Read Original Shona Union Bible 1949 Baiberi Magwaro Matȿene aMŋari Jeremia 4 Bible Online

Jeremia 4 - Original Shona Union Bible 1949 Baiberi Magwaro Matȿene aMŋari bible

Jeremia 4

¹Ɀanzi naJehova: Kana muciɗa kudzoka, imi Israeri, kana muciɗa kudzokera kwandiri, kana muciɗa kubvisa ɀinonyaŋgadza ɀenyu pamberi paŋgu, hamuŋgafaniri henyu kudzuŋgaira.

²Ipapo mucapika, muciti: NaJehova mupenyu, neɀokwaɗi, neɀakarurama, nokururama; ipapo marudzi acaɀiropafadza maari, nokuɀirumbidza maari.

³Nokuti ɀanzi naJehova kuʋanhu ʋaJuda naʋeJerusarema: Ɀiʋundirei gombo idɀa, musadɀara pakati peminzwa.

⁴Ɀidziŋgisirei Jehova, mubvise ɀikanda ɀapamberi ɀomŋoyo, imi ʋanhu ʋaJuda naʋagere Jerusarema; kuti kutsamŋa kwaŋgu kukuru kurege kuɓuɗa somŋoto, upise kusinomunhu unogona kuudzimura, nokuɗa kweɀakaipa ɀamakaita.

⁵Taurai pakati paJuda, muparidze muJerusarema, muti: Ridzai hwamanda panyika, ɗanidzirai, muti: Ʋuŋganai, tindopinda mumaguta akakomberedzwa.

⁶Simudzirai mureza kurutiʋi rweZioni, tizai, musamira; nokuti ndicaʋuyisa ɀakaipa ɀinobva kurutiʋi rwokumsoro, nokuparadza kukuru.

⁷Shumba yaɓuɗa icibva muɗenhere rayo, muparadzi wamarudzi waʋa munzira, waɓuɗa panɀimbo yake, kuti aparadze nyika yenyu, maguta enyu aitwe matoŋgo, kusina‐ʋanogara’mo.

⁸Naiɀoɀo ɀisuŋgei ɀiʋuno ɀenyu namakudza, muceme nokuwuŋgudza; nokuti kutsamŋa kukuru kwaJehova hakuna‐kudzorwa kwatiri.

⁹Ɀino — ndiɀo ɀinotaura Jehova — nezuʋa iro mŋoyo wamambo ucaʋora, nemŋoyo yamacinda ʋo; ʋaprista ʋacashamiswa naʋaprofita ʋacakanuka.

¹⁰Ipapo ndikati: Haiwa, Ishe Jehova, ɀirokwaɀo makanyeŋgera kwaɀo ʋanhu aʋa naʋeJerusarema, ɀamakati: Mucaʋa norugare, nyamba munondo unoɓaya kuȿikira pamŋeya.

¹¹Neŋguʋa iyo ʋanhu aʋa naʋeJerusarema ʋacaʋudzwa, ɀicinzi: Tarirai mhepo inopisa, inobva kuɀikomo ɀisinemiti murenje, inoʋuya kumukunda waʋanhu ʋaŋgu, isiŋgaʋiŋgi kurudza kana kunatsa;

¹²mhepo inesimba, inobva ikoko, icandiʋuyira; ɀino ndicareʋa ʋo ɀandakatoŋga pamsoro paʋo.

¹³Tarirai, ucaʋuya samakore, ŋgoro dzake dzicaita secampupuri; mabiza ake anokurumidza kukunda makondo. Tinenhamo, nokuti taparadzwa.

¹⁴Haiwa, Jerusarema, suka ɀakaipa ɀiri pamŋoyo wako, kuti uponeswe. Ndaŋgariro dzako dzakaipa dzicagara mukati mako kuȿikira riniko?

¹⁵Nokuti inzwi rinotaura ricibva Dani, rinoparidza njodzi ricibva paɀikomo ɀeEfraimi.

¹⁶Ʋudzai marudzi iɀoɀo; tarirai, paridzirai Jerusarema, kuti nharirire dzinobva kunyika iri kure, dzinotaurira maguta aJuda ɀakaipa.

¹⁷Dzinoʋakomberedza saʋarindi ʋanokomberedza munda, nokuti ʋakandimukira — ndiɀo ɀinotaura Jehova.

¹⁸Mufambire wako neɀawakaita ndiɀo ɀakakuʋuyisira ɀinhu iɀi; ndiko kutadza kwako; nokuti ɀinoʋaʋa, nokuti ɀinoȿikira kumŋoyo waŋgu.

¹⁹Maiwe! ʋura bgaŋgu, ʋura bgaŋgu! Ndinorwadziwa mumŋoyo maŋgu mumene; mŋoyo waŋgu unoɗeɗera mukati maŋgu, handigoni kunyarara, nokuti wanzwa, iwe mŋeya waŋgu, wanzwa kurira kwehwamanda nemhere‐mhere yokurwa.

²⁰Kunonzi: Kuparadzwa kunoteʋera kuparadzwa; nokuti nyika yose yaitwa ɗoŋgo; matente aŋgu aparadzwa kamŋe‐kamŋe, namaseiri amatente aŋgu pakarepo.

²¹Ndicaʋona mureza kuȿikira riniko, nokunzwa kurira kwehwamanda?

²²Nokuti ʋanhu ʋaŋgu mapenzi, haʋandiziʋi; ʋakaita ʋana ʋamapenzi, ʋasinenjere, ʋakacenjera pakuita ɀakaipa, asi haʋaneziʋo pakuita ɀakanaka.

²³Ndakatarira nyika, ndikaiʋona yaparadzwa, isinecinhu; ndikatarira ɗeŋga rose, asi rakaŋga risineciedza.

²⁴Ndakatarira makomo, ndikaʋona aciɗeɗera, neɀikomo ɀose ɀicizunuŋguka.

²⁵Ndakatarira, ndikasaʋona munhu, neshiri dzose dzokuɗeŋga dzakaŋga dzatiza.

²⁶Ndakatarira, ndikaʋona nyika yakaŋga iciɓereka ɀakanaka yashanduka renje, namaguta ayo ose akaŋga akoromoka pamberi paJehova, napamberi pokutsamŋa kwake kukuru.

²⁷Nokuti ɀanzi naJehova: Nyika yose icasiyiwa yaparadzwa, asi handiŋgaipedzi cose.

²⁸Nemhaka iyi nyika icacema, neɗeŋga rose kumsoro ricaȿiɓa; nokuti ndakaɀitaura, ndakafuŋga kuɀiita, handina‐kuɀiɗemba, handiŋgadzoki pacinhu ici.

²⁹Maguta ose anotiza nokuɗa kwomubvumo waʋataȿi ʋamabiza naʋafuri ʋoʋuta; ʋanopinda mumatenhere, ʋanokwira pamatombo; maguta ose akasiyiwa, hakunomunhu unogara’mo.

³⁰Ɀino iwe, kana waparadzwa, ucaiteiko? Kunyaŋge ukafuka muceka mutȿuku, kunyaŋge ukashoŋga ɀishoŋgo ɀendarama, kunyaŋge ukazodza meso ako nomuti mutema, uŋgaɀinatsa pasina; ʋaɗikanwa ʋako ʋanokuɀidza, ʋanotȿaka kukuʋuraya.

³¹Nokuti ndakanzwa inzwi seromukadzi unosurumuka, serounotambudzika pakupona ɗaŋgwe rake, inzwi romukunda weZioni, unofemedzeka, unotambanudza maʋoko ake, aciti: Ndinenhamo ɀino! nokuti mŋeya waŋgu waziya pamberi paʋaʋurayi ʋaŋgu!