Read Original Shona Union Bible 1949 Baiberi Magwaro Matȿene aMŋari Jeremia 32 Bible Online

Jeremia 32 - Original Shona Union Bible 1949 Baiberi Magwaro Matȿene aMŋari bible

Jeremia 32

¹Shoko rakaʋuya kunaJeremia ricibva kunaJehova negore regumi raZedekia mambo waJuda, riri gore regumi namasere raNebukadrezari.

²Ɀino neŋguʋa iyo mambo wehondo yeBabironi wakaŋga akakomberedza Jerusarema; asi muprofita Jeremia wakaŋga akapfigirwa muruʋazhe rwaʋarindi, rwakaŋga ruri mumba mamambo waJuda.

³Nokuti Zedekia mambo waJuda wakaŋga amupfigira, aciti: Unoprofitereiko uciti: Ɀanzi naJehova: Tarirai, ndicaisa guta rino muruʋoko rwamambo weBabironi, iye ucarikunda;

⁴Zedekia mambo waJuda haaŋgapukunyuki pamaʋoko aʋaKardea, asi ucaiswa ɀirokwaɀo muruʋoko rwamambo weBabironi, ʋacataurirana nemiromo yaʋo, nokuʋonana nameso aʋo;

⁵iye ucandoisa Zedekia Babironi, agare’ko kuȿikira ndicimushanyira — ndiɀo ɀinotaura Jehova; kunyaŋge mukarwa naʋaKardea hamuŋgakundi?

⁶Jeremia akati: Shoko raJehova rakaʋuya kwandiri, riciti:

⁷Tarira, Hanameri mŋanakomana waSharumi, sekuru ʋako, ucaʋuya kwauri, aciti: Ɀiteŋgere munda waŋgu uri paAnatoti, nokuti ndiwe unesimba rokuudzikinura nokuuteŋga.

⁸Naiɀoɀo Hanameri mŋanakomana wasekuru ʋaŋgu wakaʋuya kwandiri muruʋazhe rwaʋarindi, seɀakarebga neshoko raJehova, akati kwandiri: Ƌonditeŋgera hako munda waŋgu uri paAnatoti, riri munyika yaBenjamini, nokuti ndiwe unesimba rokugara nhaka, ndiwe unofanira kudzikinura; ciɀiteŋgera iwo. Ipapo ndakaziʋa kuti ishoko raJehova.

⁹Ndikateŋga munda wakaŋga uri paAnatoti kunaHanameri mŋanakomana wasekuru ʋaŋgu, ndikamuyerera mari, mashekeri esirveri anegumi namanomŋe.[1]

¹⁰Ndikanyora rugwaro rwokuteŋga, ndikarunamatidza, ndikaɗana ɀapupu, ndikamuyerera mari paciyero.

¹¹Ipapo ndikatora rugwaro rwokuteŋga, irwo rwakaŋga rwakanamatidzwa, seɀakarebga nomurairo netsika, norumŋe rwakaŋga rwakashama,

¹²ndikapa Baruki mŋanakomana waNeria, mŋanakomana waMaseia, rugwaro rwokuteŋga, Hanameri mŋanakomana wasekuru ʋaŋgu ari’po, neɀapupu ɀakaŋga ɀasimbisa rugwaro rwokuteŋga ɀiri’po, naʋaJuda ʋose ʋakaŋga ʋagere muruʋazhe rwaʋarindi ʋari’po.

¹³Ndikaraira Baruki pamberi paʋo, ndiciti:

¹⁴Ɀanzi naJehova wehondo, Mŋari waIsraeri: Tora magwaro awa okuteŋga, rugwaro urwu rwokuteŋga rwakanamatidzwa, norugwaro urwu rwakashama, uɀiise mumudziyo wevu, ɀigare’mo mazuʋa mazhinji.

¹⁵Nokuti ɀanzi naJehova wehondo, Mŋari waIsraeri: Dzimba neminda neminda yemizambiriŋga ɀicazoteŋgwa ɀe munyika ino.

¹⁶Ɀino ndakati ndapa Baruki mŋanakomana waNeria rugwaro rwokuteŋga, ndikanyeŋgetera kunaJehova, ndiciti:

¹⁷Haiwa, Ishe Jehova! Tarirai, imi makaita ɗeŋga rose napasi nesimba renyu guru noruʋoko rwenyu rwakatambanudzwa, hakunecinhu ciŋgakukonai imi;

¹⁸imi, munonzwira tsitsi ʋaneɀuru ɀamazana, nokutsiʋa ɀakaipa ɀamadziɓaɓa mucifuʋa caʋana ʋaʋo ʋanoʋateʋera, iye mukuru, Mŋari unesimba, Jehova wehondo, ndiro zita rake;

¹⁹wakakura panjere, unesimba pakuɓata, meso ake anoȿinurira nzira dzose dzaʋana ʋaʋanhu, kuti ape mumŋe nomumŋe seɀaakaɓata, neɀakafanira ɀiɓereko ɀamaɓasa ake;

²⁰iye, wakaisa ɀiratidzo neɀishamiso panyika yeEgipita kuȿikira pazuʋa ranhasi, pakati paIsraeri napakati paʋamŋe ʋanhu; mukaɀiitira mbiri seɀaɀakaita nezuʋa ranhasi;

²¹mukaɓuɗisa ʋanhu ʋenyu ʋaIsraeri panyika yeEgipita, neɀiratidzo neɀishamiso necanza cinesimba, noruʋoko rwakatambanudzwa, ʋuye nokutyisa kukuru;

²²mukaʋapa nyika ino, yamakapikira madziɓaɓa aʋo kuti mucaʋapa, iri nyika inoyerera mukaka noʋuci;

²³ʋakapinda, ʋakaiita yaʋo; asi haʋana‐kuterera inzwi renyu, kana kufamba nemirairo yenyu; haʋana‐kutoŋgoita cinhu cimŋe ceɀose ɀamakaʋaraira kuti ʋaɀiite; naiɀoɀo makaʋuyisa iɀi ɀose pamsoro paʋo.

²⁴Tarirai, mirwi yokurwa yaȿika paguta kuti ʋarikunde; guta raiswa mumaʋoko aʋaKardea ʋanorwa naro, nokuɗa kwomunondo nenzara nehosha yakaipa; ɀamakataura ɀaitika, tarirai, munoɀiʋona.

²⁵Ɀino imi Ishe Jehova, makati kwandiri: Ciɀiteŋgera munda nemari, uɗane ɀapupu, kunyaŋge ɀakaɗaro guta raiswa mumaʋoko aʋaKardea.

²⁶Ipapo shoko raJehova rakaȿika kunaJeremia, riciti:

²⁷Tarira, ndini Jehova, Mŋari wenyama yose, kunecinhu ciŋgandikona here?

²⁸Naiɀoɀo ɀanzi naJehova: Tarira, ndicaisa guta rino mumaʋoko aʋaKardea, nomumaʋoko aNebukadrezari mambo weBabironi, iye ucarikunda;

²⁹ƲaKardea, ʋanorwa neguta rino, ʋacaʋuya ʋacituŋgidza guta rino, ʋaciripisira, pamŋe cete nedzimba dzaʋakaɓayira pamateŋga adzo ɀinonhuwira kunaBaari, nokuɗururira ʋamŋe ʋamŋari ɀipiriso ɀinoɗururwa, kuti ʋanditsamŋise.

³⁰Nokuti ʋana ʋaIsraeri naʋana ʋaJuda ʋaiŋgoita ɀakaipa ɀoga pamberi paŋgu kubva paʋuɗuku bgaʋo; nokuti ʋana ʋaIsraeri ʋakaŋgonditsamŋisa ɓedzi namaɓasa amaʋoko aʋo — ndiɀo ɀinotaura Jehova.

³¹Nokuti guta rino rakamutsa kutsamŋa kwaŋgu nehasha dzaŋgu kubva pazuʋa raʋakariʋaka kuȿikira zuʋa ranhasi, kuti ndiribvise pamberi paŋgu,

³²nokuɗa kweɀakaipa ɀose ɀaʋana ʋaIsraeri naʋana ʋaJuda, ɀaʋakaita ʋacinditsamŋisa, iʋo namadzimambo aʋo, namacinda aʋo, naʋaprista ʋaʋo, naʋaprofita ʋaʋo, naʋanhu ʋaJuda, naʋagere Jerusarema.

³³Ʋakandifuratira, haʋana‐kunditarira neɀiso ɀaʋo; kunyaŋge ndaiʋadzidzisa, ndicimuka maŋgwanani ndiciʋadzidzisa, asi haʋana‐kuterera nokutenda kuraŋgwa.

³⁴Asi ʋakaisa ɀinonyaŋgadza ɀaʋo muimba yakatumidzwa zita raŋgu, kuti ʋaiȿiɓise.

³⁵Ʋakaʋaka mitunhu yaBaari, iri mumupata womŋanakomana waHinomi, kuti ʋapinzire Moreki ʋanakomana ʋaʋo naʋanasikana ʋaʋo mumŋoto, cinhu candisina‐kuʋaraira, kana candisina‐kufuŋga mumŋoyo maŋgu, kuti ʋaite cinhu ici cinonyaŋgadza, ʋacitadzisa Juda.

³⁶Naiɀoɀo ɀanzi naJehova Mŋari waIsraeri pamsoro peguta rino, ramunoti rakaiswa muruʋoko rwamambo weBabironi nomunondo, nenzara ʋuye nehosha yakaipa:

³⁷Tarirai, ndicaʋaʋuŋganidza kunyika dzose kwandakaŋga ndaʋadziŋgira nokutsamŋa kwaŋgu nehasha dzaŋgu, ʋuye neshuŋgu dzaŋgu huru, ndicaʋadzosera ɀe kunɀimbo ino, nokuʋagarisa ʋakaceŋgetwa.

³⁸Iʋo ʋacaʋa ʋanhu ʋaŋgu, neni ndicaʋa Mŋari waʋo.

³⁹Ndicaʋapa mŋoyo mumŋe nenzira imŋe, kuti ʋanditye nokusiŋgaperi, ʋaitirwe ɀakanaka iʋo, naʋana ʋaʋo ʋanoʋateʋera.

⁴⁰Ndicaita naʋo suŋgano isiŋgaperi, handiŋgadzoki pakuʋateʋera kuti ndiʋaitire ɀakanaka; ndicaisa kutya mumŋoyo yaʋo kuti ʋanditye, kuti ʋarege kuzotsauka kwandiri.

⁴¹Ɀirokwaɀo, ndicaʋafarira kuti ndiʋaitire ɀakanaka, ndicaʋasima ɀirokwaɀo munyika ino nomŋoyo waŋgu wose ʋuye nomŋeya waŋgu wose.

⁴²Nokuti ɀanzi naJehova: Seɀandakaʋuyisa ɀakaipa iɀi ɀikuru ɀose pamsoro paʋanhu aʋa, saiɀoɀo ʋo ndicaʋuyisa pamsoro paʋo ɀakanaka ɀose ɀandakaʋapikira.

⁴³Minda icateŋgwa munyika ino yamunoti iɗoŋgo, hainaʋanhu kana ɀipfuwo, yaiswa mumaʋoko aʋaKardea.

⁴⁴Ʋanhu ʋacateŋga minda nemari, nokunyora magwaro okuteŋga, nokuanamatidza, nokuɗana ɀapupu, panyika yaBenjamini, napanɀimbo dzakapoteredza Jerusarema, nomumaguta aJuda, nomumaguta enyika yamakomo, nomumaguta amapani, nomumaguta orutiʋi rwezasi; nokuti ndicadzosa kutapxa kwaʋo — ndiɀo ɀinotaura Jehova.