Read Original Shona Union Bible 1949 Baiberi Magwaro Matȿene aMŋari Jeremia 35 Bible Online

Jeremia 35 - Original Shona Union Bible 1949 Baiberi Magwaro Matȿene aMŋari bible

Jeremia 35

¹Shoko, rakaȿika kunaJeremia ricibva kunaJehova namazuʋa aJehoiakimi, mŋanakomana waJosia, mambo waJuda, riciti:

²Enda kuimba yaʋaRekabi, utaure naʋo, uʋuye naʋo mumba maJehova, muneimŋe kamuri, uʋape waini ʋanwe.

³Ipapo ndakatora Jaazania mŋanakomana waJeremia, mŋanakomana waHabazinia, nehama dzake, naʋanakomana ʋake ʋose, neimba yose yaʋaRekabi,

⁴ndikaʋaisa mumba maJehova, mukamuri yaʋanakomana ʋaHanani mŋanakomana waIgdaria, munhu waMŋari, yaiʋa pedyo nekamuri yamacinda, yakaŋga iri pamsoro pekamuri yaMaaseia mŋanakomana waSharumi, mutariri wecikumbaridzo.

⁵Ndikagadza pamberi paʋanakomana ʋeimba yaʋaRekabi mbiya dzizere newaini nemikombe, ndikati kwaʋari: Inwai waini.

⁶Asi iʋo ʋakati: Hatiŋganwi waini, nokuti Jonadabi mŋanakomana waRekabi, ɓaɓa ʋeɗu, ʋakatiraira ʋaciti: Regai kunwa waini, imi, naʋanakomana ʋenyu nokusiŋgaperi;

⁷ʋuye musaʋaka dzimba, kana kudɀara mbeu, kana kurima minda yemizambiriŋga, kana kuʋa naɀo; asi munofanira kugara mumatente mazuʋa enyu ose, kuti mugare mazuʋa mazhinji munyika mamunogara muri ʋatorwa.

⁸Ɀino takaterera inzwi raJonadabi mŋanakomana waRekabi, ɓaɓa ʋeɗu, paɀose ɀaʋakatiraira, ʋaciti tirege kunwa waini mazuʋa eɗu ose, isu, naʋakadzi ʋeɗu, naʋanakomana ʋeɗu, naʋakunda ʋeɗu;

⁹kana kuɀiʋakira dzimba matiŋgagara; ʋuye hatineminda yemizambiriŋga, kana mimŋe minda, kana mbeu;

¹⁰asi takagara mumatente, tikaterera, tikaita ɀose seɀatakarairwa naJonadabi ɓaɓa ʋeɗu.

¹¹Asi Nebukadrezari mambo weBabironi wakati aciȿika munyika ino, tikati: Hendei, tiende Jerusarema nokuti tinotya hondo yaʋaKardea, ʋuye tinotya hondo yaʋaSiria; naiɀoɀo tigere Jerusarema.

¹²Ipapo shoko raJehova rakaȿika kunaJeremia, riciti:

¹³Ɀanzi naJehova wehondo, Mŋari waIsraeri: Enda undoʋudza ʋarume ʋaJuda, naʋagere Jerusarema, uti: Hamutendi kuraŋgwa, kuti muterere mashoko aŋgu here? — ndiɀo ɀinotaura Jehova.

¹⁴Mashoko aJonadabi mŋanakomana waRekabi, aakaraira ʋanakomana ʋake, kuti ʋarege kunwa waini, anotererwa; kuȿikira zuʋa ranhasi haʋanwi, nokuti ʋanoterera murairo waɓaɓa ʋaʋo. Asi ini ndakataura nemi, ndicimuka maŋgwanani ndicitaura; asi hamuna‐kunditerera.

¹⁵Ndakatuma ʋo kwamuri ʋaranda ʋaŋgu ʋose ʋaʋaprofita, ndicimuka maŋgwanani, ndiciʋatuma, ndiciti: Dzokai ɀino mumŋe nomumŋe panzira yake yakaipa, munatse ɀamunoita, murege kuteʋera ʋamŋe ʋamŋari muciʋashumira, ipapo mucagara panyika yandakakupai imi namadziɓaɓa enyu; asi hamuna‐kurerekera nzeʋe dzenyu, kana kunditerera.

¹⁶Ʋanakomana ʋaJonadabi mŋanakomana waRekabi ʋakaterera murairo waɓaɓa ʋaʋo, waakaʋaraira, asi ʋanhu aʋa haʋana‐kunditerera;

¹⁷naiɀoɀo ɀanzi naJehova, Mŋari wehondo, Mŋari waIsraeri; Tarirai, ndicaʋuyisa pamsoro paJuda napamsoro paʋose ʋagere Jerusarema ɀakaipa ɀose ɀandakareʋa pamsoro paʋo; nokuti ndakataura naʋo, asi haʋana‐kunzwa, ndakaʋaɗana, asi haʋana‐kuɗaʋira.

¹⁸Ɀino Jeremia akati kuimba yaʋaRekabi: Ɀanzi naJehova wehondo, Mŋari waIsraeri: Ɀamakaterera murairo waJonadabi ɓaɓa ʋenyu, mukaceŋgeta ɀireʋo ɀaʋo ɀose, mukaita ɀose seɀamakarairwa naʋo;

¹⁹naiɀoɀo ɀanzi naJehova wehondo, iye Mŋari waIsraeri: Jonadabi mŋanakomana waRekabi haaŋgashaiwi munhu uŋgamira pamberi paŋgu nokusiŋgaperi.