Read Original Shona Union Bible 1949 Baiberi Magwaro Matȿene aMŋari Jeremia 3 Bible Online

Jeremia 3 - Original Shona Union Bible 1949 Baiberi Magwaro Matȿene aMŋari bible

Jeremia 3

¹Ɀinonzi: Kana murume akaramba mukadzi wake, iye akabva kwaari, akandowanikwa nomumŋe murume, ko murume uŋgadzokera kwaari ɀe here? Ko nyika yakaɗai haiŋgaȿiɓiswi kwaɀo here? Asi iwe wakafeʋa naʋaɗikanwa ʋako ʋazhinji; ɀino woɗo‐kudzokera hako kwandiri — ndiɀo ɀinotaura Jehova.

²Riŋgira meso ako kuɀikomo ɀisinemiti, uʋone; paʋasina‐kupombora newe ndapapi? Wakaʋagarira panzira somuArabia parenje; waȿiɓisa nyika nokufeʋa kwako neɀakaipa ɀako.

³Naiɀoɀo wakanyimŋa mvura inopfunha, nemvura yokupedzisira yakaŋga isi’po; kunyaŋge ɀakaɗaro wakaŋga unehuma yecifeʋe, ukaramba kunyadziswa.

⁴Ko hauŋgataŋgi ɀino uciɗana kwandiri here, uciti: Ƃaɓa ʋaŋgu, ndimi muperekedzi woʋuɗuku bgaŋgu?

⁵Ko ucagara akatsamŋa nokusiŋgaperi here? Ucagara nako kuȿikira pakupedzisira here? Tarira, wakataura iɀoɀo ukaita ɀinhu ɀakaipa, ukaɀipedzisa.

⁶Ɀino Jehova wakati ɀe kwandiri, namazuʋa amambo Josia: Waʋona here ɀakaitwa naIsraeri pakudzokera kwaʋo shure? Ʋakakwira pagomo rimŋe nerimŋe rakakwirira nokupinda pasi pomuti mumŋe nomumŋe mutema, ndokundofeʋa’po.

⁷Ɀino ʋakati ʋapedza kuita iɀoɀo ɀose, ini ndikati: Ʋacadzokera kwandiri, asi haʋana‐kudzokera; nomunuŋuna waʋo, Juda, ʋokusatendeka, ʋakaɀiʋona.

⁸Ɀino ndakaʋona kuti paŋguʋa yandakaramba Israeri, ʋokudzokera shure, ndikaʋapa rugwaro rwokuʋaramba nemhaka yokufeʋa kwaʋo, kunyaŋge ɀakaɗaro munuŋuna waʋo, iʋo ʋaJuda, ʋokusatendeka, haʋana‐kutya; asi naiʋo ʋakandofeʋa ʋo.

⁹Ɀino nokusaraŋgarira kwaʋo nyika yakaȿiɓiswa nokufeʋa kwaʋo, ʋakafeʋa namabge namatanda.

¹⁰Kunyaŋge ɀinhu iɀi ɀakaɗaro ɀose, munuŋuna waʋo, Juda, haʋana‐kudzokera kwandiri nomŋoyo waʋo wose, asi nokunyeŋgera — ndiɀo ɀinotaura Jehova.

¹¹Ɀino Jehova akati kwandiri: Israeri ʋokudzokera shure, ʋakaita ɀakarurama kukunda Juda ʋokusatendeka.

¹²Enda undoparidza mashoko awa kurutiʋi rwokumsoro, uti: Dzokai, imi Israeri ʋokudzokera shure — ndiɀo ɀinotaura Jehova; handiŋgakutaririyi ndakatsamŋa, nokuti ndinenyasha, handiŋgarambi ndakatsamŋa nokusiŋgaperi — ndiɀo ɀinotaura Jehova.

¹³Asi muziʋe ɀakaipa ɀenyu ɓedzi, kuti makaɗarikira Jehova Mŋari wenyu, mukafambafamba muciteʋera ʋatorwa pasi pemiti yose mitema, mukasaterera inzwi raŋgu — ndiɀo ɀinotaura Jehova.

¹⁴Ɀanzi naJehova: Dzokai imi ʋana ʋokudzokera shure, nokuti ndiri murume wenyu; ndicakutorai, mumŋe paguta rimŋe, ʋaʋiri parudzi rumŋe, ndicikuisai Zioni.

¹⁵Ndicakupai ʋafudzi ʋanofadza mŋoyo waŋgu, ʋacakufudzai neziʋo nenjere.

¹⁶Ɀino kana mawanda nokuwedzerwa panyika pamazuʋa iwayo — ndiɀo ɀinotaura Jehova — haʋaŋgazoti: Areka yesuŋgano yaJehova; haʋaŋgaifuŋgi, haʋaŋgairaŋgariri, haʋaŋgaitȿaki, haʋaŋgaiiti ɀe.

¹⁷Paŋguʋa iyo ʋacatumidza Jerusarema cigaro coʋushe caJehova; marudzi ose acaʋuŋganidzirwa’po, paJerusarema, nokuɗa kwezita raJehova; haʋacazofambi noʋukukutu bgemŋoyo yaʋo yakashata.

¹⁸Namazuʋa iwayo imba yaJuda icafamba pamŋe cete neimba yaIsraeri, ʋacaʋuya pamŋe cete ʋacibva kunyika yokumsoro kunyika yandakapa madziɓaɓa enyu iʋe nhaka yaʋo.

¹⁹Asi ndakati: Ndicakuisai sei pakati paʋana ʋaŋgu, ndikupei nyika inofadza, nhaka yakaiȿo‐naka yamarudzi akawanda; ndikati: Imi mucanditumidza zita rokuti Ƃaɓa ʋaŋgu, hamuŋgazotsauki pakunditeʋera.

²⁰Ɀanzi naJehova: Ɀirokwaɀo, mukadzi seɀaanosiya murume wake acinyeŋgera, saiɀoɀo imi makandinyeŋgera, imi imba yaIsraeri.

²¹Inzwi rinonzwika kuɀikomo ɀisinemiti, kucema nokunyeŋgetera kwaʋana ʋaIsraeri; nokuti ʋakaminamisa nzira dzaʋo, ʋakakaŋganwa Jehova Mŋari waʋo.

²²Dzokai, imi ʋana ʋokudzokera shure, ndicapodza kudzokera kwenyu. Tarirai, taʋuya kwamuri, nokuti imi muri Jehova Mŋari weɗu.

²³Ɀirokwaɀo, ɀinobva kuɀikomo nemhere‐mhere inobva kumakomo haɀinamaturo; ɀirokwaɀo kuponeswa kwaIsraeri kuri kunaJehova Mŋari weɗu.

²⁴Asi cinhu cinonyaŋgadza cakaparadza ɓasa ramadziɓaɓa eɗu kubva paʋuɗuku bgeɗu, makwai aʋo neŋombe dzaʋo, ʋanakomana ʋaʋo naʋanasikana ʋaʋo.

²⁵Ŋgatiʋatei pasi nokunyadziswa kweɗu, kunyara kweɗu ŋgakutifukidze; nokuti takatadzira Jehova Mŋari weɗu, isu namadziɓaɓa eɗu, kubva paʋuɗuku bgeɗu kuȿikira pazuʋa ranhasi; hatinakuterera inzwi raJehova Mŋari weɗu.