Read Original Shona Union Bible 1949 Baiberi Magwaro Matȿene aMŋari Jeremia 36 Bible Online

Jeremia 36 - Original Shona Union Bible 1949 Baiberi Magwaro Matȿene aMŋari bible

Jeremia 36

¹Ɀino negore recinna raJehoiakimi mŋanakomana waJosia, mambo waJuda, shoko iri rakaȿika kunaJeremia ricibva kunaJehova, riciti:

²Tora rugwaro rwakapetwa unyore’mo mashoko ose andakakuʋudza pamsoro paIsraeri, napamsoro paJuda, napamsoro pamarudzi ose, kubva pazuʋa randakataura newe, kubva pamazuʋa aJosia kuȿikira zuʋa ranhasi.

³Ɀimŋe imba yaJuda ʋacanzwa ɀakaipa ɀose ɀandinofuŋga kuʋaitira, kuti ʋadzoke mumŋe nomumŋe panzira yake yakaipa, ndiʋakaŋganwire kuipa kwaʋo neɀiʋi ɀaʋo.

⁴Ipapo Jeremia wakaɗana Baruki mŋanakomana waNeria, Baruki akanyora parugwaro rwakapetwa mashoko ose aJehova akabva mumuromo waJeremia, aakataura kwaari.

⁵Jeremia akaraira Baruki, aciti: Ini ndakadziʋiswa, handigoni kupinda mumba maJehova.

⁶Naiɀoɀo cienda iwe, undoraʋa murugwaro rwakapetwa, mawanyora ɀakabva pamuromo waŋgu, mashoko aJehova ɀinzwike nenzeʋe dzaʋanhu mumba maJehova pazuʋa rokuɀinyima ɀokudya; ʋuye uaraʋe ʋo anzwike nenzeʋe dzaʋaJuda ʋose ʋanoɓuɗa mumaguta aʋo.

⁷Ɀimŋe kunyeŋgetera kwaʋo kucaȿika pamberi paJehova, ʋakadzoka mumŋe nomumŋe panzira yake yakaipa; nokuti kutsamŋa nehasha ɀakarebga naJehova pamsoro paʋanhu aʋa kwakakura kwaɀo.

⁸Baruki mŋanakomana waNeria akaita ɀose seɀaakarairwa nomuprofita Jeremia, akaraʋa mubuku mashoko aJehova mumba maJehova.

⁹Ɀino negore recishanu raJehoiakimi mŋanakomana waJosia, mambo waJuda, nomŋedzi wepfumbamŋe, ʋanhu ʋose ʋeJerusarema, naʋanhu ʋose ʋakaŋga ʋabva kumaguta aJuda ʋaciʋuya Jerusarema, ʋakatara zuʋa rokuɀinyima ɀokudya pamberi paJehova.

¹⁰Ipapo Baruki akaraʋa mubuku mashoko aJeremia mumba maJehova, mukamuri yaGemaria mŋanakomana womunyori Shafani, muruʋazhe rwokumsoro, paʋaipinda pasuʋo idɀa reimba yaJehova, ʋanhu ʋose ʋaciɀinzwa nenzeʋe dzaʋo.

¹¹Ɀino Micaia mŋanakomana waGemaria, mŋanakomana waShafani, wakati anzwa mashoko ose aJehova mubuku,

¹²akaɓurukira kumba kwamambo, mukamuri yomunyori, wanei, macinda ose agere’po, ʋaiti, Erishama munyori, naDeraia mŋanakomana waShemaia, naErnatani mŋanakomana waAkbori, naGemaria mŋanakomana waShafani, naZedekia mŋanakomana waHanania, namacinda ose.

¹³Ipapo Mikaia akaʋaparadzira mashoko ose aakanzwa, Baruki aciraʋa mubuku ʋanhu ʋaciɀinzwa nenzeʋe dzaʋo.

¹⁴Naiɀoɀo macinda ose akatuma Jehudi mŋanakomana waNetania, mŋanakomana waSheremia, mŋanakomana waKushi, kunaBaruki, aciti: Ƃata muruʋoko rwako rugwaro rwakapetwa mawakaraʋa ɀicinzwika nenzeʋe dzaʋanhu, uʋuye. Ipapo Baruki mŋanakomana waNeria wakaɓata rugwaro rwakapetwa muruʋoko rwake, akaenda kwaʋari.

¹⁵Ʋakati kwaari: Ɀino cigara pasi, uiraʋe tinzwe nenzeʋe dzeɗu. Ipapo Baruki wakaʋaraʋira ʋakanzwa nenzeʋe dzaʋo.

¹⁶Ɀino ʋakati ʋanzwa mashoko ose, ʋakatarirana ʋacitya, ʋakati kunaBaruki: Ɀirokwaɀo ticaʋudza mambo mashoko awa ose.

¹⁷Ʋakabvunza Baruki, ʋaciti: Ɀino citiʋudza kuti wakanyora mashoko awa ose sei, acibva mumuromo make.

¹⁸Ipapo Baruki akaʋapindura, akati: Wakandiparidzira mashoko awa ose nomuromo wake, ndikaanyora neiŋgi mubuku.

¹⁹Ipapo macinda akati kunaBaruki: Endai mundoʋanda, iwe naJeremia, kurege kuʋa nomunhu unoziʋa kwamuri.

²⁰Iʋo ndokupinda kunamambo muruʋazhe, asi ʋakaŋga ʋaʋiga rugwaro rwakapetwa mukamuri yomunyori Erishama; ʋakaʋudza mambo mashoko ose aciɀinzwa nenzeʋe dzake.

²¹Ipapo mambo akatuma Jehudi kundotora rugwaro rwakapetwa, iye akandorutora mukamuri yomunyori Erishama. Jehudi akaraʋira mambo aciɀinzwa nenzeʋe dzake, namacinda ose akaŋga amire namambo iʋo ʋacinzwa nenzeʋe dzaʋo.

²²Ɀino mambo wakaŋga agere muimba yakaʋakirwa ŋguʋa yecando nomŋedzi wepfumbamŋe, mŋoto ucipfuta pamberi pake pacaeŋga.

²³Ɀino Jehudi wakati apedza kuraʋa ɀikamu ɀitatu kana ɀinna, mambo ndokuɀiceka neɓaŋga ndokuɀikandira mumŋoto wakaŋga uri mucaeŋga, kuȿikira rugwaro rwakapetwa rwose rwapedzwa nomŋoto wakaŋga uri mucaeŋga.

²⁴Asi haʋana‐kutya, kana kubvarura ŋguʋo dzaʋo, kunyaŋge mambo kunyaŋge nomumŋe waʋaranda ʋake ʋakanzwa mashoko awa ose.

²⁵Ernatani naDeraia naGemaria ʋakaŋga ʋanyeŋgetera haʋo mambo kuti arege kupisa rugwaro rwakapetwa, asi haana‐kuʋaterera.

²⁶Mambo akaraira Jerameeri mŋanakomana wamambo, naSeraia mŋanakomana waAzrieri, naSheremia mŋanakomana waAbdeeri, kuti ʋaɓate munyori Baruki nomuprofita Jeremia; asi Jehova wakaʋaʋanza.

²⁷Ɀino shoko raJehova rakaȿika kunaJeremia, mambo apisa rugwaro rwakapetwa, namashoko akaŋga anyorwa naBaruki acibva mumuromo waJeremia, riciti:

²⁸Citora ɀe rumŋe rugwaro rwakapetwa unyore’mo ɀe mashoko ose okutaŋga, akaŋga ari murugwaro rwakapetwa rwokutaŋga, rwakapiswa naJehoiakimi mambo waJuda.

²⁹Ʋuye pamsoro paJehoiakimi mambo waʋaJuda, uti: Ɀanzi naJehova: Wapisa rugwaro urwu rwakapetwa, uciti: Wanyorerei’mo uciti: Ɀirokwaɀo mambo weBabironi ucaʋuya kuparadza nyika ino, nokubvisa’po ʋanhu neɀipfuwo?

³⁰Naiɀoɀo ɀanzi naJehova pamsoro paJehoiakimi mambo waJuda: Haaŋgaʋi nomumŋe ucagara pacigaro coʋushe caDavidi; citunha cake cicakandirwa kunze masikati kana kucipisa, noʋusiku kana kunecando.

³¹Ndicamuroʋa iye naʋana ʋake naʋaranda ʋake nokuɗa kweɀakaipa ɀaʋo; ndicaʋuyisa pamsoro paʋo, napamsoro paʋagere Jerusarema, napamsoro paʋarume ʋaJuda, ɀakaipa ɀose ɀandakareʋa pamsoro paʋo, asi haʋana‐kuterera.

³²Ipapo Jeremia wakatora rumŋe rugwaro rwakapetwa, akarupa munyori Baruki, mŋanakomana waNeria, iye akanyora’mo mashoko ose akabva mumuromo waJeremia, aiʋa mubuku yakapiswa mumŋoto naJehoiakimi mambo waJuda; mamŋe mashoko mazhinji akafanana nawo akawedzerwa ʋo.