Read Original Shona Union Bible 1949 Baiberi Magwaro Matȿene aMŋari Jeremia 49 Bible Online

Jeremia 49 - Original Shona Union Bible 1949 Baiberi Magwaro Matȿene aMŋari bible

Jeremia 49

¹Pamsoro paʋana ʋaAmoni. Ɀanzi naJehova: Ko Israeri haʋanaʋanakomana here? Haʋanaʋagari ʋenhaka here? Ko Markami wagarireiko nhaka yaGadi, ʋanhu ʋake ʋanogarirei mumaguta ake?

²Naiɀoɀo ɀanzi naJehova: Tarirai, mazuʋa anoȿika, andicanzwisa ʋanhu mhere yokurwa neRaba raʋana ʋaAmoni; ricaitwa murwi wamatoŋgo, naʋakunda ʋaro ʋacapiswa nomŋoto; ipapo ʋaIsraeri ʋacadya nhaka yaʋakambodya nhaka yaʋo.

³Wuŋgudza iwe Heshboni, nokuti Ai raparadzwa; cemai imi ʋakunda ʋeRaba, ɀisuŋgei ɀiʋuno namasaga, wuŋgudzai, mumhanye kwose kwose pakati pezhowa, nokuti Markami ucatapxa, iye naʋaprista namacinda ake pamŋe cete.

⁴Unoɀirumbidzireiko pamsoro pemipata, pamsoro pomupata wako unoyerera, iwe mukunda wokudzokera shure, iwe wokuʋimba nefuma yako, uciti: Ndianiko uŋgarwa neni?

⁵Tarira, ndicaʋuyisa pamsoro pako kutya ʋose ʋanokupoteredza — ndiɀo ɀinotaura Ishe, Jehova wehondo; mucadziŋgwa mumŋe nomumŋe ipo paakatarira, hakuna‐uŋgazoʋuŋganidza ʋanodzuŋgaira.

⁶Asi pashure ndicadzosa kutapxa kwaʋana ʋaAmoni — ndiɀo ɀinotaura Jehova.

⁷Pamsoro paEdomi. Ɀanzi naJehova wehondo: Ko paTemani hapacinoʋucenjeri here? Mano aroʋa kunaʋakaŋgwara here? Ʋucenjeri bgaʋo bganyaŋgarika here?

⁸Tizai, mudzoke, garai makadzika, imi mugere paDedani; nokuti ndicaʋuyisa njodzi yaEsau pamsoro pake neŋguʋa yandicamuroʋa nayo.

⁹Kana ʋakohwi ʋamizambiriŋga ʋakaȿika kwauri, haʋaŋgasiyi mamŋe mazambiriŋga aŋgazokohiwa here? Kana mbava dzikaȿika ʋusiku haʋaŋgaparadzi kuȿikira ʋariŋganwa here?

¹⁰Ndakafukura Esau, ndazarura nɀimbo dzake dzakaʋanda, haaŋgagoni kuʋanda; ʋana ʋake ʋaparadzwa, nehama dzake noʋokwake; iye haaci’po.

¹¹Siya nherera dzako, ini ndicadziraramisa, cirikadzi dzako ŋgadziʋimbe neni.

¹²Nokuti ɀanzi naJehova: Tarirai, ʋakaŋga ʋasina‐kufanira kunwa pamukombe, ʋacanwa ɀirokwaɀo; ko ɀino iwe ndiwe ucaregwa cose usiŋgarobgi here? Hauŋgaregwi usiŋgarobgi, asi ucanwa ɀirokwaɀo.

¹³Nokuti ndakapika neni ndimene — ndiɀo ɀinotaura Jehova — kuti Bozra ricaitwa cishamiso necinoshoʋorwa, neɗoŋgo necinotukwa; maguta aro ose acaʋa matoŋgo nokusiŋgaperi.

¹⁴Ndakanzwa mashoko anobva kunaJehova, nhume yakatumŋa pakati pamarudzi, iciti: Ʋuŋganai, muʋuye kuzorwa naro, musimukire kurwa.

¹⁵Nokuti tarirai, ndakakuita muɗuku pakati pamarudzi, nounoɀidzwa pakati paʋanhu.

¹⁶Kana kuri kutyisa kwako, kuɀikudza kwomŋoyo wako kwakakunyeŋgera, iwe ugere mumikaha yeɗombo, unoɀisimbisa pakakwirira paɀikomo; kunyaŋge ukaʋaka ɗendere rako pakakwirira segondo, ndicakubvisa’po — ndiɀo ɀinotaura Jehova.

¹⁷Edomi ʋacaitwa cishamiso, mumŋe nomumŋe unopfuʋura napo ucashamiswa, ucaridza muridzo pamsoro pamaɗambudziko aʋo ose.

¹⁸Sapakutsindikirwa kweSodoma neGomora namamŋe maguta akaŋga ari pedyo nawo, saiɀoɀo — ndiɀo ɀinotaura Jehova — hakunomunhu ucagara’mo, hakunomŋanakomana womunhu ucaʋa’mo ari mutorwa.

¹⁹Tarirai, ucaʋuya seshumba acibva mumatenhere aJoridani kuzorwa noʋugaro bgakasimba; nokuti ndicaʋatizisa’po pakarepo; wakatsaurwa ndiye wandicagadza’po; nokuti ndiani wakafanana neni? Ndiani ucanditarira ŋguʋa? Mufudzi uŋgamira pamberi paŋgu ndiani?

²⁰Naiɀoɀo cinzwai cireʋo caJehova caakatema pamsoro paEdomi, nemifuŋgo yake yaakafuŋga pamsoro paʋagere paTemani: Ɀirokwaɀo ʋacaʋakwekweredza, iʋo ʋaɗuku ʋamapoka aʋo; ɀirokwaɀo mafuro aʋo acashamiswa pamsoro paʋo.

²¹Nyika inoɗeɗera nokuɗa kwomubvumo wokuwira kwaʋo pasi; kucema kuri’po kunonzwika kuȿikira kuGuŋgwa Dɀuku.

²²Tarirai, ucakwira acibururuka segondo, ucatambanudzira mapapiro ake kuzorwa neBozra, nezuʋa iro mŋoyo yemhare dzaEdomi icaita somŋoyo womukadzi pakurwadziwa kwake.

²³Pamsoro peDamasko. Hamati ranyadziswa, neArpadi, nokuti akanzwa mashoko akaipa, akanyauka; kutambudzika kuri’po paguŋgwa, harigoni kuzorora.

²⁴Damasko rapera simba, rakatendeʋukira kutiza, rakaɓatwa nokuɗeɗera; rakaɓatwa nokurwadziwa nokucema somukadzi unosurumuka.

²⁵Haiwa, guta rairumbidzwa rakasiyiwa sei, iro guta romufaro waŋgu?

²⁶Naiɀoɀo majaya aro acawira pasi munzira dzaro, ʋarwi ʋose ʋacanyarara nezuʋa iro — ndiɀo ɀinotaura Jehova wehondo.

²⁷Ndicaɓatidza mŋoto muruȿiŋgo rweDamasko, ucaparadza dzimba dzoʋushe dzaBeni‐hadadi.

²⁸Pamsoro paKedari napamsoro poʋushe bgeHazori bgakakundwa naNebukadrezari mambo weBabironi. Ɀanzi naJehova: Simukai, muende kunaKedari, mundoparadza ʋanhu ʋokumabvazuʋa.

²⁹Ʋacatora matente aʋo namapoka aʋo amakwai, ʋacaɀitorera miceka yaʋo inoremberedzwa, nemidziyo yaʋo yose, namakamera aʋo ʋacienda naɀo; ʋacaɗanidzira kwaʋari, ʋaciti: Ɀinotyisa ɀiri’po kumatiʋi ose!

³⁰Tizai, endai kure, garai makadzika, imi ʋagere Hazori — ndiɀo ɀinotaura Jehova; nokuti Nebukadrezari mambo weBabironi wakaraŋgana pamsoro penyu, wakakufuŋgirai mano akaipa.

³¹Simukai, muende kundorwa norudzi rwakazorora, runogara rusinehanya — ndiɀo ɀinotaura Jehova — rusinamasuʋo kana ɀipfigiso, runogara rwoga.

³²Makamera aʋo acatapxa neɀipfuwo ɀaʋo ɀizhinji ɀicapambga; ndicaʋaparadzira kumatiʋi ose kunobva mhepo, iʋo ʋakaʋeʋurwa matiʋi evudzi raʋo, ndicaʋaʋuyisira njodzi yaʋo icibva kumatiʋi ose — ndiɀo ɀinotaura Jehova.

³³Hazori ʋucaʋa ʋugaro bgamakaʋa, neɗoŋgo nokusiŋgaperi; hakunomunhu uŋgagara’mo, hakunomŋanakomana womunhu ucaʋa’mo ari mutorwa.

³⁴Shoko raJehova, rakaȿika kumuprofita Jeremia pamsoro paErami, pakutaŋga kwokuɓata ʋushe kwaZedekia mambo waJuda, riciti:

³⁵Ɀanzi naJehova wehondo: Tarirai, ndicavuna ʋuta bgaErami, ico cinhu cikuru cesimba raʋo.

³⁶Ndicaʋuyisira pamsoro paErami mhepo inna dzicibva kumatiʋi manna okuɗeŋga, ndicaʋaparadzira kumatiʋi iwo manna kunobva mhepo; hakuŋgaʋi norudzi rumŋe kusiŋgaȿiki iʋo ʋakadziŋgwa ʋaErami.

³⁷Ndicavundusa Erami pamberi paʋaʋeŋgi ʋaʋo napamberi paʋanotȿaka kuʋaʋuraya; ndicaʋuyisa ɀakaipa pamsoro paʋo, iko kutsamŋa kwaŋgu kukuru — ndiɀo ɀinotaura Jehova; ndicatuma munondo uʋateʋerere kuȿikira ndaʋapedza.

³⁸Ndicaisa cigaro caŋgu coʋushe maErami, ndiparadze mambo namacinda ʋabve’po — ndiɀo ɀinotaura Jehova.

³⁹Asi namazuʋa okupedzisira ndicadzosa ɀe kutapxa kwaErami — ndiɀo ɀinotaura Jehova.