Read Original Shona Union Bible 1949 Baiberi Magwaro Matȿene aMŋari Jeremia 5 Bible Online

Jeremia 5 - Original Shona Union Bible 1949 Baiberi Magwaro Matȿene aMŋari bible

Jeremia 5

¹Mhanyai kwose‐kwose panzira dzomuguta reJerusarema, muʋone ɀino, muziʋe, mutȿake pamigwagwa mikuru yaro, kana muŋgawana munhu, kana ari’po, unoita ɀakarurama, unotȿaka ɀokwaɗi; ipapo ndicarikaŋganwira.

²Kunyaŋge ʋaciti haʋo: NaJehova mupenyu, ɀirokwaɀo ʋanopika nhema.

³Haiwa Jehova, meso enyu haazinotȿaka ɀokwaɗi here? Makaʋaroʋa, asi haʋana‐kunzwa kurwadziwa; makaʋapedza, asi ʋakaramba kurairwa; ʋakawomesa ɀiso ɀaʋo kupfuʋura ɗombo, ʋakaramba kudzoka.

⁴Ipapo ndikati: Ɀirokwaɀo, aʋa ʋarombo, mapenzi, nokuti haʋaziʋi nzira yaJehova, kana murairo waMŋari waʋo.

⁵Ndicaenda kuʋakuru, ndicataura naʋo; nokuti iʋo ʋanoziʋa nzira yaJehova, nomurairo waMŋari waʋo. Asi aʋa ʋose pamŋe cete ʋakaputsa joko, ʋakaɗambura ɀisuŋgo.

⁶Saka shumba inobva kuɗondo, icaʋaʋuraya, ɓere rokumarenje ricaʋaparadza, iŋgwe icaʋandira maguta aʋo, mumŋe nomumŋe, unoɓuɗa’mo, ucabvamburwa; nokuti kuɗarika kwaʋo kuzhinji, nokudzokera kwaʋo kwawedzerwa.

⁷Ndiŋgakukaŋganwira seiko? Ʋana ʋako ʋakandirasha, ʋakapika naʋasati ʋari ʋamŋari. Ŋguʋa yandakaʋagutsa kwaɀo, ʋakapombora, ʋakaʋuŋganira padzimba dzeɀifeʋe ʋaciita mapoka.

⁸Ʋakaŋga ʋakaita samabiza akagutswa, anoŋgoɀifambira; mumŋe nomumŋe wakaɗana mukadzi wowokwake.

⁹Ko handiŋgaroʋi pamsoro peɀinhu iɀi here? — ndiɀo ɀinotaura Jehova; Ko mŋeya waŋgu hauŋgaɀitsiʋiri parudzi rwakaɗai here?

¹⁰Kwirai pamaȿiŋgo aro, muparadze; asi musapedza cose; bvisai mataʋi aro, nokuti haazi aJehova.

¹¹Nokuti imba yaIsraeri neimba yaJuda ʋakaita nokunyeŋgera kukuru kwandiri — ndiɀo ɀinotaura Jehova.

¹²Ʋakaramba Jehova, ʋakati: Haazi iye; hakunecakaipa ciŋgatiwira, hatiŋgaʋoni munondo kana nzara;

¹³ʋaprofita ʋacashanduka mhepo, shoko raJehova harizi maʋari; ŋgaʋaitirwe saiɀoɀo.

¹⁴Naiɀoɀo ɀanzi naJehova, Mŋari wehondo: Ɀamunotaura shoko iri, tarirai, ndicaita mashoko aŋgu aʋe mŋoto mumiromo yenyu, naʋanhu aʋa ʋaʋe huni, ʋapedzwe nawo.

¹⁵Tarirai, — ndiɀo ɀinotaura Jehova — ndicaʋuyisa pamsoro penyu rudzi runobva kure, imi imba yaIsraeri; rudzi runesimba, rudzi rwakare‐kare, rudzi rwamusiŋgaziʋi rurimi rwarwo, kana kunzwisisa ɀaʋanotaura.

¹⁶Goɓa raʋo bgiro bgakashama, ʋose ʋanhu ʋanesimba.

¹⁷Ʋacadya ɀamakakohwa neɀokudya ɀenyu ɀaifanira kudyiwa naʋanakomana ʋenyu naʋanasikana ʋenyu; ʋacadya makwai enyu neŋombe dzenyu; ʋacadya mizambiriŋga yenyu nemiʋonde yenyu; ʋacaputsira pasi neminondo maguta enyu akakomberedzwa, amaiʋimba nawo.

¹⁸Asi ɀanzi naJehova: Kunyaŋge napamazuʋa iwayo handiŋgakupedziyi cose.

¹⁹Ɀino kana muciŋge moti: Ko Jehova Mŋari weɗu wakatiitirei iɀeɀi ɀose? Ipapo uti kwaʋari: Seɀamakandirasha ini, mukashumira ʋamŋe ʋamŋari panyika yenyu, saiɀoɀo mucashumira ʋatorwa panyika isati iri yenyu.

²⁰Taurai iɀoɀi paimba yaJakobo, muɀiparidzire paJuda, muciti:

²¹Ɀino cinzwai iɀoɀi, imi ʋanhu mapenzi, musinenjere; munameso, asi hamuʋoni, munenzeʋe, asi hamunzwi:

²²Ɀanzi naJehova: Hamundityi here? Hamuɗeɗeri pamberi paŋgu here, ini ndakaisa jeca riʋe muganho weguŋgwa, ndikatema cireʋo cisiŋgaperi kuti rirege kuudarika? Ɀino kunyaŋge mafuŋgu aro acipeŋga, haaŋgakundi, kunyaŋge akaʋirima, haaŋgaɗariki.

²³Asi ʋanhu aʋa ʋanomŋoyo wakasindimara unoramba kunzwa; ʋakatsauka, ndokuenda.

²⁴Haʋati mumŋoyo yaʋo: Ɀino ŋgatitye Jehova Mŋari weɗu, unotipa paŋguʋa yaɀo mvura yokutaŋga neyokupedzisira, iye unoticeŋgetera maviki akatarwa okukohwa.

²⁵Ɀakaipa ɀenyu ɀakatsausa iɀoɀi, kutadza kwenyu kwakadziʋisa kuti ɀinhu ɀakanaka ɀirege kuʋuya kwamuri.

²⁶Nokuti ʋanhu ʋakaipa ʋari’po pakati paʋanhu ʋaŋgu; ʋanorindira, saʋanogarira shiri; ʋanoteya misuŋgo, ʋanoɓata ʋanhu.

²⁷Seɗendere, rizere neshiri, saiɀoɀo dzimba dzaʋo dzizere nokunyeŋgera; nemhaka iyo ʋakura, ʋafuma.

²⁸Ʋakora, ʋanobginya; ɀirokwaɀo ʋanokurira ʋamŋe namaɓasa akaipa; haʋatambi mhaka, iyo mhaka yenherera, kuti ʋagare ɀakanaka; haʋaruramisiri ʋanoshaiwa.

²⁹Ko handiŋgaroʋi pamsoro peɀinhu iɀi here? — ndiɀo ɀinotaura Jehova; ko mŋeya waŋgu hauŋgaɀitsiʋiri parudzi rwakaɗai here?

³⁰Cinhu cinoshamisa cinosemesa cakaitwa panyika ino;

³¹ʋaprofita ʋanoprofita nhema, naʋaprista ʋanoɓata ʋushe ʋacirairwa naʋo; asi ʋanhu ʋaŋgu ʋanofarira iɀoɀo; ɀino pakupedzisira kwaɀo mucaiteiko?