Read Original Shona Union Bible 1949 Baiberi Magwaro Matȿene aMŋari Jeremia 43 Bible Online

Jeremia 43 - Original Shona Union Bible 1949 Baiberi Magwaro Matȿene aMŋari bible

Jeremia 43

¹Ɀino Jeremia wakati apedza kuʋudza ʋanhu mashoko ose aJehova Mŋari waʋo, aakaŋga atumŋa nawo kwaʋari naJehova Mŋari waʋo, iwo mashoko awa ose,

²ipapo Azaria mŋanakomana waHoshaia, naJohanani mŋanakomana waKarea, naʋarume ʋose, ʋaiɀikudza, ʋakataura ʋaciti kunaJeremia: Unoreʋa nhema, Jehova Mŋari weɗu haana‐kukutuma kuzoti: Musaenda Egipita kundogara’po muri ʋatorwa;

³asi Baruki mŋanakomana waNeria ndiye unokumutsa pamsoro peɗu, kuti tiiswe mumaʋoko aʋaKardea, kuti ʋatiʋuraye nokutitapira Babironi.

⁴Naiɀoɀo Johanani mŋanakomana waKarea, naʋakuru ʋose ʋehondo, naʋanhu ʋose, haʋana‐kuterera inzwi raJehova, kuti ʋagare munyika yaJuda.

⁵Asi Johanani mŋanakomana waKarea, naʋakuru ʋose ʋehondo, ʋakatora ʋose ʋakasara ʋaJuda, ʋakaŋga ʋadzoka kumarudzi ose kwaʋakadziŋgirwa, ʋaciɗa kugara ʋari ʋatorwa munyika yaJuda,

⁶ʋaiti, ʋarume naʋakadzi naʋana naʋakunda ʋamambo nomunhu upi noupi wakaŋga asiyiwa naNebuzaradani mukuru waʋarindi kunaGedaria mŋanakomana waAhikami, mŋanakomana waShafani, pamŋe cete naJeremia muprofita, naBaruki mŋanakomana waNeria,

⁷ʋakandoȿika kunyika yeEgipita; nokuti haʋana‐kuterera inzwi raJehova; ʋakandoȿika Tapanesi.

⁸Ipapo shoko raJehova rakaȿika kunaJeremia paTapanesi, riciti:

⁹Tora mabge makuru muruʋoko rwako, uaʋige muvu pakati peɀitina, paʋanopinda napo paimba yaFarao paTapanesi, ʋanhu ʋose ʋaJuda ʋaciɀiʋona;

¹⁰ugoti kwaʋari: Ɀanzi naJehova wehondo, Mŋari waIsraeri: Tarirai, ndicatuma shoko kundotora Nebukadrezari mambo weBabironi, muranda waŋgu, ndiise cigaro cake coʋushe pamsoro pamabge awa andakaʋiga; ucawarira pamsoro pawo jira rake rinobginya.

¹¹Ucaʋuya aciroʋa nyika yeEgipita; ʋakafanira rufu ʋacaiswa kurufu, ʋakafanira kutapxa ʋacaiswa kukutapxa, ʋakafanira munondo ʋacaiswa kumunondo.

¹²Ndicaɓatidza mŋoto mudzimba dzaʋamŋari ʋeEgipita; ucadzipisa nokuʋatapa; ucafuka nyika yeEgipita somufudzi unofuka ŋguʋo yake, ucabva’po norugare.

¹³Ucaputsa ʋo shoŋgwe dzeBeti‐shemeshi, riri munyika yeEgipita; dzimba dzaʋamŋari ʋeEgipita ucadzipisa nomŋoto.