Read Original Shona Union Bible 1949 Baiberi Magwaro Matȿene aMŋari Jeremia 38 Bible Online

Jeremia 38 - Original Shona Union Bible 1949 Baiberi Magwaro Matȿene aMŋari bible

Jeremia 38

¹Ɀino Shefatia mŋanakomana waMatani, naGedaria mŋanakomana waPashuri, naJukari mŋanakomana waSheremia, naPashuri mŋanakomana waMarkija, ʋakanzwa mashoko akataurwa naJeremia kuʋanhu ʋose, aciti:

²Ɀanzi naJehova: Aninani unorambira muguta rino ucaʋurawa nomunondo, nenzara, ʋuye nehosha yakaipa, asi unoɓuɗa akaenda kuʋaKardea ucararama, ʋupenyu bgake ʋucaʋa kwaari cinhu cakapambga, ucararama.

³Ɀanzi naJehova: Ɀirokwaɀo guta rino ricaiswa mumaʋoko ehondo yamambo weBabironi, iye ucarikunda.

⁴Ipapo macinda akati kunamambo: Tinokumbira kuti munhu uyu aʋurawe, nokuti unoshaisa simba maʋoko aʋarwi ʋakasara muguta rino, namaʋoko aʋanhu ʋose nokutaura kwake mashoko akaɗai kwaʋari; nokuti munhu uyu haatȿaki mufaro waʋanhu aʋa asi kuti ʋaʋe nenjodzi.

⁵Mambo Zedekia ndokuti: Tarirai, uri pamaʋoko enyu, nokuti mambo haaŋgaiti cinhu camusiŋgaɗi.

⁶Ipapo ʋakatora Jeremia, ʋakamukandira mugomba raMarkija mŋanakomana wamambo, rakaŋga riri muruʋazhe rwaʋarindi; ʋakaɓurusa Jeremia namaɓote. Mugomba makaŋga musinemvura asi matope; Jeremia akanyura mumatope.

⁷Ɀino muEtiopia Ebedi‐mereki, waiʋa muranda mumba mamambo, wakati anzwa kuti ʋakaisa Jeremia mugomba (ɀino mambo wakaŋga agere musuʋo raBenjamini),

⁸Ebedi‐mereki akaɓuɗa mumba mamambo, akataura namambo, aciti:

⁹Ishe waŋgu mambo, ʋanhu aʋa ʋakaita ɀakaipa paɀose ɀaʋakaitira muprofita Jeremia, waʋakakandira mugomba; ɀino iye uneŋge ucafira panɀimbo iyo paari, nemhaka yenzara; nokuti hakucineciŋgwa muguta.

¹⁰Ipapo mambo akaraira muEtiopia Ebedi‐mereki, akati: Tora pano ʋanhu ʋanamakumi matatu, undoɓuɗisa muprofita Jeremia mugomba asati afa.

¹¹Ipapo Ebedi‐mereki akatora ʋanhu iʋaʋo, akaenda naʋo mumba mamambo pasi peciʋigiro cefuma, akatora’po mamvemve neŋguʋo dzakasakara, akaɀiɓurusira namaɓote mugomba kunaJeremia.

¹²MuEtiopia Ebedi‐mereki akati kunaJeremia: Ɀino ciisai mamvemve awa neŋguʋo dzakasakara muhapxa dzenyu munyasi mamaɓote. Jeremia akaita saiɀoɀo.

¹³Naiɀoɀo ʋakakwidza Jeremia namaɓote, ʋakamuɓuɗisa mugomba, Jeremia akagara muruʋazhe rwaʋarindi.

¹⁴Ipapo mambo Zedekia akatuma nhume akaʋuyisa muprofita Jeremia kwaari pamukoʋa wecitatu uri mumba maJehova; mambo akati kunaJeremia: Ndicakubvunza shoko; usandiʋanzira cinhu.

¹⁵Ipapo Jeremia akati kunaZedekia: Kana ndikakuziʋisai iɀoɀo, hamuŋgatoŋgondiʋurayi here? Kana ndikakupai zano, hamuŋganditereri.

¹⁶Naiɀoɀo mambo Zedekia wakapikira Jeremia cinyerere, akati: NaJehova mupenyu, wakatipa ʋupenyu ubgu, handiŋgakuʋurayi, kana kukuisa mumaʋoko aʋanhu aʋa ʋanotȿaka kukuʋuraya.

¹⁷Ipapo Jeremia akati kunaZedekia: Ɀanzi naJehova, Mŋari wehondo, Mŋari waIsraeri: Kana mukatenda kuenda kumacinda amambo weBabironi, mŋeya wenyu ucararama, neguta rino hariŋgapiswi nomŋoto; imi mucararama, neimba yenyu.

¹⁸Asi kana mukaramba kuenda kumacinda amambo weBabironi, ipapo guta rino ricaiswa mumaʋoko aʋaKardea, iʋo ʋacaripisa nomŋoto, nemi hamuŋgapukunyuki pamaʋoko aʋo.

¹⁹Ipapo mambo Zedekia akati kunaJeremia: Ndinotya ʋaJuda, ʋakatishandukira ʋakaenda kuʋaKardea, ɀimŋe ʋaŋgandiisa mumaʋoko aʋo, iʋo ʋakandiseka.

²⁰Asi Jeremia wakati: Haʋaŋgakuisiyi kwaʋari. Citererai henyu inzwi raJehova, seɀandinokuʋudzai; ipapo mucaʋa nomufaro, nomŋeya wenyu ucararama.

²¹Asi kana mukaramba kuenda, heri shoko randakaziʋiswa naJehova:

²²Tarirai, ʋakadzi ʋose ʋakasara mumba mamambo waJuda, ʋacaɓuɗisirwa kumacinda amambo weBabironi; ɀino ʋakadzi aʋo ʋacati: Shamŋari dzenyu dzinoɗikanwa nemi ndidzo dzakakunyeŋgerai, dzikakukundai; ɀino tsoka dzenyu ɀadzanyura mumatope, ʋokufuratirai.

²³Ʋacaɓuɗisira ʋakadzi ʋenyu ʋose naʋana ʋenyu kuʋaKardea; nemi ʋo hamuŋgapukunyuki pamaʋoko aʋo asi mucaɓatwa noruʋoko rwamambo weBabironi; imi mucapisisa guta rino nomŋoto.

²⁴Ipapo Zedekia akati kunaJeremia: Ŋgakurege kuʋa nomunhu unoziʋiswa mashoko awa, ipapo iwe hauŋgaʋurawi.

²⁵Asi kana macinda akanzwa kuti ndakataura newe, ʋakaʋuya kwauri, ʋaciti: Citiziʋisa ɀino ɀawaʋudza mambo; usatiʋanzira iɀoɀo, isu tigosakuʋuraya; ʋuye ʋo ɀose ɀawakaʋudzwa namambo;

²⁶ipapo uti kwaʋari: Ndakaȿitsa munyeŋgetero waŋgu kunamambo, kuti arege kundidzosa kumba kwaJonatani, kuti ndifire’ko.

²⁷Ɀino macinda ose akaʋuya kunaJeremia, akamubvunza, akaʋaʋudza mashoko awa ose seɀakaŋga ɀarairwa namambo. Naiɀoɀo ʋakarega kuzotaura naye, nokuti shoko rakaŋga risina‐kuzikanwa.

²⁸Naiɀoɀo Jeremia wakaramba agere muruʋazhe rwaʋarindi kuȿikira zuʋa rakakundwa Jerusarema.