Read Original Shona Union Bible 1949 Baiberi Magwaro Matȿene aMŋari Jeremia 41 Bible Online

Jeremia 41 - Original Shona Union Bible 1949 Baiberi Magwaro Matȿene aMŋari bible

Jeremia 41

¹Ɀino nomŋedzi wecinomŋe Ishmaeri mŋanakomana waNetania, mŋanakomana waErishama worudzi rwamambo, mumŋe waʋanyai ʋakuru ʋamambo, wakaʋuya anaʋarume ʋanegumi naye kunaGedaria mŋanakomana waAhikami paMizpa, ʋakadya’po ɀokudya pamŋe cete paMizpa.

²Ipapo Ishmaeri mŋanakomana waNetania naʋarume ʋanegumi ʋaiʋa naye ʋakasimuka, ʋakaɓaya Gedaria mŋanakomana waAhikami, mŋanakomana waShafani, nomunondo, ʋakamuʋuraya, iye wakaŋga agadzwa namambo weBabironi aʋe muɓati wenyika iyo.

³Ishmaeri akaʋuraya ʋo ʋaJuda ʋose ʋaiʋa naye, naiye Gedaria paMizpa, naʋaKardea ʋakawanikwa’po, ʋaiʋa ʋarwi.

⁴Ɀino nezuʋa recipiri rokuʋuraya kwake Gedaria, kusisinomunhu wakaɀiziʋa,

⁵ʋamŋe ʋarume ʋakaȿika’po ʋacibva Shekemi neShiro neSamaria, ʋarume ʋanamakumi masere, ndebvu dzaʋo dzakaʋeʋurwa neŋguʋo dzaʋo dzakabvarurwa, ʋakaŋga ʋaɀiceka‐ceka ʋo, ʋakaɓata mumaʋoko aʋo ɀipiriso ɀoʋupfu neɀinonhuwira, kuti ʋaɀiise mumba maJehova.

⁶Ipapo Ishmaeri mŋanakomana waNetania wakaɓuɗa paMizpa kundoʋaciŋgamidza, akafamba aciŋgocema; ɀino wakati acisoŋgana naʋo, akati kwaʋari: Ʋuyai kunaGedaria mŋanakomana waAhikami.

⁷Ɀino ʋakati ʋaciȿika pakati peguta, Ishmaeri mŋanakomana waNetania akaʋaʋuraya, ndokuʋakanda mukati megomba, iye naʋarume ʋaakaŋga anaʋo.

⁸Asi pakati paʋo pakaŋga panaʋarume ʋanegumi ʋakati kunaIshmaeri: Musatiʋuraya, nokuti tineɀimŋe ɀatakaʋiga kusaŋgo, ɀinoti, ɀiyo nebari namafuta noʋuci. Naiɀoɀo akarega, akasaʋaʋuraya pakati pehama dzaʋo.

⁹Ɀino gomba iro makakandira Ishmaeri ɀitunha ɀaʋanhu ʋaakaŋga aʋuraya, pamŋe cete naGedaria (ndiro rakaŋga raitwa namambo Asa nemhaka yokutya Baasha mambo waIsraeri), Ishmaeri mŋanakomana waNetania wakarizadza naʋakaʋurawa.

¹⁰Ipapo Ishmaeri akatapa ʋanhu ʋose ʋakaŋga ʋasara paMizpa, ʋakaiswa naNebuzaradani mukuru waʋarindi kunaGedaria mŋanakomana waAhikami, iʋo ʋakunda ʋamambo, naʋanhu ʋose ʋakaŋga ʋasara paMizpa; Ishmaeri mŋanakomana waNetania wakaʋatapa, akabva’po aciɗa kuenda kuʋana ʋaAmoni.

¹¹Asi Johanani mŋanakomana waKarea, naʋakuru ʋose ʋehondo ʋaiʋa naye, ʋakati ʋacinzwa ɀakaipa ɀose ɀakaitwa naIshmaeri mŋanakomana waNetania,

¹²ʋakatora ʋarume ʋose, ʋakandorwa naIshmaeri mŋanakomana waNetania, ʋakamuwana ari pamvura zhinji iri paGibeoni.

¹³Ɀino ʋanhu ʋose ʋaiʋa naIshmaeri ʋakati ʋaciʋona Johanani mŋanakomana waKarea, naʋakuru ʋose ʋehondo ʋaiʋa naye, ʋakafara.

¹⁴Naiɀoɀo ʋanhu ʋose ʋakaŋga ʋatapxa naIshmaeri paMizpa ʋakatendeʋuka ʋakadzoka, ʋakaenda kunaJohanani mŋanakomana waKarea.

¹⁵Asi Ishmaeri mŋanakomana waNetania wakatiza Johanani anaʋarume ʋasere, akaenda kuʋana ʋaAmoni.

¹⁶Ipapo Johanani mŋanakomana waKarea naʋakuru ʋose ʋehondo ʋaiʋa naye ʋakatora ʋanhu ʋose ʋakaŋga ʋasara, ʋaakaŋga arwira kunaIshmaeri mŋanakomana waNetania paMizpa, amboʋuraya Gedaria mŋanakomana waAhikami, ʋaiti, ʋarume ʋarwi naʋakadzi naʋana naʋaranda, ʋaakaŋga adzosa paGibeoni.

¹⁷Ʋakabva, ʋakandogara paGeruti‐Kimhami, riri paBeti‐rehema, ʋaciti ʋagozoenda Egipita,

¹⁸nokuɗa kwaʋaKardea, nokuti ʋakaŋga ʋaciʋatya, Ishmaeri mŋanakomana waNetania ɀaakaʋuraya Gedaria mŋanakomana waAhikami, wakaŋga aitwa muɓati wenyika iyo namambo weBabironi.