Read Original Shona Union Bible 1949 Baiberi Magwaro Matȿene aMŋari Jeremia 48 Bible Online

Jeremia 48 - Original Shona Union Bible 1949 Baiberi Magwaro Matȿene aMŋari bible

Jeremia 48

¹Pamsoro paMoabi. Ɀanzi naJehova wehondo, Mŋari waIsraeri: Nebo rinenhamo, nokuti raparadzwa; Kiriataimi ranyadziswa, rakundwa; Mishgabi ranyadziswa, ravunduswa.

²Mbiri yaMoabi haici’po; paHeshboni ʋakaraŋgana ɀakaipa pamsoro paʋo, ʋaciti: Ʋuyai, tiʋaparadze, ʋarege kuzoʋa rudzi. Newe ʋo Madmeni, ucanyaradzwa, munondo ucakuteʋerera.

³Inzwai inzwi rokucema rinobva Horonaimi, kuparadzwa nokukoromorwa kukuru!

⁴Moabi ʋaparadzwa; ʋanana ʋaʋo ʋakanzwika ʋacicema.

⁵Nokuti ʋacakwira nomukwidzwa weRuhiti ʋaciŋgocema; nokuti pamatenusirwa eHoronaimi ʋakanzwa njodzi yokucema kwokuparadzwa.

⁶Tizai, muponese mŋeya yenyu, mufanane negwenzi murenje.

⁷Nokuti ɀamakaʋimba namaɓasa enyu nefuma yenyu, mucakundwa ʋo; Kemoshi ʋacaenda kwaʋanotapxa, ʋaprista ʋaʋo namacinda aʋo pamŋe cete.

⁸Muparadzi ucawira guta rimŋe nerimŋe, hakuneguta ricapukunyuka; mupata ucaparara ʋo, neɓani ricaparadzwa, seɀakataura Jehova.

⁹Ipai Moabi mapapiro, ʋabururuke, ʋaende; maguta aʋo acaʋa matoŋgo, anoshaiwa unogara’mo.

¹⁰Ŋgaatukwe unoɓate‐ɓasa raJehova asinehanya naro; ŋgaatukwe unodzora munondo wake paropa.

¹¹Moabi ʋakaŋga ʋanezororo kubva paʋuɗuku bgaʋo, ʋakagara pamasese aʋo, haʋana‐kuɗururwa ʋacibviswa mumudziyo mumŋe ʋaciiswa munomumŋe mudziyo, ʋuye haʋana‐kutapxa; naiɀoɀo kuzipa kwaʋo kwakarambira mukati maʋo, nokunhuwira kwaʋo hakuna‐kushanduka.

¹²Naiɀoɀo tarirai, mazuʋa anoʋuya — ndiɀo ɀinotaura Jehova — andicatuma kwaʋari ʋanomimina; iʋo ʋacaʋamimina, ʋacaɗurura midziyo yaʋo cose, nokuputsanya hari dzaʋo.

¹³Moabi ʋacanyara pamsoro peKemoshi, seɀakanyadziswa imba yaIsraeri pamsoro peBeti‐eri, raʋaiʋimba naro.

¹⁴Munotaura seiko, muciti: Tiri mhare, ʋanhu ʋakatsuŋga pakurwa?

¹⁵Moabi ʋaparadzwa, ʋakwira mumaguta aʋo, majaya aʋo akasanaŋgurwa akaɓuruka kundoʋurawa — ndiɀo ɀinotaura Mambo, unezita rinonzi Jehova wehondo.

¹⁶Njodzi yaMoabi yaʋa pedyo yoɗo‐kuʋuya, nhamo yaʋo yokurumidza kuʋuya.

¹⁷Ʋacemei, imi mose makaʋapoteredza, imi mose munoziʋa zita raʋo; muti: Haiwa, tȿimbo yakasimba, iwo muɗonɀo wakanaka, ɀavunika sei!

¹⁸Iwe mukunda unogara Diboni, ɓuruka pakukudzwa kwako, ugare panenyota, nokuti muparadzi waMoabi waʋuya kuzorwa newe, waparadza nhare dzako.

¹⁹Iwe unogara Aroeri, mira panzira utarire; bvunza unotiza nounopukunyuka, uti: Cinyiko caitwa?

²⁰Moabi ʋakanyadziswa, nokuti ʋakakoromorwa. Wuŋgudzai muceme, muɀiparidzire paArnoni kuti Moabi ʋaparadzwa.

²¹Ɀirokwaɀo, kutoŋgwa kwaȿika panyika yamapani, paHoroni, napaJaza, napaMefaati,

²²napaDiboni, napaNebo, napaBeti‐dibrataimi,

²³napaKiriataimi, napaBeti‐gamuri, napaBeti‐meoni,

²⁴napaKerioti, napaBozra, napamaguta ose enyika yaʋaMoabi, kure kana pedyo.

²⁵Runyaŋga rwaMoabi rwagurwa, ruʋoko rwaʋo rwavuniwa — ndiɀo ɀinotaura Jehova.

²⁶Muʋapei ɗoro ʋaɓatwe, nokuti ʋakaita manyawi pamberi paJehova; Moabi ʋacaʋumburuka mumarutsi aʋo, ʋacasekwa ʋo.

²⁷Nokuti Israeri haʋana‐kusekwa nemi here? Ʋakawanikwa pakati pamakororo here? Nokuti ŋguʋa dzose kana mucimureʋa iye munodzuŋgudza misoro yenyu.

²⁸Imi mugere panyika yaMoabi, ibvai mumaguta, mugare muɗombo, muʋe senjiʋa inoʋaka ɗendere rayo pamatiʋi amawere.

²⁹Takanzwa kuɀikudza kwaMoabi, kuti ʋanoɀikudza kwaɀo; manyawi aʋo, nokuɀikudza kwaʋo, nokuɀirumbidza kwaʋo, namanyawi omŋoyo waʋo.

³⁰Ndinoziʋa hasha dzaʋo, kuti hadzinamaturo — ndiɀo ɀinotaura Jehova; kuɀirumbidza kwaʋo haɀina‐kuita cinhu.

³¹Naiɀoɀo ndicawuŋgudza pamsoro paMoabi, ɀirokwaɀo ndicaɗanidzira pamsoro paʋaMoabi ʋose; ʋacacema ʋanhu ʋeKiri‐heresi.

³²Ndicakucemera, iwe muzambiriŋga weSibma, nokucema kunopfuʋura kucema kwaJazeri; mataʋi ako akaɗarika guŋgwa, akandoȿika paguŋgwa raJazeri; muparadzi wawira ɀiɓereko ɀako ɀezhezha namazambiriŋga ako.

³³Mufaro nokufara ɀabviswa pamunda wakaŋga uciɓereka ɀakanaka napanyika yaMoabi; ndakagumisa waini paɀiȿiniro, hakuna‐ʋacatsika ʋacipururudza, kupururudza hakuŋgaʋi kupururudza.

³⁴Kubva pakucema kweHeshboni kuȿikira Ereare, nokuȿikira Jahazi, ʋakanzwisa inzwi raʋo, kubva Zoari kuȿikira Horonaimi neEgrati‐sherishiya; nokuti nemvura zhinji yeNimrimi icaparadzwa.

³⁵Ndicagumisa ʋo pakati paMoabi aninani unoɓayira panɀimbo dzakakwirira, naiye unopisira ʋamŋari ʋake ɀinonhuwira — ndiɀo ɀinotaura Jehova.

³⁶Naiɀoɀo mŋoyo waŋgu unorira pamsoro paMoabi senyere, nomŋoyo waŋgu unorira senyere pamsoro paʋanhu ʋeKiri‐heresi; naiɀoɀo ɀakawanda ɀaakaɀiwanira ɀapera.

³⁷Nokuti misoro yose yaʋa nemhazha, nendebvu dzose dzaʋeʋurwa; maʋoko ose atemŋa, neɀiʋuno ɀose ɀinamasaga.

³⁸Pamateŋga edzimba dzaMoabi, napanzira dzomumisha yaʋo kuwuŋgudza kuri’po pose; nokuti ndaputsa Moabi somudziyo usiŋgafadzi munhu — ndiɀo ɀinotaura Jehova.

³⁹Ʋakoromorwa sei! Ʋanowuŋgudza sei! Moabi ʋakafuratira sei nokunyadziswa! Saiɀoɀo Moabi ʋacaʋa cinhu cinosekwa necinotyisa pakati paʋose ʋanoʋapoteredza.

⁴⁰Nokuti ɀanzi naJehova: Tarirai, ucabururuka segondo, ucatambanudzira mapapiro ake kuzorwa naMoabi.

⁴¹Maguta akundwa, nhare dzakundwa, nezuʋa iro mŋoyo yemhare dzaMoabi icaita somŋoyo womukadzi pakurwadziwa kwake.

⁴²Moabi ʋacaparadzwa, ʋarege kuʋa rudzi rwaʋanhu, nokuti ʋakaɀikudza pamberi paJehova.

⁴³Kutya nehuzha nomusuŋgo ɀaȿika kwauri, iwe ugere panyika yaMoabi — ndiɀo ɀinotaura Jehova.

⁴⁴Unotiza cinotyisa ucawira muhuzha; unokwira aciɓuɗa muhuzha ucaɓatwa nomusuŋgo, nokuti ndicaʋuyisa pamsoro paʋo, ipo pamsoro paMoabi, gore rokurobga kwaʋo — ndiɀo ɀinotaura Jehova.

⁴⁵Ʋakatiza ʋamire pamumvuri weHeshboni ʋasinesimba, nokuti mŋoto waɓuɗa paHeshboni, nomuraɀo pakati paSihoni, waparadza matiʋi aMoabi nemisoro yaʋanoɗa kurwa.

⁴⁶Munenhamo, imi Moabi! Ʋanhu ʋeKemoshi ʋapera; nokuti ʋanakomana ʋenyu ʋatapxa, naʋakunda ʋenyu ʋaiswa kukutapxa.

⁴⁷Asi namazuʋa okupedzisira ndicadzosa kutapxa kwaMoabi — ndiɀo ɀinotaura Jehova. Ndi’po panoȿika kutoŋgwa kwaMoabi.