Read Original Shona Union Bible 1949 Baiberi Magwaro Matȿene aMŋari Jeremia 44 Bible Online

Jeremia 44 - Original Shona Union Bible 1949 Baiberi Magwaro Matȿene aMŋari bible

Jeremia 44

¹Shoko rakaȿika kunaJeremia pamsoro paʋaJuda ʋose ʋakaŋga ʋagere panyika yeEgipita, ʋakaŋga ʋagere Migdori neTapanesi neNofi nomunyika yePatrosi, riciti:

²Ɀanzi naJehova wehondo, Mŋari waIsraeri: Makaʋona ɀakaipa ɀose ɀandakaʋuyisa pamsoro peJerusarema napamsoro pamaguta ose aJuda; ɀino tarirai, nhasi aʋa matoŋgo, hapacinomunhu unogara’mo,

³nemhaka yeɀakashata ɀaʋo ɀaʋakaita, ɀaʋakanditsamŋisa, ʋacindopisa ɀinonhuwira, nokushumira ʋamŋe ʋamŋari, ʋaʋakaŋga ʋasiŋgaziʋi, iʋo kana imi kana madziɓaɓa enyu.

⁴Asi ndakakutumirai ʋaranda ʋaŋgu ʋose ʋaprofita, ndicimuka maŋgwanani ndiciʋatuma, ndiciti: Haiwa, regai kuita cinhu ici cinonyaŋgadza, candinoʋeŋga.

⁵Asi haʋana‐kuterera, kana kurerekera nzeʋe dzaʋo kuti ʋadzoke paɀakashata ɀaʋo, ʋakarega kupisira ʋamŋe ʋamŋari ɀinonhuwira.

⁶Naiɀoɀo hasha dzaŋgu nokutsamŋa kwaŋgu ɀakaɗururwa, ɀikatuŋgidzwa mumaguta aJuda nomunzira dzomuJerusarema; ɀino aparadzwa aʋa matoŋgo, seɀaɀakaita nhasi.

⁷Naiɀoɀo ɀino ɀanzi naJehova, Mŋari wehondo, Mŋari waIsraeri: Munotadzirireiko mŋeya yenyu necinhu cakaipa cikuru ici, kuti muparadzirwe ʋarume naʋakadzi naʋacece naʋanomna pakati paJuda, kuti murege kusarirwa nomumŋe;

⁸ɀamunonditsamŋisa namaɓasa amaʋoko enyu, mucipisira ʋamŋe ʋamŋari ɀinonhuwira munyika yeEgipita kwamakaenda kundogara muri ʋatorwa; mugoparadzwa, muʋe cinotukwa necinoshoʋorwa pakati pamarudzi ose enyika?

⁹Makaŋganwa here ɀakashata ɀamadziɓaɓa enyu neɀakashata ɀamadzimambo aJuda, neɀakashata ɀaʋakadzi ʋaʋo, neɀakashata ɀenyu, neɀakashata ɀaʋakadzi ʋenyu, ɀaʋakaita munyika yaJuda nomunzira dzomuJerusarema?

¹⁰Kuȿikira zuʋa ranhasi haʋana‐kuɀininipisa, kana kutya, kana kufamba nomurairo waŋgu kana neɀireʋo ɀaŋgu, ɀandakaisa pamberi penyu napamberi pamadziɓaɓa enyu.

¹¹Naiɀoɀo ɀanzi naJehova wehondo, Mŋari waIsraeri: Tarirai, ndicakurinzirai ciso caŋgu kuti ndikuitirei ɀakaipa, kuti ndiparadze Juda rose.

¹²Ndicabvisa ʋakasara ʋose ʋaJuda, ʋakarinzira ɀiso ɀaʋo kuti ʋaende kunyika yeEgipita kundogara’ko ʋari ʋatorwa, ʋacaparadzwa ʋose; ʋacaparadzwa nomunondo nenzara, ʋacafa nomunondo nenzara kubva kuʋaɗuku kuȿikira kuʋakuru; ʋacaʋa cinhu cinotukwa, necishamiso, necinomhurwa, necinoshoʋorwa.

¹³Nokuti ndicaroʋa ʋagere munyika yeEgipita, seɀandakaroʋa Jerusarema nomunondo nenzara ʋuye nehosha yakaipa;

¹⁴kuti kurege kuʋa nomumŋe wakasara waJuda, ʋakaenda kunyika yeEgipita kundogara’ko ʋari ʋatorwa, uŋgapukunyuka kana uŋgasara, kuti adzokere kunyika yaJuda, kwaʋanoshuʋa kudzokera kuti ʋagare’ko ɀe; nokuti hakuna‐uŋgadzokera, asi ʋakapukunyuka.

¹⁵Ipapo ʋarume ʋose, ʋaiziʋa kuti ʋakadzi ʋaʋo ʋanopisira ʋamŋe ʋamŋari ɀinonhuwira, naʋakadzi ʋose, ʋakaŋga ʋamire’po, ʋuŋgano huru, iʋo ʋanhu ʋose ʋakaŋga ʋagere munyika yeEgipita, paPatrosi, ʋakapindura Jeremia, ʋaciti:

¹⁶Kana riri shoko rawakatiʋudza nezita raJehova, hatiŋgakutereri.

¹⁷Asi ɀirokwaɀo ticaita shoko rimŋe nerimŋe rakaɓuɗa mumiromo yeɗu, ticapisira ʋahosi ʋokuɗeŋga ɀinonhuwira, nokuʋaɗururira ɀipiriso ɀinoɗururwa, seɀatakaita isu namadziɓaɓa eɗu namadzimambo eɗu namacinda eɗu, pamaguta aJuda nomunzira dzomuJerusarema; nokuti neŋguʋa iyo taiʋa neɀokudya ɀizhinji, taifara pamuʋiri, tikasaʋona njodzi.

¹⁸Asi kubvira paŋguʋa yatakarega kupisira ʋahosi ʋokuɗeŋga ɀinonhuwira, nokuʋaɗururira ɀipiriso ɀinoɗururwa, takashaiwa ɀose, tikapedzwa nomunondo nenzara.

¹⁹Ɀino paŋguʋa yatakapisira ʋahosi ʋokuɗeŋga ɀinonhuwira, nokuʋaɗururira ɀipiriso ɀinoɗururwa, ko taiʋaitira ɀiŋgwa ɀokuʋanamata naɀo, tikaʋaɗururira ɀipiriso ɀinoɗururwa, tisinaʋarume ʋeɗu here?

²⁰Ipapo Jeremia akati kuʋanhu ʋose, kuʋarume nokuʋakadzi, kunaiʋo ʋanhu ʋose ʋakaŋga ʋamupindura saiɀoɀo, akati:

²¹Ɀinonhuwira ɀamaipisa mumaguta aJuda nomunzira dzomuJerusarema, imi namadziɓaɓa enyu namadzimambo enyu namacinda enyu naʋanhu ʋose ʋenyika, ko Jehova haana‐kuɀiraŋgarira here? Haɀina‐kufuŋgwa mumŋoyo make here?

²²Kuȿikira Jehova akakoniwa kuzoʋa nomŋoyo murefu, nokuɗa kweɀakaipa ɀamaɓasa enyu, ʋuye nokuɗa kweɀinonyaŋgadza ɀamaiita; naiɀoɀo nyika yenyu raʋaɗoŋgo, necinoshamisa necinotukwa, isina‐unogara’mo, seɀaɀakaita zuʋa ranhasi.

²³Ɀamakapisa ɀinonhuwira, ɀamakatadzira Jehova, mukasaterera inzwi raJehova, mukasafamba nomurairo wake, kana neɀireʋo ɀake, kana neɀaakapupura, naiɀoɀo ɀakaipa iɀi ɀakakuwirai, seɀaɀakaita zuʋa ranhasi.

²⁴Ɀino Jeremia akati ʋo kuʋanhu ʋose nokuʋakadzi ʋose: Inzwai shoko raJehova, imi ʋaJuda ʋose ʋari munyika yeEgipita:

²⁵Ɀanzi naJehova wehondo, Mŋari waIsraeri: Imi naʋakadzi ʋenyu makataura nemiromo yenyu, mukaɀiita namaʋoko enyu, muciti: Ɀirokwaɀo, mhiko dzeɗu dzatakapika ticadziita, kuti ticapisira ʋahosi ʋokuɗeŋga ɀinonhuwira, nokuʋaɗururira ɀipiriso ɀinoɗururwa; ɀino cisimbisai henyu mhiko dzenyu, itai henyu mhiko dzenyu.

²⁶Ɀino cinzwai shoko raJehova, imi ʋaJuda ʋose ʋagere munyika yeEgipita: Tarirai, ndakapika nezita raŋgu guru — ndiɀo ɀinotaura Jehova — kuti zita raŋgu haricazorebgi nomuromo womunhu upi noupi waJuda munyika yose yeEgipita, ɀicinzi: NaShe Jehova mupenyu!

²⁷Tarirai, ndinoʋarindira ndiʋaitire ɀakaipa, ndirege kuʋaitira ɀakanaka; ʋanhu ʋose ʋaJuda ʋari munyika yeEgipita ʋacaparadzwa nomunondo nenzara, kuȿikira ʋapera ʋose.

²⁸Ʋanopukunyuka pamunondo ʋacabva munyika yeEgipita ʋacidzokera kunyika yaJuda, ʋaʋa ʋashoma; ʋakasara ʋose ʋaJuda, ʋakaŋga ʋaenda kunyika yeEgipita kundogara’ko ʋari ʋatorwa, ʋacaziʋa kuti shoko ricaʋa nesimba nderani, raŋgu kana raʋo.

²⁹Ɀino ici ndico cicaʋa ciratidzo kwamuri — ndiɀo ɀinotaura Jehova — kuti ndicakuroʋai panɀimbo ino, kuti muziʋe kuti mashoko aŋgu acaʋa nesimba kukuitirai ɀakaipa:

³⁰Ɀanzi naJehova: Tarirai, ndicaisa Farao Hofra mambo weEgipita, mumaʋoko aʋaʋeŋgi ʋake, nomumaʋoko aʋanotȿaka kumuʋuraya, seɀandakaisa Zedekia mambo waJuda mumaʋoko aNebukadrezari mambo weBabironi, waiʋa muʋeŋgi wake, waitȿaka kumuʋuraya.