Read Original Shona Union Bible 1949 Baiberi Magwaro Matȿene aMŋari Jeremia 39 Bible Online

Jeremia 39 - Original Shona Union Bible 1949 Baiberi Magwaro Matȿene aMŋari bible

Jeremia 39

¹Ɀino Jerusarema rakati rakundwa, negore repfumbamŋe raZedekia mambo waJuda, nomŋedzi wegumi, Nebukadrezari mambo weBabironi akaʋuya nehondo yake yose kuzorwa neJerusarema, ndokurikomba.

²Ɀino negore regumi nerimŋe raZedekia, nomŋedzi wecinna, nezuʋa repfumbamŋe romŋedzi ʋakakoromora ruȿiŋgo rweguta,

³macinda ose amambo weBabironi akapinda, akagara pasi musuʋo rapakati, ʋaiti Nergari‐sharezeri, naSamgari‐nebo, naSarsekimi mukuru waʋaranda, naNergari‐sharezeri mukuru weŋaŋga, pamŋe cete namacinda ose amambo weBabironi.

⁴Ɀino Zedekia mambo waJuda naʋarwi ʋose ʋakati ʋaciʋaʋona ʋakatiza, ʋakaɓuɗa muguta ʋusiku, ʋacienda nenzira yokumunda wamambo, napasuʋo raiʋa pakati pamaȿiŋgo maʋiri; akaɓuɗa acienda kumapani.

⁵Asi hondo yaʋaKardea yakadziŋgana naʋo, ʋakaɓata Zedekia pamapani eJeriko; ɀino ʋakati ʋamuɓata, ʋakaenda naye kunaNebukadrezari mambo weBabironi paRibra munyika yeHamati, iye akamutoŋga.

⁶Ipapo mambo weBabironi akaʋuraya ʋanakomana ʋaZedekia paRibra iye akataririra; ʋuye mambo weBabironi wakaʋuraya ʋo ʋakuru ʋose ʋaJuda.

⁷Akatumbura ʋo meso aZedekia, akamusuŋga namaketani kuti amuise Babironi.

⁸ƲaKardea ʋakapisa imba yamambo, nedzimba dzaʋanhu nomŋoto, ʋakakoromora maȿiŋgo eJerusarema.

⁹Ipapo Nebuzaradani mukuru waʋarindi akatapa ʋanhu ʋakaŋga ʋasara muguta, naʋashanduki ʋakaŋga ʋaʋuya kwaari, naʋamŋe ʋanhu ʋakaŋga ʋasara, akaʋaisa Babironi.

¹⁰Asi Nebuzaradani mukuru waʋarindi wakasiya munyika yaJuda ʋamŋe ʋarombo ʋaʋanhu, ʋakaŋga ʋasinecinhu, akaʋapa minda yemizambiriŋga nemimŋe minda neŋguʋa iyo.

¹¹Nebukadrezari mambo weBabironi akaraira Nebuzaradani mukuru waʋarindi pamsoro paJeremia, aciti:

¹²Mumuɓate, mumuceŋgete ɀakanaka, murege kumuitira cakaipa; asi mumuitire seɀaanotaura kwamuri.

¹³Naiɀoɀo Nebuzaradani mukuru waʋarindi akatuma nhume, naNebushazibani, mukuru waʋaranda, naNergari‐sharezeri mukuru weŋaŋga, naʋatariri ʋakuru ʋose ʋamambo weBabironi,

¹⁴iʋo ʋakatuma nhume, ʋakandotora Jeremia muruʋazhe rwaʋarindi, ʋakamuisa kunaGedaria mŋanakomana waAhikami, mŋanakomana waShafani, kuti aende naye kumusha kwake. Naiɀoɀo wakagara pakati paʋanhu.

¹⁵Ɀino shoko raJehova rakaȿika kunaJeremia, paŋguʋa yaakaŋga akapfigirwa muruʋazhe rwaʋarindi, riciti:

¹⁶Enda, utaure naEbedi‐mereki muEtiopia, uti: Ɀanzi naJehova wehondo, Mŋari waIsraeri: Tarira, ndicaitira guta rino seɀandakareʋa, ndicariitira ɀakaipa, handiŋgariitiri ɀakanaka; ɀicaitika nezuʋa iro iwe uciɀiʋona.

¹⁷Asi iwe ndicakurwira nezuʋa iro — ndiɀo ɀinotaura Jehova; iwe hauŋgaiswi mumaʋoko aʋanhu ʋaunotya.

¹⁸Nokuti ɀirokwaɀo ndicakuponesa, hauŋgaʋurawi nomunondo, asi ʋupenyu bgako ʋucaʋa kwauri cinhu cakapambga, ɀawakaʋimba neni — ndiɀo ɀinotaura Jehova.