Read Original Shona Union Bible 1949 Baiberi Magwaro Matȿene aMŋari Jeremia 46 Bible Online

Jeremia 46 - Original Shona Union Bible 1949 Baiberi Magwaro Matȿene aMŋari bible

Jeremia 46

¹Shoko raJehova, rakaȿika kumuprofita Jeremia pamsoro pamarudzi.

²Pamsoro peEgipita; pamsoro pehondo yaFarao‐neko mambo weEgipita, yakaŋga iri parwizi Ufratesi paKarkemishi, yakakundwa naNebukadrezari mambo weBabironi negore recinna raJehoiakimi mŋanakomana waJosia, mambo waJuda.

³Gadzirai nhoʋo ɗuku nenhoʋo huru, musweɗere kunorwiwa.

⁴Suŋgai mabiza, kwirai imi ʋataȿi, mumire makadzika ŋgowani dzenyu; rodzai mapfumo, pfekai ŋguʋo dzamatare.

⁵Ndakaɀiʋonereiko? Ʋakaŋganiswa, ʋadzokera shure; mhare dzaʋo dzakundwa, dzatiza, hadziceukiri shure, kutya kuri pamatiʋi ose — ndiɀo ɀinotaura Jehova.

⁶Ʋanomhanyisa ŋgaʋarege kutiza, mhare ŋgadzirege kupukunyuka; kurutiʋi rwokumsoro, parwizi rwaUfratesi, ʋakagumburwa ʋakawira pasi.

⁷Ndianiko uyo unokwira sorwizi rwaNairi, mvura yarwo inotamba senzizi?

⁸Egipita rinokwira saNairi, mvura yarwo inotamba senzizi; rinoti: Ndicakwira, ndicafukidza nyika, ndicaparadza maguta naʋagere’mo.

⁹Kwirai, imi mabiza, fambisai imi ŋgoro, mhare ŋgadziɓuɗe, ʋanoti, Kushi naPuti ʋanoshoŋga nhoʋo, naʋaRudi ʋanoɓata nokuwembura ʋuta.

¹⁰Nokuti zuʋa iro izuʋa raShe, Jehova wehondo, zuʋa rokutsiʋa kuti aɀitsiʋire ʋadziʋisi ʋake; munondo ucadya nokuguta, ucanwa ropa raʋo ukaguta, nokuti Ishe, Jehova wehondo, uneciɓayiro cake kunyika yokumsoro parwizi rwaUfratesi.

¹¹Kwira uende Gireadi, undotora’ko muti webarsami, iwe mhandara, mukunda weEgipita; wawanza mishoŋga mizhinji isinamaturo, hauporeswi.

¹²Marudzi akanzwa ɀokunyadziswa kwako, nyika izere nokucema kwako; nokuti mhare dzakaɓonderana nemhare, ʋose ʋari ʋaʋiri ʋakawira pasi.

¹³Shoko, rakaʋudzwa muprofita Jeremia naJehova, ricireʋa muʋuyire waNebukadrezari mambo weBabironi nomukundire wake nyika yeEgipita.

¹⁴Paridzirai paEgipita, ziʋisai paMigdori, ziʋisai paNofi napaTapanesi, muti: Simukai muɀigadzire, nokuti munondo wakadya ɀiri kumatiʋi ako ose.

¹⁵Mhare dzako dzakabviswa neiko? Haʋana‐kumira, nokuti Jehova wakaʋadziŋga.

¹⁶Wakagumbusa ʋazhinji, ɀirokwaɀo mumŋe wakawira pamsoro pomumŋe; ʋakati: Simukai, tiende ɀe kuʋanhu ʋeɗu, nokunyika kwatakaɓerekerwa, titize munondo unomanikidza.

¹⁷Ʋakaɗanidzira’ko, ʋaciti: Farao mambo weEgipita iguhu ɀaro, wakarega ŋguʋa yakatarwa icipfuʋura.

¹⁸Noʋupenyu bgaŋgu — ndiɀo ɀinotaura Mambo, unezita rinonzi Jehova wehondo, — ɀirokwaɀo ucaʋuya akaita seTabori pakati pamakomo, ʋuye seKarmeri paguŋgwa.

¹⁹Iwe mukunda unogara Egipita, ɀigadzirire kutapxa, nokuti Nofi ricaitwa ɗoŋgo, ricapiswa, risina‐unogara’mo.

²⁰Egipita imhorombe yakaiȿo‐naka, asi ʋuʋu rinobva kurutiʋi rwokumsoro raȿika, raȿika.

²¹Naʋanhu ʋaro ʋanoripirwa, ʋari mukati maro, ʋakafanana nemhuru dzomuɗaŋga, nokuti naiʋo ʋakadzoka, ʋakatiza pamŋe cete, haʋana‐kumira; nokuti zuʋa renjodzi yaʋo rakaʋuya pamsoro paʋo, iyo ŋguʋa yokurobga kwaʋo.

²²Mubvumo waro ucaʋa sowenyoka, nokuti ʋacafamba nehondo, ʋacandorwa naʋo namatemo, saʋatemi ʋemiti.

²³Ʋacatema ɗondo raro — ndiɀo ɀinotaura Jehova — nokuti haʋaŋganɀerwi, nokuti ʋakawanda kupfuʋura mhashu, haʋaŋgaʋereŋgwi.

²⁴Mukunda weEgipita ucanyadziswa, ucaiswa mumaʋoko aʋanhu ʋanobva kurutiʋi rwokumsoro.

²⁵Jehova wehondo, Mŋari waIsraeri, unoti: Tarirai, ndicaroʋa Amoni weNo, naFarao, neEgipita naʋamŋari ʋaro, namadzimambo aro, iye Farao naʋose ʋanoʋimba naye.

²⁶Ndicaʋaisa mumaʋoko aʋanotȿaka kuʋaʋuraya, nomumaʋoko aNebukadrezari mambo weBabironi, nomumaʋoko aʋaranda ʋake; ɀino pashure ricagarwa, sapamazuʋa akare — ndiɀo ɀinotaura Jehova.

²⁷Asi usatya hako, iwe Jakobo, muranda waŋgu, usavunduswa, iwe Israeri; nokuti tarira, ndicakuponesa uri kure, naʋana ʋako ʋari panyika kwaʋakatapirwa; Jakobo ucadzoka, ucanyarara nokuzorora, hakuna‐uŋgamutyisa.

²⁸Usatya hako, iwe Jakobo, muranda waŋgu — ndiɀo ɀinotaura Jehova — nokuti ndinewe; nokuti ndicapedza kwaɀo marudzi ose kwandakakudziŋgira; asi iwe handiŋgakupedzi, asi ndicakuraŋga ndiciita nokururama, handiŋgakuregi usina‐kurobga.