Read Original Shona Union Bible 1949 Baiberi Magwaro Matȿene aMŋari Jeremia 37 Bible Online

Jeremia 37 - Original Shona Union Bible 1949 Baiberi Magwaro Matȿene aMŋari bible

Jeremia 37

¹Ɀino Zedekia mŋanakomana waJosia wakaɓata ʋushe ari mambo panɀimbo yaKonia mŋanakomana waJehoiakimi, wakaŋga apiwa ʋushe munyika yaJuda naNebukadrezari mambo weBabironi.

²Asi iye, kunyaŋge ʋaranda ʋake, kana ʋanhu ʋenyika, haʋana‐kuterera mashoko aJehova, aakataura nomuprofita Jeremia.

³Ɀino mambo Zedekia wakatuma Jehukari mŋanakomana waSheremia, naZefania mŋanakomana womuprista Maaseia, kunomuprofita Jeremia, aciti: Tinyeŋgeterere hako ɀino kunaJehova Mŋari weɗu.

⁴Ɀino Jeremia wakaŋga aciŋgopinda nokuɓuɗa hake pakati paʋanhu, nokuti ʋakaŋga ʋacigere kumusuŋga mutoroŋgo.

⁵Hondo yaFarao yakaŋga yabva ʋo Egipita; ɀino ʋaKardea, ʋakaŋga ʋakakomba Jerusarema, ʋakati ʋacinzwa ɀaʋo, ʋakarega kukomba Jerusarema.

⁶Ipapo shoko raJehova rakaȿika kumuprofita Jeremia, riciti:

⁷Ɀanzi naJehova, Mŋari waIsraeri: Itiyi kunamambo waJuda wakakutumai kuzondibvunza: Tarirai, hondo yaFarao, yakaʋuya kuzokuɓatsirai, icadzokera Egipita kunyika yaʋo.

⁸ƲaKardea ʋacaʋuya ɀe ʋacirwa neguta rino; ʋacarikunda, nokuripisa nomŋoto.

⁹Ɀanzi naJehova: Musaɀinyeŋgera henyu, muciti: Ɀirokwaɀo, ʋaKardea ʋacabva kwatiri, nokuti haʋaŋgabvi.

¹⁰Nokuti kunyaŋge maikunda henyu hondo yose yaʋaKardea, ʋanorwa nemi, kukaŋgosara kwaʋari ʋanhu ʋakakuʋadzwa ɓedzi, kunyaŋge ɀakaɗaro ʋaisimuka, mumŋe nomumŋe mutente rake, ʋakapisa guta rino nomŋoto.

¹¹Ɀino hondo yaʋaKardea yakati yarega kukomba Jerusarema nemhaka yokutya hondo yaFarao,

¹²Jeremia akaɓuɗa Jerusarema aciɗa kuenda kunyika yaʋaBenjamini, kuzopiwa mugoʋe wake’po pakati paʋanhu ʋake.

¹³Ɀino wakati ari pasuʋo raBenjamini, mumŋe mukuru waʋarindi akaȿika’po, wainzi Irija mŋanakomana waSheremia, mŋanakomana waHanania, iye akaɓata muprofita Jeremia, aciti: Iwe wotishandukira ucienda kuʋaKardea.

¹⁴Jeremia akati: Inhema, handikushandukiriyi ndicienda kuʋaKardea. Asi haana‐kumuterera; ipapo Irija akaɓata Jeremia, akandomuisa kumacinda.

¹⁵Macinda akaitira Jeremia hasha, akamuroʋa, ndokumuisa mutoroŋgo mumba momunyori Jonatani; nokuti ʋakaŋga ʋaiita toroŋgo.

¹⁶Ɀino Jeremia wakati apinda mutoroŋgo yegomba, nomumakamuri ayo, Jeremia agara’mo mazuʋa mazhinji,

¹⁷mambo Zedekia akatuma nhume kuzomutora, mambo akamubvunza cinyararire mumba make, aciti: Kuneshoko rinobva kunaJehova here? Jeremia akati: Riri’ko. Akati ʋo: Imi mucaiswa muruʋoko rwamambo weBabironi.

¹⁸Jeremia akati ʋo kunamambo Zedekia: Ndakakutadzirai neiko, imi, kana ʋaranda ʋenyu, kana ʋanhu aʋa, ɀamakandisuŋga mutoroŋgo?

¹⁹Ko ɀino ʋaprofita ʋenyu ʋaripi, iʋo ʋaikuprofiterai, ʋaciti: Mambo weBabironi haaŋgaʋuyi kuzorwa nemi, kana kurwa nenyika ino?

²⁰Ɀino ciɗonzwai henyu, ishe waŋgu mambo; kunyeŋgetera kwaŋgu ŋgakuȿike pamberi penyu, kuti murege kundidzosa ɀe kumba kwomunyori Jonatani, ndirege kufira’po.

²¹Ipapo mambo Zedekia wakatema cireʋo, ʋakaisa Jeremia kuruʋazhe rwaʋarindi, ʋakamupa zuʋa rimŋe nerime ɓundu reciŋgwa, raibva munzira yomuguta yainzi yaʋaɓiki ʋeciŋgwa, kuȿikira ciŋgwa cose capera muguta. Saiɀoɀo Jeremia akagara muruʋazhe rwaʋarindi.