Read Original Shona Union Bible 1949 Baiberi Magwaro Matȿene aMŋari Jeremia 33 Bible Online

Jeremia 33 - Original Shona Union Bible 1949 Baiberi Magwaro Matȿene aMŋari bible

Jeremia 33

¹Ɀino shoko raJehova rakaȿika ɀe rwecipiri kunaJeremia, acakapfigirwa muruʋazhe rwaʋarindi, riciti:

²Ɀanzi naJehova, iye unoɀiita, iye Jehova unoɀiʋumba nokuɀisimbisa, Jehova ndiro zita rake:

³Ƌanai kwandiri, ndicakupindurai, ndicakuratidzai ɀinhu ɀikuru ɀakaʋanzika, ɀamusiŋgaziʋi.

⁴Nokuti ɀanzi naJehova Mŋari waIsraeri pamsoro pedzimba dzeguta rino, napamsoro pedzimba dzamadzimambo aJuda, dzakakoromorwa kuzorwa nemirwi yokurwa neminondo:

⁵Ʋanoʋuya haʋo kurwa naʋaKardea, asi ʋanodzizadza neɀitunha ɀaʋanhu ʋandakaʋuraya nokutsamŋa kwaŋgu nehasha dzaŋgu, ndikaʋanzira guta rino ciso caŋgu nokuɗa kwokuipa kwaʋo kwose.

⁶Tarirai, ndicaʋaʋigira mufaro pamuʋiri nokupora, ini ndicaʋaporesa; ndicaʋaratidza rugare rwakawanda neɀokwaɗi yakawanda.

⁷Ndicadzosa kutapxa kwaJuda nokutapxa kwaIsraeri, ndicaʋaʋaka sapakutaŋga.

⁸Ndicaʋanatsa paɀakaipa ɀaʋo ɀose ɀaʋakanditadzira naɀo, ndicakaŋganwira ɀakaipa ɀaʋo ɀose ɀaʋakanditadzira naɀo, neɀaʋakandiɗarikira naɀo.

⁹Guta rino ricaʋa kwandiri mbiri yomufaro, nokurumbidzwa nokukudzwa, pamberi pamarudzi ose enyika, acanzwa ɀakanaka ɀose ɀandicaʋaitira; ʋacatya nokuɗeɗera pamsoro peɀakanaka ɀose norugare rwose ɀandicariʋigira.

¹⁰Ɀanzi naJehova: Panɀimbo ino yamunoti yakaparadzwa, hainaʋanhu kana ɀipfuwo, imo mumaguta aJuda, nomunzira dzomuJerusarema, maŋgoʋa neɗoŋgo, musinaʋanhu ʋagere’mo, kana ɀipfuwo, pacanzwika ɀe

¹¹inzwi romufaro nokufarisisa, inzwi recikomba nenzwi romŋeŋga, nenzwi raʋanoti: Ʋoŋgai Jehova wehondo, nokuti Jehova wakanaka, nokuti ŋgoni dzake dziri’po nokusiŋgaperi; ʋuye neraʋanoʋuya neɀipiriso ɀokuʋoŋga mumba maJehova. Nokuti ndicadzosa kutapxa kwenyika ɀiʋe sapakutaŋga — ndiɀo ɀinotaura Jehova.

¹²Ɀanzi naJehova wehondo: Panɀimbo ino yakaparadzwa, isinaʋanhu kana ɀipfuwo, napamaguta ari’po, pacaʋa ɀe namafuro aʋafudzi, ʋanoʋatisa makwai aʋo pasi.

¹³Mumaguta enyika yamakomo, mumaguta amapani, mumaguta orutiʋi rwezasi, napanyika yaBenjamini, napanɀimbo dzakapoteredza Jerusarema, nomumaguta aJuda, makwai acapfuʋura ɀe pasi poruʋoko rwounoaʋereŋga — ndiɀo ɀinotaura Jehova.

¹⁴Tarirai, mazuʋa anoʋuya — ndiɀo ɀinotaura Jehova — andicaita shoko iro rakanaka randakataura pamsoro peimba yaIsraeri napamsoro peimba yaJuda.

¹⁵Namazuʋa iwayo, neŋguʋa iyo, ndicamedzera Davidi ɗaʋi rokururama; iye ucaruramisira ʋanhu nokuita ɀakarurama panyika.

¹⁶Namazuʋa iwayo Juda ʋacaponeswa, Jerusarema ricagara rakaceŋgetwa; zita raricatumidzwa ndireri: Jehova ndiye kururama kweɗu.

¹⁷Nokuti ɀanzi naJehova: Davidi haaŋgatoŋgoshaiwi munhu unogara pacigaro coʋushe ceimba yaIsraeri;

¹⁸naʋaprista ʋaRevi haʋaŋgashaiwi munhu pamberi paŋgu uŋgapisa ɀipiriso ɀinopiswa nokupisa ɀipiriso ɀoʋupfu, nokugara aciɓayira.

¹⁹Ɀino shoko raJehova rakaȿika kunaJeremia, riciti:

²⁰Ɀanzi naJehova: Kana muŋgagona kuputsa suŋgano yaŋgu yamasikati nesuŋgano yaŋgu yoʋusiku, kukarega kuʋa namasikati noʋusiku neŋguʋa yaɀo;

²¹ipapo suŋgano yaŋgu naDavidi muranda waŋgu iŋgaputswa ʋo, akasaʋa nomŋanakomana uŋgaɓata ʋushe pacigaro cake coʋushe; saiɀoɀo ʋo naʋaRevi, ʋaprista, ʋashumiri ʋaŋgu.

²²Hondo yokuɗeŋga seɀaisiŋgabviri kuʋereŋgwa, kana jeca reguŋgwa kuyerwa, saiɀoɀo ndicawanza ʋana ʋaDavidi muranda waŋgu, naʋaRevi ʋanondishumira.

²³Ipapo shoko raJehova rakaȿika kunaJeremia, riciti:

²⁴Hauraŋgariri ɀakataurwa naʋanhu aʋa, ɀaʋakati: Marudzi maʋiri akatsaurwa naJehova, akarashwa naye? Saiɀoɀo ʋanoɀidza ʋanhu ʋaŋgu, ʋaciti haʋaci rudzi pamberi paʋo.

²⁵Ɀanzi naJehova: Kana suŋgano yaŋgu yamasikati noʋusiku isi’po, kana ndisinakutemera ɗeŋga napasi mirairo;

²⁶ipapo ndicarasha ʋo ʋana ʋaJakobo, naʋaDavidi muranda waŋgu, kuti ndirege kutora ʋamŋe ʋaʋana ʋake ʋaʋe ʋaɓati ʋaʋana ʋaAbrahama naIsaka naJakobo; nokuti ndicadzosa kutapxa kwaʋo nokuʋanzwira nyasha.