Read Original Shona Union Bible 1949 Baiberi Magwaro Matȿene aMŋari Jeremia 6 Bible Online

Jeremia 6 - Original Shona Union Bible 1949 Baiberi Magwaro Matȿene aMŋari bible

Jeremia 6

¹Tizai, imi ʋana ʋaBenjamini, ibvai pakati peJerusarema, muridze hwamanda paTekoa, mumutse ciratidzo paBeti‐hakeremi; nokuti ɀakaipa ɀinoʋaʋarira ɀiri kurutiʋi rwokumsoro, nokuparadza kukuru.

²Ndicabvisa mukunda weZioni, iye wakanaka, unoʋuneŋgwe.

³Ʋafudzi ʋacaenda kwariri ʋanamapoka aʋo; ʋacaridzikira matente aʋo kumatiʋi ose, mumŋe nomumŋe ucafura panɀimbo yake.

⁴Ɀigadzirei kundorwa naro; simukai, tiende masikati. Tinenhamo, nokuti zuʋa roʋira, nokuti mimvuri yamaɗekwana yareɓa.

⁵Simukai, tiende ʋusiku, tindoparadza dzimba dzamadzimambo aro.

⁶Nokuti ɀakanzi naJehova wehondo: Temai miti, mututire Jerusarema murwi wokurwa nawo; ndiro guta rinofanira kurobga, mukati maro munoŋgoʋa nokumanikidza ɓedzi.

⁷Tsime seɀarinoɓuɗisa mvura yaro, saiɀoɀo rinoɓuɗisa ɀakaipa ɀaro; kuita nesimba nokuparadza ndiɀo ɀinonzwika mukati maro, pamberi paŋgu panoŋgoʋa nokurwara namaʋaŋga ŋguʋa dzose.

⁸Tenda kuraŋgwa, iwe Jerusarema, kuti mŋeya waŋgu urege kuparadzana newe, ndirege kukuita ɗoŋgo, nyika isiŋgagari ʋanhu.

⁹Ɀanzi naJehova wehondo: Ʋacatanha cose ɀakasara ɀaIsraeri, somuzambiriŋga; dzoserai ɀe ruʋoko rwenyu mumateŋgu, seɀinoita mutanhi wemizambiriŋga.

¹⁰Ndicataura nani nokuʋapupurira ʋanzwe? Tarirai, nzeʋe dzaʋo hadzina‐kudziŋgiswa, haʋagoni kunzwa; tarirai, shoko raJehova raʋa kwaʋari cinhu cinoɗaɗirwa, haʋarifariri.

¹¹Naiɀoɀo ndizere nokutsamŋa kwaJehova, ndaneta kuɀidzora; cikuɗururai pamsoro paʋana ʋari munzira dzomuguta, napamsoro peʋuŋgano yamajaya; nokuti murume nomukadzi ʋacaɓatwa pamŋe cete, nomutana pamŋe cete nowaʋa namazuʋa mazhinji.

¹²Dzimba dzaʋo dzicapiwa ʋamŋe, minda yaʋo pamŋe cete naʋakadzi ʋaʋo; nokuti ndicatambanudzira ruʋoko rwaŋgu pamsoro paʋagere panyika — ndiɀo ɀinotaura Jehova.

¹³Nokuti kubva kuʋaɗuku pakati paʋo kuȿikira kuʋakuru pakati paʋo mumŋe nomumŋe unokarira fuma; ʋuye kubva kuʋaprofita kuȿikira kuʋaprista mumŋe nomumŋe unoita nokunyeŋgera.

¹⁴Ʋakaŋgopodza ʋaŋga raʋanhu ʋaŋgu ɀishoma ʋaciti: Rugare, rugare! iɀo hakunorugare.

¹⁵Ko ʋakanyadziswa ŋguʋa yaʋakaita ɀinonyaŋgadza here? Kwete haʋana‐kutoŋgonyara, ʋakakoniwa kuceneruka; naiɀoɀo ʋacawa pakati paʋanowa, paŋguʋa yandinoʋaroʋa ʋacagumburwa — ndiɀo ɀinotaura Jehova.

¹⁶Ɀanzi naJehova: Mirai panzira, muʋone; bvunzai nzira dzakare, kuti nzira yakanaka ndeipi; mufambe mairi, mugowanira mŋeya yenyu zororo; asi ʋakati: Hatiɗi kufamba mairi.

¹⁷Ndakagadza nharirire kukurindirai, ndikati: Tererai inzwi rehwamanda; asi iʋo ʋakati: Hatiɗi kuterera.

¹⁸Naiɀoɀo inzwai, imi marudzi, newe ʋuŋgano, muziʋe ɀiri pakati paʋo.

¹⁹Inzwa, iwe nyika, tarira, ndini ndinoʋuyisira ʋanhu aʋa ɀakaipa, iɀo ɀiɓereko ɀemifuŋgo yaʋo, nokuti haʋana‐kuterera mashoko aŋgu; kana uri murairo waŋgu, ʋakauramba.

²⁰Ko ɀinonhuwira ɀinoʋuyirei kwandiri ɀicibva Sheba, nekaramusi inobva kunyika iri kure? Ɀipiriso ɀenyu ɀinopiswa handiɀiɗi, neɀiɓayiro ɀenyu haɀindifadzi.

²¹Naiɀoɀo ɀanzi naJehova: Tarirai, ndicaisira ʋanhu aʋa ɀigumbuso, madziɓaɓa naʋanakomana ʋaʋo ʋacagumbuswa naɀo pamŋe cete; munhu neshamŋari yake ʋacaparara pamŋe cete.

²²Ɀanzi naJehova: Tarirai, ʋanhu ʋacabva kunyika yokumsoro, rudzi rukuru rucamutswa, rucibva kumigumo yenyika.

²³Ʋakaɓata ʋuta nepfumo, ʋanehasha haʋanenyasha; inzwi raʋo rinotinhira seguŋgwa; ʋanotaȿa mabiza, mumŋe nomumŋe wakaɀigadzira, somunhu unoenda kuhondo, kuzorwa newe, iwe mukunda weZioni.

²⁴Takanzwa guhu raɀo, maʋoko eɗu oshaiwa simba, taɓatwa nokutambudzika, nokurwadziwa sokwomukadzi unosurumuka.

²⁵Regai kuɓuɗira kuɓundo, kana kufamba nenzira; nokuti munondo womuʋeŋgi neɀinotyisa ɀiri kumatiʋi ose.

²⁶Haiwa, mukunda waʋanhu ʋaŋgu, ɀisuŋge ciʋuno namakudza, uʋumburuke mumaɗota; cema, somunhu unocema mŋanakomana wake mumŋe cete, nokucema kukuru kwaɀo; nokuti muparadzi ucatiwira pakarepo.

²⁷Ndakakuita mushori nenhare pakati paʋanhu ʋaŋgu, kuti uziʋe nokuidza nzira yaʋo.

²⁸Ʋose ʋaʋo ʋamukiri ʋakaiȿo‐ipa, ʋanoŋgofamba‐famba ʋaciita makuhwa; indarira neɗare, ʋanoita ɀakashata ʋose.

²⁹Mvuto inovutira kwaɀo, mutobvu wapera nomŋoto, ʋanoramba ʋacinatsa pasina, nokuti ʋakaipa haʋabviswi.

³⁰Ʋacanzi sirveri yakarashwa, nokuti Jehova wakaʋaramba.