehova pamsoro pamambo ugere pacigaro coʋushe caDavidi, napamsoro paʋanhu ʋose ʋagere muguta rino, idzo hama dzenyu dzisina‐kuenda nemi pakutapxa kwenyu;

¹⁷ɀanzi naJehova wehondo: Tarirai, ndicatuma pamsoro paʋo munondo, nenzara, nehosha yakaipa, ndicaʋaita samaʋonde akaipa kwaɀo, asiŋgabviri kudyiwa nokuipa kwawo.

¹⁸Ndicaʋateʋerera nomunondo, nenzara, nehosha yakaipa; ndicaʋaita cinhu cinotyisa ʋushe bgose bgenyika, ʋaʋe cinhu cinotukwa, necishamiso, necinoridzirwa muridzo, necinoshoʋorwa pakati pamarudzi ose kwandakaʋadziŋgira;

¹⁹ɀaʋasina‐kuterera mashoko aŋgu — ndiɀo ɀinotaura Jehova — andakatuma kwaʋari naʋaranda ʋaŋgu ʋaprofita, ndicimuka maŋgwanani ndiciʋatuma; asi makaramba kuterera — ndiɀo ɀinotaura Jehova.

²⁰Naiɀoɀo cinzwai shoko raJehova, imi mose makatapxa, ʋandakadziŋga paJerusarema ndikaʋaisa Babironi.

²¹Ɀanzi naJehova wehondo, Mŋari waIsraeri, pamsoro paAhabi mŋanakomana waKoraia, napamsoro paZedekia mŋanakomana waMaaseia, ʋanokuprofiterai nhema nezita raŋgu: Tarirai, ndinoʋaisa muruʋoko rwaNebukadrezari mambo weBabironi; iye ucaʋaʋuraya pamberi penyu;

²²ʋatapxa ʋose ʋaJuda, ʋari Babironi, ʋacatora kwaʋari shoko rokutuka naro, ʋaciti: Jehova akuite saZedekia ʋuye saAhabi, ʋakagocwa pamŋoto namambo weBabironi;

²³nokuti ʋakaita noʋupenzi pakati paIsraeri, ʋakaita ʋupombge naʋakadzi ʋoʋokwaʋo, ʋakareʋa mashoko enhema nezita raŋgu, andisina‐kuʋaraira; ini ndini ndinoziʋa, ndini capupu — ndiɀo ɀinotaura Jehova.

²⁴Ɀino kunaShemaia muNeheramite, unofanira kutaura uciti:

²⁵Ɀanzi naJehova wehondo, Mŋari waIsraeri: Ɀawakatuma magwaro nezita rako kuʋanhu ʋose ʋari paJerusarema, nokunaZefania mŋanakomana womuprista Maaseia, nokuʋaprista ʋose, uciti:

²⁶Jehova wakakuita muprista panɀimbo yomuprista Jehoiada, kuti mumba maJehova muʋe naʋatariri, kuti usuŋge mumatanda namaketani mumŋe nomumŋe unopeŋga, aciɀiita muprofita;

²⁷ko ɀino wakaregerei kutuka Jeremia weAnatoti, unoɀiita muprofita pamberi penyu,

²⁸ɀaakatuma shoko kwatiri paBabironi, aciti: Ŋguʋa irefu, ʋakai dzimba mugare’mo; simai minda, mudye ɀiɓereko ɀayo?

²⁹Ɀino muprista Zefania akaraʋira muprofita Jeremia rugwaro urwu.

³⁰Ipapo shoko raJehova rakaʋuya kunaJeremia, riciti:

³¹Tumira ʋakatapxa ʋose shoko rinoti: Ɀanzi naJehova pamsoro paShemaia muNeheramiti: Shemaia ɀaakakuprofiterai, ini ndisina‐kumutuma, akakutendisai nhema,

³²naiɀoɀo ɀanzi naJehova: Tarirai, ndicaroʋa Shemaia muNeheramiti, naʋana ʋake; haaŋgaʋi nomunhu uŋgagara pakati paʋanhu aʋa, ʋuye haaŋgaʋoni ɀakanaka ɀandicaitira ʋanhu ʋaŋgu — ndiɀo ɀinotaura Jehova — nokuti wakataura zinomukira Jehova.