Read Original Shona Union Bible 1949 Baiberi Magwaro Matȿene aMŋari Jeremia 31 Bible Online

Jeremia 31 - Original Shona Union Bible 1949 Baiberi Magwaro Matȿene aMŋari bible

Jeremia 31

¹Neŋguʋa iyo — ndiɀo ɀinotaura Jehova — ndicaʋa Mŋari wamarudzi ose aIsraeri, naiʋo ʋacaʋa ʋanhu ʋaŋgu.

²Ɀanzi naJehova: Ʋanhu ʋakapukunyuka pamunondo, iʋo ʋaIsraeri, ʋakawana nyasha murenje, paŋguʋa yandakandoʋazorodza.

³Jehova wakaɀiratidza kwandiri ari kure, akati: Ɀirokwaɀo, ndakakuɗa noruɗo rusiŋgaperi, naiɀoɀo ndakakukweʋa noʋunyoro.

⁴Ndicakuʋaka ɀe, ipapo ucaʋa wakaʋakwa, iwe mhandara yaIsraeri; ucashoŋgedzwa ɀe ŋgoma dzako, ucaɓuɗa kundotamba naʋanofara.

⁵Ucasima ɀe minda yemizambiriŋga pamakomo eSamaria; ʋasimi ʋacasima nokudya ɀiɓereko ɀayo.

⁶Nokuti zuʋa ricaȿika, naro nharirire dzicaɗana pamakomo aEfraimi, dziciti: Simukai imi, tikwire Zioni kunaJehova Mŋari weɗu.

⁷Nokuti ɀanzi naJehova: Imbirai Jakobo nomufaro, pururudzirai mukuru wamarudzi; paridzirai, rumbidzai, muti: Jehova, ponesai ʋanhu ʋenyu, iʋo ʋakasara ʋaIsraeri.

⁸Tarirai, ndicaʋaʋuyisa ʋacibva kunyika yokumsoro, ndicaʋaʋuŋganidza kumigumo yenyika, pamŋe cete namapofu, naʋanokamhina, naʋakadzi ʋaʋa nomuʋiri pamŋe cete naʋanosurumuka; ʋacadzokera ʋuno riri ɓoka guru.

⁹Ʋacaʋuya ʋacicema, ndicaʋaperekedza ʋacinyeŋgetera; ndicaʋafambisa panzizi dzemvura zhinji, nenzira yakarurama, paʋasiŋgazogumburwi; nokuti ndiri ɓaɓa kunaIsraeri, Efraimi iɗaŋgwe raŋgu.

¹⁰Inzwai shoko raJehova, imi marudzi, muriparidzire paɀiwi ɀiri kure, muti: Wakaparadzira Israeri, ndiye ucaʋaʋuŋganidza, nokuʋaceŋgeta, seɀinoita mufudzi ɓoka rake.

¹¹Nokuti Jehova wakadzikinura Jakobo, akamurwira muruʋoko rwounopfuʋura nesimba.

¹²Ʋacaʋuya ʋaciimba panɀimbo yakakwirira yeZioni, ʋacayerera semvura kuneɀakanaka ɀaJehova, kuɀiyo, nokuwaini itȿa, nokumafuta, nokuɀiɓereko ɀamakwai neŋombe; mŋeya waʋo ucaʋa somunda wakaɗiridzwa, haʋaŋgatoŋgoʋi nokusuwa ɀe.

¹³Ipapo mhandara icafara nokutamba, namajaya naʋatana pamŋe cete; nokuti ndicashandura kucema kwaʋo uʋe mufaro, ndicaʋanyaradza, nokuʋafadza pakusuwa kwaʋo.

¹⁴Ndicagutisa mŋeya yaʋaprista namafuta, ʋuye ʋanhu ʋaŋgu ʋacaguta neɀakanaka ɀaŋgu — ndiɀo ɀinotaura Jehova.

¹⁵Ɀanzi naJehova: Inzwi rinonzwika muRama, rokuwuŋgudza nokucema kukuru, Rakeri unocema ʋana ʋake; unoramba kunyaradzwa pamsoro paʋana ʋake, nokuti haʋaci’po.

¹⁶Ɀanzi naJehova: Dzora inzwi rako pakucema, nameso ako pamisodzi, nokuti ɓasa rako ricaripirwa muɓairo — ndiɀo ɀinotaura Jehova; ʋacadzoka ɀe ʋacibva kunyika yaʋaʋeŋgi ʋaʋo.

¹⁷Mugumo wako unetariro — ndiɀo ɀinotaura Jehova; ʋana ʋako ʋacadzokera ɀe kumiganho yaʋo.

¹⁸Ɀirokwaɀo ndakanzwa Efraimi aciɀicema, aciti: Imi makandiroʋa, ndikarobga semhuru isina‐kupiŋgudzwa; ndidzoserei imi, ipapo ndicadzoka, nokuti imi muri Jehova Mŋari waŋgu.

¹⁹Ɀirokwaɀo, ndakati ndadzoka, ndikatendeʋuka, ndakati ndarairirwa, ndikaɀiroʋa pahudyu; ndakanyadziswa, ɀirokwaɀo, ndakanyara, nokuti ndakatakura kushoʋorwa kwoʋuɗuku bgaŋgu.

²⁰Ko Efraimi ndiye mŋanakomana waŋgu unoɗikanwa here? Ndiye mŋana unondifadza here? Nokuti ŋguʋa dzose kana ndicimutuka, ndinoramba ndicimuraŋgarira kwaɀo; naiɀoɀo mŋoyo waŋgu unomucemera; ɀirokwaɀo, ndicamunzwira nyasha — ndiɀo ɀinotaura Jehova.

²¹Ɀimisirei shoŋgwe dzenzira, ɀiitirei ɀani; rerekerai mŋoyo yenyu kunzira huru, iyo nzira yamakafamba nayo; dzoka ɀe, mhandara yaIsraeri, dzokera ɀe kumaguta ako awa.

²²Ucaramba ucifambiro’mo kuȿikira riniko, iwe mukunda wokudzokera shure? Nokuti Jehova wakasika cinhu citȿa panyika, cokuti mukadzi ucambundikira murume.

²³Ɀanzi naJehova wehondo, Mŋari waIsraeri: Ʋacataura ɀe shoko iri munyika yaJuda nomumaguta ayo, kana ndicidzosa ɀe kutapxa kwaʋo, ʋaciti: Jehova ŋgaakuropafadze, iwe ʋugaro bgokururama, iwe gomo roʋutȿene.

²⁴Juda namaguta aʋo ose ʋacagara’mo pamŋe cete, ʋarimi naʋanofamba namapoka aʋo.

²⁵Nokuti ndakagutsa mŋeya wakaneta, nomŋeya mumŋe nomumŋe, unokusuwa, ndakausimbisa.

²⁶Ipapo ndakamuka, ndikaʋona; hope dzaŋgu dzikandizipira.

²⁷Ɀanzi naJehova: Tarirai, mazuʋa anoʋuya, andicadɀara paimba yaIsraeri napaimba yaJuda mbeu dzaʋanhu nembeu dzeɀipfuwo.

²⁸Ɀino seɀandakaʋarindira, ndicidzura nokukoromora nokuwisira pasi nokuparadza nokutambudza, saiɀoɀo ndicaʋarindira ndiʋake nokusima — ndiɀo ɀinotaura Jehova.

²⁹Namazuʋa awo haʋaŋgazoti: Madziɓaɓa akadya mazambiriŋga anoʋaʋa, meno aʋana ndokubgadzira.

³⁰Asi mumŋe nomumŋe ucafira ɀakaipa ɀake; mumŋe nomumŋe, unodya mazambiriŋga anoʋaʋa, meno ake acabgadzira.

³¹Tarirai, mazuʋa anoʋuya — ndiɀo ɀinotaura Jehova — andicaita suŋgano itȿa neimba yaIsraeri, ʋuye neimba yaJuda.

³²Haiŋgafanani nesuŋgano yandakaita namadziɓaɓa aʋo namazuʋa andakaʋaɓata ruʋoko ndikaʋaɓuɗisa munyika yeEgipita, ʋakaputsa suŋgano yaŋgu iyo, kunyaŋge ndakaŋga ndiri murume kwaʋari — ndiɀo ɀinotaura Jehova.

³³Asi heyi suŋgano yandicaita neimba yaIsraeri shure kwamazuʋa iwayo — ndiɀo ɀinotaura Jehova: Ndicaisa murairo waŋgu mukati maʋo, ndicaunyora pamŋoyo yaʋo; ini ndicaʋa Mŋari waʋo, iʋo ʋacaʋa ʋanhu ʋaŋgu.

³⁴Haʋaŋgazodzidzisani, mumŋe nomumŋe nowokwake, mumŋe nomumŋe nehama yake, aciti: Ziʋa Jehova; nokuti ʋacandiziʋa ʋose, kubva kuʋaɗuku pakati paʋo kuȿikira kuʋakuru pakati paʋo — ndiɀo ɀinotaura Jehova; nokuti ndicakaŋganwira kuipa kwaʋo, neɀiʋi ɀaʋo handiŋgazoɀiraŋgariri.

³⁵Ɀanzi naJehova, iye unopa zuʋa riʋe ciedza masikati, nemirairo yomŋedzi neyenyeredzi ɀiʋe ciedza ʋusiku, iye unomutsa guŋgwa, kuti mafuŋgu aro atinhire, Jehova wehondo ndiro zita rake:

³⁶Kana mirairo iyi ikabva pamberi paŋgu — ndiɀo ɀinotaura Jehova — ipapo ʋana ʋaIsraeri ʋo ʋaŋgaguma ʋo kuʋa rudzi pamberi paŋgu nokusiŋgaperi.

³⁷Ɀanzi naJehova: Kana ɗeŋga kumsoro ricibvira kuyerwa, nenheyo dzenyika pasi dzicibvira kunɀerwa, ipapo neni ʋo ndicarasha ʋana ʋose ʋaIsraeri nokuɗa kweɀose ɀaʋakaita — ndiɀo ɀinotaura Jehova.

³⁸Tarirai, mazuʋa anoʋuya — ndiɀo ɀinotaura Jehova — acaʋakirwa Jehova guta kubva pashoŋgwe yaHananeri kuȿikira kusuʋo rekona.

³⁹Ʋuye rwonzi rwokuyera narwo rucapfuʋura ruciruramira kucikomo ceGarebi, ndokudzoka kuȿikira paGoa.

⁴⁰Mupata wose weɀitunha nowamaɗota, neminda yose kuȿikira kurukoʋa Kidroni, kuȿikira kukona resuʋo ramabiza kurutiʋi rwamabvazuʋa, ɀicaʋa ɀitȿene kunaJehova; haɀiŋgazodzurwi, kana kuparadzwa nokusiŋgaperi.