Read Original Shona Union Bible 1949 Baiberi Magwaro Matȿene aMŋari Jeremia 34 Bible Online

Jeremia 34 - Original Shona Union Bible 1949 Baiberi Magwaro Matȿene aMŋari bible

Jeremia 34

¹Shoko, rakaȿika kunaJeremia, ricibva kunaJehova, paŋguʋa iyo Nebukadnezari mambo weBabironi, nehondo yake yose, noʋushe bgose bgenyika bgakaŋga bgakaɓatwa naye, namarudzi ose, ʋacirwa neJerusarema namaguta ose aro, riciti:

²Ɀanzi naJehova, Mŋari waIsraeri: Enda, undotaura naZedekia mambo waJuda, uti kwaari: Ɀanzi naJehova: Tarira, ndicaisa guta rino muruʋoko rwamambo weBabironi, iye ucaripisa nomŋoto;

³newe hauŋgapukunyuki paruʋoko rwake, asi ɀirokwaɀo ucaɓatwa, nokuiswa muruʋoko rwake; meso ako acaʋona meso amambo weBabironi, mucataurirana nemiromo yenyu, iwe ucaenda Babironi.

⁴Asi cinzwa shoko raJehova, iwe Zedekia mambo waJuda: Ɀanzi naJehova pamsoro pako: Iwe hauŋgaʋurawi nomunondo;

⁵iwe ucafa norugare; seɀaʋakapisira madziɓaɓa ako, iwo madzimambo akare akakutaŋgira, saiɀoɀo ʋacakupisira ʋo; ʋacakucema ʋaciti: Haiwa ishe! Nokuti ndini ndakataura shoko iro — ndiɀo ɀinotaura Jehova.

⁶Ipapo muprofita Jeremia akataura mashoko awa ose kunaZedekia mambo waJuda paJerusarema,

⁷neŋguʋa yakarwa hondo yamambo weBabironi neJerusarema ʋuye namaguta ose aJuda akaŋga asara, neRakishi neAzeka, nokuti ndiyo yakaŋga yasara pamaguta aJuda, ari maguta akakombga noruȿiŋgo.

⁸Shoko, rakaȿika kunaJeremia, ricibva kunaJehova, mambo Zedekia aita suŋgano naʋanhu ʋose ʋakaŋga ʋari Jerusarema, aciʋaparidzira kuti ʋakasunuŋgurwa,

⁹kuti mumŋe nomumŋe unofanira kutendera muranda wake, nomumŋe nomumŋe mushandiri wake, waiʋa muHeberu, murume kana mukadzi, kuti aende hake; kuti kurege kuʋa nomuJuda unoita hama yake muranda.

¹⁰Macinda ose naʋanhu ʋose ʋakaterera, iʋo ʋakaŋga ʋatenda suŋgano, kuti mumŋe nomumŋe atendere muranda wake nomumŋe nomumŋe mushandiri wake kuti ʋaende haʋo, kuti kurege kuzoʋa nomunhu unoʋaita ʋaranda; ʋakaterera, ʋakaʋatendera kuenda.

¹¹Asi pashure ʋakashanduka, ʋakadzosa ʋaranda naʋashandiri, ʋaʋakaŋga ʋambotendera kuenda, ʋakaʋamanikidza ɀe kuti ʋaʋe ʋaranda naʋashandiri.

¹²Ipapo shoko raJehova rakaȿika kunaJeremia ricibva kunaJehova, riciti:

¹³Ɀanzi naJehova, Mŋari waIsraeri: Ndakaita suŋgano namadziɓaɓa enyu, paŋguʋa yandakaʋaɓuɗisa munyika yeEgipita, muimba yoʋuranda, ndiciti:

¹⁴Kana makore manomŋe apera, munofanira mumŋe nomumŋe kutendera hama yake muHeberu kuti aende hake, iye wakaŋga akateŋgeswa kwauri, akakuɓatira makore matanhatu, unofanira kumutendera kuti aende hake, abve kwauri; asi madziɓaɓa enyu haanakunditerera, kana kurerekera nzeʋe dzaʋo.

¹⁵Ɀino imi makaŋga madzoka henyu, mukaita ɀakarurama pamberi paŋgu, ɀamakaparidzira mumŋe nomumŋe hama yake kuti uŋgasunuŋgurwa; makaŋga maita suŋgano pamberi paŋgu muimba panoɗanwa zita raŋgu;

¹⁶asi makadzoka, mukamhura zita raŋgu, mukadzosa mumŋe nomumŋe muranda wake nomumŋe nomumŋe mushandiri wake, ʋamakaŋga matendera kuti ʋaende haʋo nokuɗa kwaʋo, mukaʋamanikidza ɀe kuti ʋaʋe ʋaranda naʋashandiri ʋenyu.

¹⁷Naiɀoɀo ɀanzi naJehova: Hamuna‐kunditerera, mukaparidzira mumŋe nomumŋe hama yake nomumŋe nomumŋe wokwake kuti uŋgasunuŋgurwa hake; tarirai, ini ndinokuparidzirai kuti mucasunuŋgurirwa munondo, nehosha yakaipa, nenzara — ndiɀo ɀinotaura Jehova; ndicakuitai cinhu cinotyisa ʋushe bgose bgenyika.

¹⁸Ʋarume ʋakaɗarika suŋgano yaŋgu, ʋakasaita mashoko esuŋgano yaʋakaita neni, ndicaʋaita semhuru yaʋakagura napakati ʋakapfuʋura napakati penhindi dzayo;

¹⁹macinda aJuda, namacinda eJerusarema, naʋaranda ʋaʋo, naʋaprista, naʋanhu ʋose ʋenyika, ʋakapfuʋura napakati penhindi dzemhuru,

²⁰iʋo ndicaʋaisa mumaʋoko aʋaʋeŋgi ʋaʋo, nomumaʋoko aʋanotȿaka kuʋaʋuraya, ɀitunha ɀaʋo ɀicaʋa ɀokudya ɀeshiri dzokuɗeŋga neɀeɀikara ɀenyika.

²¹Naiye Zedekia mambo waJuda namacinda ake ndicaʋaisa mumaʋoko aʋaʋeŋgi ʋaʋo nomumaʋoko aʋanotȿaka kuʋaʋuraya, nomumaʋoko ehondo yamambo weBabironi, ʋakaenda ʋacibva kwamuri.

²²Tarirai, ndicaʋaraira nokuʋadzosera kuguta rino — ndiɀo ɀinotaura Jehova; ʋacarwa naro, nokurikunda, nokuripisa nomŋoto; ndicaita maguta aJuda matoŋgo, asinaʋanogara’mo.