Read Original Shona Union Bible 1949 Baiberi Magwaro Matȿene aMŋari Jeremia 30 Bible Online

Jeremia 30 - Original Shona Union Bible 1949 Baiberi Magwaro Matȿene aMŋari bible

Jeremia 30

¹Shoko, rakaʋuya kunaJeremia ricibva kunaJehova, riciti:

²Ɀanzi naJehova, Mŋari waIsraeri: Nyora mashoko ose andakakuʋudza mubuku.

³Nokuti, tarirai, mazuʋa anoʋuya — ndiɀo ɀinotaura Jehova — andicadzosa ʋanhu ʋaŋgu ʋaIsraeri naJuda pakutapxa kwaʋo — ndiɀo ɀinotaura Jehova; ndicaʋadzosera kunyika yandakapa madziɓaɓa aʋo, iʋe yaʋo.

⁴Awa ndiwo mashoko akataura Jehova pamsoro paIsraeri napamsoro paJuda.

⁵Nokuti ɀanzi naJehova: Takanzwa inzwi rinoɗeɗeresa, rinotyisa, risati riri rorugare.

⁶Bvunzai ɀino muʋone kana murume uŋgagona kusurumuka; ndinoʋonereiko murume mumŋe nomumŋe akaisa maʋoko ake paciʋuno cake somukadzi unosurumuka, neɀiso ɀose ɀakaceneruka?

⁷Maiwe! Nokuti zuʋa iro iguru, hakuna‐rakafanana naro; iŋguʋa yokutambudzika kwaJakobo; asi ucasunuŋgurwa paɀiri.

⁸Ɀino nezuʋa iro — ndiɀo ɀinotaura Jehova wehondo — ndicavuna joko rake pamutsipa wako, ndicaɗambura ɀisuŋgu ɀako; ʋatorwa haʋaŋgazomuiti muranda waʋo;

⁹asi ʋacashumira Jehova Mŋari waʋo, naDavidi mambo waʋo, wandicaʋamutsira.

¹⁰Naiɀoɀo usatya hako, iwe Jakobo muranda waŋgu — ndiɀo ɀinotaura Jehova; usavunduka hako, iwe Israeri, nokuti tarira, ndicakuponesa uri kure, naʋana ʋako kunyika kwaʋakatapirwa; Jakobo ucadzoka, ucagara akagadzikana anorugare, hakuna‐uŋgamutyisa.

¹¹Nokuti ndinewe, kuti ndikuponese — ndiɀo ɀinotaura Jehova; nokuti ndicagumisa cose marudzi ose kwandakakuparadzira, asi iwe handiŋgakugumisi cose; asi ndicakuraŋga nokururama, handiŋgatoŋgokuregi usinokurobga.

¹²Nokuti ɀanzi naJehova: Kukuʋadzwa kwako hakubviri kuporeswa, ʋaŋga rako rakaipa kwaɀo.

¹³Hakuna‐unoreʋerera mhaka yako, kuti urapxe; haunemishoŋga inoporesa.

¹⁴Ʋose ʋaikuɗa ʋakukaŋganwa, haʋakuʋiŋgi, nokuti ndakakukuʋadza neʋaŋga romuʋeŋgi, ʋuye nokuroʋa kwounehasha, nokuɗa kwoʋukuru bgeɀakaipa ɀako, nokuti ɀiʋi ɀako ɀakaŋga ɀawanda.

¹⁵Unocemeiko pamsoro pokukuʋadzwa kwako? Kurwadziwa kwako hakubviri kuporeswa. Ndakakuitira ɀinhu iɀi, nokuɗa kwoʋukuru bgeɀakaipa ɀako, nokuti ɀiʋi ɀako ɀakaŋga ɀawanda.

¹⁶Naiɀoɀo ʋose ʋanokudya ʋacadyiwa ʋo; ʋadziʋisi ʋako ʋose, mumŋe nomumŋe waʋo, ʋacatapxa; ʋanokupamba ʋacapambga, ʋose ʋanokuparadza, ndicaʋaisa kukuparadzwa.

¹⁷Nokuti ndicakudzosera mufaro pamuʋiri, ndicakuporesa maʋaŋga ako — ndiɀo ɀinotaura Jehova — ɀaʋakakutumidza zita rinonzi Murashwa, ʋaciti: NdiZioni ɀaro, hakunomunhu unehanya naro.

¹⁸Ɀanzi naJehova: Ndicadzosa ɀe kutapxa kwamatente aJakobo, nokunzwira ʋugaro bgake tsitsi; guta ricaʋakwa pamsoro pegomo raro, imba yamambo icagarwa seɀakafanira.

¹⁹Kuʋoŋga nenzwi raʋanofara ricaɓuɗa’po; ndicaʋawanza, haʋaŋgaʋi ʋashoma, ndicaʋakudza ʋarege kuʋa ʋaɗuku.

²⁰Ʋana ʋaʋo ʋacaʋa sakare, neʋuŋgano yaʋo icamiswa pamberi paŋgu, ndicaroʋa ʋose ʋanoʋamanikidza.

²¹Mucinda waʋo ucaʋa mumŋe waʋo, muɓati waʋo ucaɓuɗa pakati paʋo; ndicamusweɗedza, asweɗere kwandiri; nokuti ndianiko wakatsuŋga kusweɗera kwandiri? — ndiɀo ɀinotaura Jehova.

²²Imi mucaʋa ʋanhu ʋaŋgu, neni ndicaʋa Mŋari wenyu.

²³Tarirai, ɗutu guru remhepo yaJehova, idzo hasha dzake, raɓuɗa, riri ɗutu guru rinesimba; ricaputsikira pamisoro yaʋakaipa.

²⁴Kutsamŋa kukuru kwaJehova hakuŋgadzoki, kuȿikira apedza, kuȿikira aita ɀose ɀaakafuŋga mumŋoyo make; mucaɀinzwisisa pamazuʋa okupedzisira.