Read Original Shona Union Bible 1949 Baiberi Magwaro Matȿene aMŋari Jeremia 7 Bible Online

Jeremia 7 - Original Shona Union Bible 1949 Baiberi Magwaro Matȿene aMŋari bible

Jeremia 7

¹Shoko rakaʋuya kunaJeremia ricibva kunaJehova, riciti:

²Mira pasuʋo reimba yaJehova, uparidzire’po shoko iri, uti: Inzwai shoko raJehova, imi ʋaJuda mose, munopinda napamasuʋo awa kuzonamata Jehova.

³Ɀanzi naJehova wehondo, Mŋari waIsraeri: Ruramisai nzira dzenyu neɀamunoita, ndigokugarisai panɀimbo ino.

⁴Musaʋimba namashoko enhema, anoti: Iɀeɀi itembere yaJehova, tembere yaJehova, tembere yaJehova.

⁵Nokuti kana mukaruramisa kwaɀo nzira dzenyu neɀamunoita, kana muciita ɀakarurama munhu mumŋe nomumŋe kunowokwake;

⁶kana musiŋgamanikidzi mutorwa, nenherera, necirikadzi, mukasateʋura ropa risinemhoȿa panɀimbo ino, nokusateʋera ʋamŋe ʋamŋari, ʋanokuisai panjodzi;

⁷ipapo ndicakugarisai panɀimbo ino, panyika yandakapa madziɓaɓa enyu, kubvira paŋguʋa yakare kuȿikira nokusiŋgaperi.

⁸Tarirai, munoʋimba namashoko enhema, asiŋgagoni kuɓatsira.

⁹Muŋgaɓa, nokuʋuraya, nokuita ʋupombge, nokupika nhema, nokupisira Baari ɀinonhuwira, nokuteʋera ʋamŋe ʋapirwa ʋamakaŋga musiŋgaziʋi,

¹⁰ndokuzoʋuya momira pamberi paŋgu muimba ino, panoɗanwa zita raŋgu, muciti: Tasunuŋgurwa; kuti mugoita iɀi ɀose ɀinonyaŋgadza here?

¹¹Ko imba ino panoɗanwa zita raŋgu raʋa ɓako ramakororo pamberi penyu here? Tarirai, ini, ini ndimene ndaʋona iɀoɀo — ndiɀo ɀinotaura Jehova.

¹²Asi ɀino endai kunɀimbo yaŋgu yaiʋa paShiro, pandakagarisa zita raŋgu pakutaŋga, muʋone ɀandakaiitira nokuɗa kweɀakaipa ɀaʋanhu ʋaŋgu Israeri.

¹³Ɀino, ɀamakaita maɓasa awa ose — ndiɀo ɀinotaura Jehova — ini ndikataura nemi, ndicifumira maŋgwanani ndicitaura, imi mukasanzwa, ndikakuɗanai, mukasapindura;

¹⁴naiɀoɀo ndicaitira imba panoɗanwa zita raŋgu, yamunoʋimba nayo, nenɀimbo yandakakupai imi namadziɓaɓa enyu, seɀandakaitira Shiro.

¹⁵Ndicakurashirai kure neni, seɀandakarasha hama dzenyu dzose, irwo rudzi rwose rwaEfraimi.

¹⁶Naiɀoɀo iwe cirega kunyeŋgeterera ʋanhu aʋa, usaɗanidzira nokunyeŋgetera nokuɗa kwaʋo, kana kuʋakumbirira kwandiri; nokuti handiŋgakunzwi.

¹⁷Hauʋoni here ɀaʋanoita mumaguta aJuda nomunzira dzomuJerusarema here?

¹⁸Ʋana ʋanoʋuŋganidza huni, madziɓaɓa ndokuɓatidza mŋoto, ʋakadzi ʋanokanya ʋupfu kuti ʋaɓikire ʋahosi ʋokuɗeŋga ɀiŋgwa, ʋuye kuti ʋaɗirire ʋamŋe ʋamŋari ɀipiriso ɀinoɗururwa, kuti ʋanditsamŋise.

¹⁹Ʋanonditsamŋisa here? — ndiɀo ɀinotaura Jehova; haʋazinoɀinetsa haʋo, ʋaciŋgoɀinyadzisa haʋo?

²⁰Saka ɀanzi naJehova Mŋari: Tarirai, kutsamŋa kwaŋgu nehasha dzaŋgu ɀicaɗururirwa panɀimbo ino, pamsoro paʋanhu, napamsoro peɀipfuwo, napamsoro pemiti yokuɓundo, napamsoro peɀiɓereko ɀenyika; ɀicapfuta, ɀisiŋgadzimŋi.

²¹Ɀanzi naJehova wehondo, Mŋari waIsraeri: Wedzerai ɀipiriso ɀenyu ɀinopiswa paɀiɓayiro ɀenyu, mudye nyama yaɀo.

²²Nokuti handina‐kutaura namadziɓaɓa enyu, kana kuʋaraira paŋguʋa yandakaʋaɓuɗisa panyika yeEgipita pamsoro peɀipiriso ɀinopiswa kana ɀiɓayiro;

²³asi ndakaʋaraira cinhu ici, ndiciti: Tererai inzwi raŋgu, ndigoʋa Mŋari wenyu, nemi mucaʋa ʋanhu ʋaŋgu; mufambe nenzira yose yandicakurairai, mugoʋa nomufaro.

²⁴Asi haʋana‐kuterera, kana kurerekera nzeʋe dzaʋo, asi ʋakafamba nokuraŋgarira kwaʋo noʋukukutu bgemŋoyo yaʋo, ʋakadzokera shure; haʋana‐kupfuʋura mberi.

²⁵Kubvira pazuʋa rokuɓuɗa kwamadziɓaɓa enyu munyika yeEgipita, kuȿikira pazuʋa ranhasi, ndakakutumirai ʋaranda ʋaŋgu ʋose ʋaprofita, ndicifumira maŋgwanani zuʋa rimŋe nerimŋe ndiciʋatuma;

²⁶kunyaŋge ɀakaɗaro, haʋana‐kunditerera, kana kurerekera nzeʋe dzaʋo, asi ʋakawomesa mitsipa yaʋo; ʋakaita ɀakaipa kukunda madziɓaɓa aʋo.

²⁷Ɀino iwe unofanira kuʋataurira mashoko awa ose; asi haʋaŋgakutereri; unofanira kuɗana ʋo kwaʋari, asi haʋaŋgakupinduri.

²⁸Ɀino iwe uti kwaʋari: Urwu ndirwo rudzi rusiŋganzwi shoko raJehova Mŋari waʋo, kana kutenda kuraŋgwa; kutendeka kwapera, kwabva cose pamiromo yaʋo.

²⁹Ʋeʋura ʋukomba bgako, iwe Jerusarema, uʋurashire kure; undocema paɀikomo ɀisinemiti, nokuti Jehova wakarasha nokusiya rudzi rwaakatsamŋira.

³⁰Nokuti ʋana ʋaJuda ʋakaita ɀakaipa pamberi paŋgu, ʋakaisa ɀinonyaŋgadza ɀaʋo muimba pakaɗanwa zita raŋgu, kuti ʋaiȿiɓise — ndiɀo ɀinotaura Jehova.

³¹Ʋakaʋaka nɀimbo dzakakwirira dzeTofeti, dziri mumupata womŋanakomana waHinomi, kuti ʋapise ʋanakomana naʋanasikana ʋaʋo mumŋoto, ɀiri ɀinhu ɀandisina‐kuʋaraira, kana kufuŋga mumŋoyo maŋgu.

³²Naiɀoɀo ɀanzi naJehova: Tarirai, mazuʋa anoʋuya, aʋasiŋgazopaidzi Tofeti, kana mupata womŋanakomana waHinomi, asi Mupata wokuʋuraya; nokuti ʋacaʋiga ʋakafa paTofeti, nokuti kucashaikwa imŋe nɀimbo.

³³Mitumbu yaʋanhu aʋa ɀicaʋa ɀokudya ɀeshiri dzokuɗeŋga neɀeɀikara ɀenyika; hakuna‐ucaɀidziŋga.

³⁴Ipapo ndicagumisa pamaguta aJuda napanzira dzomuJerusarema inzwi rokuseka, nenzwi romufaro, nenzwi recikomba nenzwi romŋeŋga; nokuti nyika icaʋa ɗoŋgo.