Read Original Shona Union Bible 1949 Baiberi Magwaro Matȿene aMŋari Jeremia 50 Bible Online

Jeremia 50 - Original Shona Union Bible 1949 Baiberi Magwaro Matȿene aMŋari bible

Jeremia 50

¹Shoko, rakataurwa naJehova pamsoro peBabironi, napamsoro penyika yaʋaKardea nomuprofita Jeremia.

²Paridzirai pakati pamarudzi, muɀiziʋise, musimudze mureza, muɀiziʋise, murege kuʋanza, muti: Babironi rakundwa, Beri wanyadziswa, Merodaki wavunduswa; ɀifananidzo ɀaʋo ɀanyadziswa, matanda aʋo avunika.

³Nokuti rudzi ruri’ko runobva kurutiʋi rwokumsoro kuzorwa naro, rucaita nyika yaro ɗoŋgo, hakuna‐ucagara’mo; ʋatiza, ʋaenda, ʋanhu neɀipfuwo.

⁴Namazuʋa iwayo, neŋguʋa iyo — ndiɀo ɀinotaura Jehova — ʋana ʋaIsraeri ʋacaʋuya, iʋo naʋana ʋaJuda pamŋe cete; ʋacafamba ʋaciŋgocema, ʋacitȿaka Jehova Mŋari waʋo.

⁵Ʋacabvunza Zioni, ʋakariŋgira ɀiso ɀaʋo ikoko, ʋaciti: Ʋuyai tiɀiise kunaJehova nesuŋgano isiŋgaperi, isiŋgakaŋganikwi.

⁶Ʋanhu ʋaŋgu akaŋga ari makwai akarashika, ʋafudzi ʋaʋo ʋakaʋarashisa, ʋakaʋatsausira kumakomo, ʋakafamba ʋacibva kumakomo ʋacienda kuɀikomo, ʋakakaŋganwa nɀimbo yaʋo yokuzorora.

⁷Ʋose ʋaiʋawana ʋaiʋadya, naʋadziʋisi ʋaʋo ʋaiti: Hatinemhoȿa, nokuti ʋakatadzira Jehova, ibgo ʋugaro bgokururama, iye Jehova, tariro yamadziɓaɓa aʋo.

⁸Tizai mubve pakati peBabironi, ɓuɗai panyika yaʋaKardea, muʋe senhoŋgo pamberi pamapoka amakwai.

⁹Nokuti tarirai, ndicamutsira Babironi nokuʋuyisira ɓoka ramarudzi makuru anobva kunyika yokumsoro; ʋacaɀigadzira kuzorwa naro, ricakundwa no’ko; miseʋe yaʋo icaʋa seyemhare yakaŋgwara, isiŋgadzoki isina‐cayakaɓata.

¹⁰Nyika yeKardea icaʋa cinhu cakapambga; ʋose ʋanoipamba ʋacaguta — ndiɀo ɀinotaura Jehova.

¹¹Kunyaŋge makafara, kunyaŋge mucifarisisa, iyemi munoparadza nhaka yaŋgu, kunyaŋge mucikwakuka setsiru rinopura ɀiyo, mucirira samabiza anesimba,

¹²mai ʋenyu ʋacanyadziswa kwaɀo, iʋo ʋakakuɓerekai ʋacakaŋganiswa; tarirai, ʋacaʋa rudzi ruri shure kwaose, nesaŋgo, nenyika yakawoma, nerenje.

¹³Nemhaka yokutsamŋa kwaJehova hariŋgagarwi, asi ricaʋa ɗoŋgo cose; mumŋe nomumŋe unopfuʋura napaBabironi ucashamiswa, ucaridza muridzo pamsoro pamaɗambudziko aro ose.

¹⁴Muɀigadzire imi mose munofura noʋuta kuzorwa neBabironi kumatiʋi ose, rifurei, regai kuceŋgeta miseʋe, nokuti rakatadzira Jehova.

¹⁵Pururudzai kumatiʋi aro ose, raɀirega, shoŋgwe dzaro dzawa, maȿiŋgo aro akoromorwa; nokuti ndiko kutsiʋa kwaJehova; ɀitsiʋei pamsoro paro, seɀarakaita muriitire ʋo.

¹⁶Paradzai mudɀari paBabironi, naiye unoɓata nejeko paŋguʋa yokuceka; nemhaka yokutya munondo unomanikidza, mumŋe nomumŋe ucatendeʋukira kunoʋokwake, mumŋe nomumŋe ucatizira kunyika yake.

¹⁷Israeri igwai rakadziŋgwa‐dziŋgwa, shumba dzakaridziŋga; pakutaŋga mambo weAsiria wakamudya, ɀino pakupedzisira Nebukadrezari mambo weBabironi wakavuna mafupa ake.

¹⁸Naiɀoɀo ɀanzi naJehova wehondo, Mŋari waIsraeri: Tarirai, ndicaroʋa mambo weBabironi nenyika yake, seɀandakaroʋa mambo weAsiria.

¹⁹Ndicadzosera Israeri ɀe kumafuro aʋo, ʋacafura paKarmeri napaBashani, mŋeya waʋo ucagutiswa paɀikomo ɀaEfraimi napaGireadi.

²⁰Namazuʋa iwayo neŋguʋa iyo — ndiɀo ɀinotaura Jehova — ɀakaipa ɀaIsraeri ɀicatȿakwa, asi haɀiŋgaʋi’po, neɀiʋi ɀaJuda, asi haɀiŋgawanikwi; nokuti ndicakaŋganwira ʋandakasiya.

²¹Endai mundorwa nenyika yeMerataimi, murwe nayo ʋuye naʋagere Pekodi; ʋurayai, muparadze cose ɀiri shure kwaʋo, muite ɀose ɀandakakurairai — ndiɀo ɀinotaura Jehova.

²²Mubvumo wokurwa uri munyika, nowokuparadza kukuru.

²³Nyundo yenyika yose yagurwa‐gurwa nokuvuniwa sei! Babironi raʋa ɗoŋgo sei pakati pamarudzi!

²⁴Ndakakuteyera musuŋgo, ukaɓatwa ʋo, iwe Babironi, ukasaɀiziʋa; wakawanikwa, ukaɓatwa ʋo, nokuti wakarwa naJehova.

²⁵Jehova wakazarura ciʋigiro cefuma yake, akaɓuɗisa nhumbi dzokurwa dzokutsamŋa kwake, nokuti Ishe Jehova wehondo uneɓasa raanofanira kuɓata panyika yaʋaKardea.

²⁶Ʋuyai murwe nayo mucibva kumatiʋi ose, zarurai matura aro, muite mirwi, muriparadze cose, regai kusiya cinhu caro.

²⁷Ʋurayai nzombe dzaro dzose, ŋgadziɓurukire kundoʋurawa. Ʋanenhamo, nokuti zuʋa raʋo raȿika, iyo ŋguʋa yokurobga kwaʋo.

²⁸Inzwai inzwi raʋanotiza naʋanopukunyuka panyika yeBabironi, kundoparidzira paZioni kutsiʋa kwaJehova Mŋari weɗu, iko kutsiʋa kwetembere yake.

²⁹Kokerai ʋafuri ʋarwe neBabironi, iʋo ʋose ʋanofura noʋuta; rikomberedzei nemisasa yenyu yokurwa, kurege kuʋa nomumŋe unopukunyuka; muritsiʋe parakaɓata napo, ɀose ɀarakaita iro muriitire saiɀoɀo, nokuti rakaita manyawi pamberi paJehova, pamberi poMutȿene waIsraeri.

³⁰Naiɀoɀo majaya aro acawira pasi munzira dzaro, naʋarwi ʋaro ʋose ʋacanyarara nezuʋa iro — ndiɀo ɀinotaura Jehova.

³¹Tarira, ndinemhoȿa newe, iwe wokuɀikudza — ndiɀo ɀinotaura Ishe Jehova wehondo; nokuti zuʋa rako raȿika, ŋguʋa yandicakuroʋa nayo.

³²Unoɀikudza ucagumburwa nokuwira pasi, hakuna‐uŋgamusimudza; ini ndicaɓatidza mŋoto mumaguta ake, ucapedza ʋose ʋakamupoteredza.

³³Ɀanzi naJehova wehondo: Ʋana ʋaIsraeri naʋana ʋaJuda ʋakamanikidzwa pamŋe cete; ʋose, ʋakaʋatapa, ʋakaʋaɓata, ʋanoramba kuʋaregedza.

³⁴Asi Mudzikinuri waʋo unesimba, Jehova wehondo ndiro zita rake; iye ucaʋareʋerera mhaka yaʋo kwaɀo, kuti azorodze nyika, nokushaisa ʋagere Babironi zororo.

³⁵Munondo uri pamsoro paʋaKardea, napamsoro paʋagere Babironi, napamsoro pamacinda aro, napamsoro paʋacenjeri ʋaro — ndiɀo ɀinotaura Jehova.

³⁶Munondo uri pamsoro paʋanamanyawi, ʋacaʋa mapenzi; munondo uri pamsoro pemhare dzaro, ʋacavunduka.

³⁷Munondo uri pamsoro pamabiza aʋo, napamsoro peŋgoro dzaʋo, napamsoro paʋanhu ʋose ʋakaveŋgana mukati maro, ʋacaʋa saʋakadzi; munondo uri pamsoro pefuma yaro, icapambga.

³⁸Kuwoma kuri pamsoro pemvura yaro, icapxa; nokuti inyika yemifananidzo yakaʋezwa, ʋanopeŋgera ɀifananidzo.

³⁹Naiɀoɀo ɀikara ɀamarenje ɀicagara’mo, pamŋe cete namapere, nemhou dzicagara’mo; hapaŋgazogarwi nokusiŋgaperi, hakuna‐uŋgagara’mo kuȿikira kumarudzi namarudzi.

⁴⁰Mŋari seɀaakaparadza Sodoma neGomora namamŋe maguta akaŋga akaɓatana nawo — ndiɀo ɀinotaura Jehova — saiɀoɀo hakunomunhu uŋgagara’mo, hakunomŋanakomana womunhu ucaʋa’mo ari mutorwa.

⁴¹Tarirai, rudzi rwaʋanhu runobva kurutiʋi rwokumsoro, rudzi rukuru namadzimambo mazhinji acamutswa abve kumigumo yenyika.

⁴²Ʋakaɓata ʋuta nepfumo, ʋanehasha, haʋanenyasha; manzwi aʋo anotinhira seguŋgwa, ʋakataȿa mabiza, mumŋe nomumŋe wakashoŋgedzwa somurwi, kuzorwa newe, iwe mukunda weBabironi.

⁴³Mambo weBabironi wakanzwa guhu raʋo, maʋoko ake akashaiwa simba, waɓatwa nokutambudzika nokurwadziwa sokwomukadzi unosurumuka.

⁴⁴Tarirai, ucaʋuya seshumba acibva kumatenhere aJoridani kuzorwa noʋugaro bgakasimba; nokuti ndicaʋatizisa’po pakarepo; wakatsaurwa ndiye wandicagadza’po; nokuti ndiani waka. fanana neni? Ndiani ucanditarira ŋguʋa? Mufudzi uŋgamira pamberi paŋgu ndiani?

⁴⁵Naiɀoɀo cinzwai cireʋo caJehova caakatema pamsoro peBabironi, nemifuŋgo yake yaakafuŋga pamsoro penyika yaʋaKardea: Ɀirokwaɀo ʋacaʋakwekweredza, iʋo ʋaɗuku ʋamapoka aʋo; ɀirokwaɀo mafuro aʋo acashamiswa pamsoro paʋo.

⁴⁶Nyika inoɗeɗera nomubvumo wokukundwa kweBabironi, kucema kunonzwika pakati pamarudzi ose.