Read Original Shona Union Bible 1949 Baiberi Magwaro Matȿene aMŋari Jeremia 51 Bible Online

Jeremia 51 - Original Shona Union Bible 1949 Baiberi Magwaro Matȿene aMŋari bible

Jeremia 51

¹Ɀanzi naJehova: Tarirai, ndicamutsira Babironi naʋagere Rebi‐kamai mhepo inoparadza.

²Ndicatumira Babironi ʋarudzi ʋacarirudza, ʋacaɓuɗisa ɀose ɀiri munyika yaro, nokuti nezuʋa rokutambudzika ʋacarikomberedza kumatiʋi ose.

³Mufuri ŋgaafure noʋuta bgake aninani unofura noʋuta nounoɀisimudza aneŋguʋo dzake dzokurwa, regai kunzwira tsitsi majaya aro, paradzai cose hondo yaro yose.

⁴Ʋacawira pasi ʋaʋurawa panyika yaʋaKardea, ʋaɓayiwa munzira dzaro.

⁵Nokuti Israeri naJuda haʋana‐kurashwa naMŋari waʋo, naJehova wehondo, kunyaŋge nyika yaʋo izere nemhoȿa pamberi poMutȿene waIsraeri.

⁶Tizai mubve mukati meBabironi, mumŋe nomumŋe aponese ʋupenyu bgake; regai kuparadzwa mukati meɀakaipa ɀaro, nokuti iŋguʋa yokutsiʋa kwaJehova, iye ucariripidzira.

⁷Babironi wakaŋga uri mukombe wendarama muruʋoko rwaJehova, wakaɓatisa nyika yose; marudzi aʋanhu akanwa waini yawo, saka marudzi akapeŋga.

⁸Baberi rakawira pasi pakarepo rikaparadzwa; wuŋgudzai pamsoro paro, torai muti webarsami kurapa kurwadziwa kwaro, ɀimŋe riŋgapora.

⁹Taiɗa kuporesa Babironi, asi harina‐kupora; risiyei, mumŋe nomumŋe weɗu aende kunyika yake, nokuti mhoȿa yaro yaȿikira kuɗeŋga, yasimudzirwa kumakore.

¹⁰Jehova wakaratidza kururama kweɗu; ʋuyai, tiparidze paZioni ɓasa raJehova Mŋari weɗu.

¹¹Rodzai miseʋe, ɓatisai nhoʋo! Jehova wakamutsa mŋeya yamadzimambo aʋaMedia, nokuti muraŋgariro wake ndowokuparadza Babironi, nokuti ndiko kutsiʋa kwaJehova, iko kutsiʋa kwetembere yake.

¹²Simudzirai maȿiŋgo eBabironi mureza, simbisai ʋarindi, isai’po nharirire, gadzirai ʋanoʋandira, nokuti Jehova wakafuŋga nokuita ɀaakataura pamsoro paʋagere Babironi.

¹³Iwe ugere pamvura zhinji, unefuma zhinji, kuguma kwako kwaȿika, ico ciyero ceɀawakawana nokunyeŋgera.

¹⁴Jehova wehondo wakapika naiye amene, aciti: Ɀirokwaɀo ndicakuzadza naʋanhu semhashu, iʋo ʋacakupururudzira.

¹⁵Ndiye wakaita nyika nesimba rake, wakateya nyika noʋucenjeri bgake, wakatatamura ɗeŋga rose nenjere dzake.

¹⁶Kana aciɓuɗisa inzwi rake, kunomubvumo wemvura zhinji kuɗeŋga; unokwidza makore pamigumo yenyika, unoita mheni kuʋuyisa mvura, unoɓuɗisa mhepo panoʋigwa fuma yake.

¹⁷Munhu mumŋe nomumŋe waʋa usinenjere, haaneziʋo; mupfuri mumŋe nomumŋe wendarama unonyadziswa necifananidzo cake caakaʋeza, nokuti cifananidzo caakaʋumba, ndecenhema; hakunomŋeya maɀiri.

¹⁸Haɀinamaturo, iɓasa rinonyeŋgera; paŋguʋa yokurobga kwaɀo ɀicapera.

¹⁹Mugoʋe waJakobo haufanani naiɀoɀi, nokuti ndiye muʋumbi waɀose; Israeri ndirwo rudzi rwenhaka yake; Jehoʋa wehondo ndiro zita rake.

²⁰Iwe uri nyundo yaŋgu nenhumbi dzaŋgu dzokurwa; newe ndicaputsanya marudzi aʋanhu; newe ndicaparadza ʋushe;

²¹newe ndicaputsanya biza nomutaȿi waro; newe ndicaputsanya ŋgoro nounofamba nayo;

²²newe ndicaputsanya murume nomukadzi; newe ndicaputsanya mutana nomuɗuku; newe ndicaputsanya mujaya nemhandara;

²³newe ndicaputsanya mufudzi neɓoka rake; newe ndicaputsanya murimi nenzombe dzake mbiri; newe ndicaputsanya ʋaɓati naʋakuru.

²⁴Ndicaripidzira Babironi naʋose ʋagere Kardea ɀakaipa ɀaʋo ɀose ɀaʋakaita Zioni pamberi penyu — ndiɀo ɀinotaura Jehova.

²⁵Tarira, ndinemhoȿa newe, iwe gomo rokuparadza, rinoparadza nyika yose — ndiɀo ɀinotaura Jehova; ndicatambanudzira ruʋoko rwaŋgu kwauri, ndicakukuŋgurusa pamabge, ndicakuita gomo rakatȿa.

²⁶Haʋaŋgatori kwauri ibge rekona, kana ibge renheyo; asi ucaʋa ɗoŋgo nokusiŋgaperi — ndiɀo ɀinotaura Jehova.

²⁷Simudzai mureza panyika, ridzai hwamanda pakati pamarudzi, gadzirai marudzi kuzorwa naro, kokerai ʋushe bgeArarati neMini neAshkenazi kuzorwa naro, gadzai mukuru wehondo kuzorwa naro, ʋuyisai mabiza semhashu dzinoparadza.

²⁸Gadzirai marudzi kuzorwa naro, iwo madzimambo aʋaMedia, naʋaɓati ʋaʋo, naʋakuru ʋaʋo ʋose, nenyika yose yaʋakaɓata.

²⁹Nyika inoɗeɗera nokurwadziwa; nokuti ɀakafuŋga Jehova kuitira Babironi ɀakasimba, kuti aite nyika yeBabironi ɗoŋgo, isina‐unogara’mo.

³⁰Mhare dzeBabironi dzarega kurwa, ʋakarambira munhare dzaʋo, simba raʋo rakapera, ʋaʋa saʋakadzi; ʋakapisa dzimba dzaro, ɀipfigiso ɀaro ɀakavuniwa.

³¹Imŋe nhume icamhanya kundosoŋgana neimŋe, mumŋe wakatumŋa kundosoŋgana nomumŋe, kuziʋisa mambo weBabironi kuti guta rake rakundwa kumatiʋi ose.

³²Ʋuye kuti mazambuko aɓatwa, kuti mapani eshaŋga apiswa nomŋoto, kuti ʋarwi ʋavunduswa.

³³Nokuti ɀanzi naJehova wehondo, Mŋari waIsraeri: Mukunda weBabironi wakaita seɓuriro neŋguʋa yokupura; kwasara ŋguʋa ɗuku, iye ndokuȿikirwa neŋguʋa yokuceka.

³⁴Nebukadrezari mambo weBabironi wandidya, wandipxanya, wandiita mudziyo usinecinhu, wandimedza seshato, razadza ziɗumbu raro neɀinozipa ɀaŋgu, wandidziŋga.

³⁵Ugere Zioni ucati: Ɀakaipa ɀandakaitirwa ini nenyama yaŋgu ŋgaɀiʋe pamsoro peBabironi; Jerusarema ricati: Ropa raŋgu ŋgariʋe pamsoro paʋagere Kardea.

³⁶Naiɀoɀo ɀanzi naJehova: Tarira, ndicakureʋerera mhaka yako, ndicakutsiʋa; ndicapxisa guŋgwa raro, ndicawomesa tsime raro.

³⁷Babironi ricaitwa mirwi yamabge, ʋugaro bgamakaʋa, cinhu cinoshamisa, cinoridzirwa muridzo, pasina‐unogara’mo.

³⁸ʋacaʋomba pamŋe cete saʋana ʋeshumba, ʋacagannya saʋanana ʋeshumba.

³⁹Kana ʋamutswa mŋoyo ndicaʋaitira mutambo, ndicaʋaɓatisa newaini, kuti ʋafare, ʋaʋate hope dzisiŋgaperi, ʋarege kuzomuka ɀe — ndiɀo ɀinotaura Jehova.

⁴⁰Ndicaʋaɓurusira kwaʋanondoɓayiwa samakwaiana, samakondobge pamŋe cete nenhoŋgo.

⁴¹Sheshaki rakundwa sei! Guta rairumbidzwa nenyika yose rapindwa sei! Babironi raʋa ɗoŋgo sei pakati pamarudzi!

⁴²Guŋgwa rakwira raȿika Babironi, rafukidzwa namafuŋgu aro mazhinji.

⁴³Maguta aro aʋa matoŋgo, nyika yakawoma nerenje, nenyika musiŋgagari munhu, hakunomŋanakomana womunhu unopfuʋura napo.

⁴⁴Ndicatoŋga Beri paBabironi, ndicaɓuɗisa mumuromo make caakaŋga amedza, marudzi aʋanhu haacazoʋaŋgiri kwariri; ɀirokwaɀo ruȿiŋgo rwaBabironi rucawa.

⁴⁵Imi ʋanhu ʋaŋgu, ɓuɗai mukati maro, muɀiponese mumŋe nomumŋe pakutsamŋa kukuru kwaJehova.

⁴⁶Mŋoyo yenyu irege kuʋora, musatya guhu ricanzwika panyika, nokuti guhu ricaʋuya rimŋe gore, nerimŋe guhu ɀe nerimŋe gore shure kwaiɀoɀo; panyika ʋacaitirana simba, muɓati mumŋe acirwa nomumŋe.

⁴⁷Naiɀoɀo tarirai, mazuʋa anoʋuya andicatoŋga mifananidzo yakaʋezwa yaBabironi; nyika yaro yose icanyadziswa, ʋakaʋurawa ʋaro ʋose ʋacawira pasi mukati maro.

⁴⁸Ipapo ɗeŋga nenyika neɀose ɀiri mukati maɀo ɀicaimba nomufaro pamsoro peBabironi, nokuti ʋaparadzi ʋacaʋuya kwariri ʋacibva kurutiʋi rwokumsoro — ndiɀo ɀinotaura Jehova.

⁴⁹Imi ʋakaʋurawa ʋaIsraeri, Babironi rinofanira kuwa ʋo, seɀakawira pasi paBabironi ʋakaʋurawa ʋenyika yose.

⁵⁰Imi makapukunyuka pamunondo, endai, musamira; raŋgarirai Jehova muri kure, fuŋgai Jerusarema pamŋoyo yenyu.

⁵¹Takanyadziswa, nokuti takanzwa kushoʋorwa, kunyara kwakafukidza ɀiso ɀeɗu, nokuti ʋatorwa ʋakapinda munɀimbo tȿene dzeimba yaJehova.

⁵²Naiɀoɀo, tarirai, — ndiɀo ɀinotaura Jehova — mazuʋa anoʋuya andicatoŋga mifananidzo yaro yakaʋezwa; ʋakakuʋadzwa ʋacagomera kwose panyika yaro.

⁵³Kunyaŋge Babironi rikakwira kuɗeŋga, kunyaŋge rikasimbisa pakakwirira panesimba raro, kunyaŋge ɀakaɗaro ʋaparadzi ʋacabva kwandiri ʋacienda’ko — ndiɀo ɀinotaura Jehova.

⁵⁴Inzwai inzwi rokucema rinobva Babironi, nerokuparadzwa kukuru rinobva panyika yaʋaKardea!

⁵⁵Nokuti Jehova unoparadza Babironi, ucanyaradza’mo mubvumo mukuru; mafuŋgu aʋo anotinhira semvura zhinji, mubvumo wamanzwi aʋo anonzwika.

⁵⁶Nokuti muparadzi waȿika kwariri, iko Babironi, mhare dzaro dzakundwa, ʋuta bgaʋo bgavuniwa‐vuniwa; nokuti Jehova ndiMŋari wokutsiʋa, ucaripidzira ɀirokwaɀo.

⁵⁷Ndicaɓatisa newaini macinda aro naʋakacenjera ʋaro, ʋaɓati ʋaro naʋakuru ʋaro, nemhare dzaro, ʋacaʋata hope dzisiŋgaperi, haʋaŋgazomuki — ndiɀo ɀinotaura Mambo, unezita rinonzi Jehova wehondo.

⁵⁸Ɀanzi naJehova wehondo: Maȿiŋgo akafara eBabironi acakoromorwa cose, namasuʋo aro marefu acapiswa nomŋoto; ʋanhu ʋacaɓatira ɀisinamaturo, namarudzi acaɓatira mŋoto; ʋacaneta.

⁵⁹Ndiro shoko, rakarairwa Seraia mŋanakomana waNeria, mŋanakomana waMaseia, nomuprofita Jeremia, ŋguʋa yaakaenda Babironi naZedekia mambo waJuda negore recinna rokuɓata kwake ʋushe. Ɀino Seraia wakaŋga ari murairi mukuru parwendo.

⁶⁰Jeremia akanyora mubuku ɀakaipa ɀose ɀaifanira kuwira Babironi, iwo mashoko ose akanyorwa pamsoro peBabironi.

⁶¹Jeremia akati kunaSeraia: Kana waȿika Babironi raŋgarira kuti uraʋe mashoko awa ose,

⁶²uti: Haiwa Jehova, makataura pamsoro penɀimbo ino, kuti mucaiparadza, kuti kusaʋa nounogara’mo, kana munhu kana ɀipfuwo, asi kuti ricaʋa ɗoŋgo nokusiŋgaperi.

⁶³Ɀino kana wapedza kuraʋa buku iyi, unofanira kusuŋgira ibge pairi, ndokuikandira mukati morwizi rwaUfratesi;

⁶⁴uciti: Saiɀoɀo Babironi ricanyura, hariŋgazoɓuɗi ɀe, nokuɗa kweɀakaipa ɀandicaʋuyisa pamsoro paro; ʋacaneta. Ndi’po panoguma mashoko aJeremia.