Read Original Shona Union Bible 1949 Baiberi Magwaro Matȿene aMŋari Jeremia 8 Bible Online

Jeremia 8 - Original Shona Union Bible 1949 Baiberi Magwaro Matȿene aMŋari bible

Jeremia 8

¹Neŋguʋa iyo — ndiɀo ɀinotaura Jehova — ʋacabvisa pamabgiro aʋo mafupa amadzimambo aʋaJuda, namafupa amacinda aʋo, namafupa aʋaprista, namafupa aʋaprofita, namafupa aʋaigara paJerusarema;

²ʋacaaparadzira panopenya zuʋa nomŋedzi nehondo yose yokuɗeŋga, iɀo ɀaʋaiɗa, neɀaʋaishumira, neɀaʋaiteʋera, neɀaʋaiʋiŋga, neɀaʋainamata; haaŋgaʋuŋganidzwi, kana kuʋigwa, asi acaʋa mupfudze panyika.

³Rufu rucasanaŋgurwa kupfuʋura ʋupenyu naʋose ʋakasara ʋorudzi urwu rwakaipa, ʋakasara panɀimbo dzose kwandakaʋadziŋgira — ndiɀo ɀinotaura Jehova wehondo.

⁴Ɀino unofanira kuti kwaʋari: Ɀanzi naJehova: Ko ʋanhu ʋaŋgawa, ʋakasazomuka ɀe here? Munhu uŋgatsauka, akasazodzoka here?

⁵Ɀino ʋanhu aʋa ʋeJerusarema ʋakadzokereiko nokudzokera kusiŋgatoŋgoperi? Ʋanonamatira kunyeŋgera, ʋanoramba kudzoka.

⁶Ndakaterera, ndikanzwa, asi haʋana‐kutaura ɀakarurama; hakunomunhu unocema kuipa kwake, aciti: Ndaiteiko? Mumŋe nomumŋe unotsauka nenzira yake, sebiza rinomhanya kwaɀo pakurwa.

⁷Ɀirokwaɀo, ɀimudo, riri kuɗeŋga, rinoziʋa ŋguʋa dzaro dzakatarwa, nenjiʋa nenyeŋganyeŋga nekondo dzinoraŋgarira ŋguʋa yokuʋuya kwadzo, asi ʋanhu ʋaŋgu haʋaziʋi murairo waJehova.

⁸Munoreʋa seiko, muciti: Takacenjera, murairo waJehova tinawo? Asi tarirai, peni yenhema yaʋanyori inonyeŋgera.

⁹Ʋanhu ʋakacenjera ʋakanyadziswa, ʋakavunduka nokuɓatwa; tarirai, ʋakaramba shoko raJehova, ɀino ʋanenjere dzakaɗiniko?

¹⁰Naiɀoɀo ndicapa ʋamŋe ʋakadzi ʋaʋo, neminda yaʋo ndicaipa ʋamŋe ʋacaiita yaʋo; nokuti mumŋe nomumŋe waʋo, kubva kuʋaɗuku kuȿikira kuʋakuru, mumŋe nomumŋe unokarira fuma; kubva kuʋaprofita kuȿikira kuʋaprista mumŋe nomumŋe unoita nokunyeŋgera.

¹¹Ʋakaŋgopodza ʋaŋga romukunda waʋanhu ʋaŋgu ɀishoma, ʋaciti: Rugare, rugare! iɀo hakunorugare.

¹²Ko ʋakanyadziswa ŋguʋa yaʋakaita ɀinonyaŋgadza here? Kwete, haʋana‐kutoŋgonyara, ʋakakoniwa kuceneruka; naiɀoɀo ʋacawa pakati paʋanowa; paŋguʋa yokurobga kwaʋo ʋacagumburwa — ndiɀo ɀinotaura Jehova.

¹³Ndicaʋapedza cose — ndiɀo ɀinotaura Jehova; hakuŋgaʋi namazambiriŋga pamuzambiriŋga, kana maʋonde pamuʋonde, namashizha acawoma ndakaraira ʋacaʋakukura.

¹⁴Tinogarireiko pasi? Ʋuŋganai, tipinde mumaguta akakomberedzwa, tifire’po; nokuti Jehova Mŋari weɗu wakatiʋuraya, akatipa mvura inoʋuraya kuti tiinwe; nokuti takatadzira Jehova.

¹⁵Takaŋga takatarira rugare, asi hakunecakanaka cakaȿika; takaŋga takatarira ŋguʋa yokuporeswa, asi tarirai, takavunduswa.

¹⁶Kufemhedza kwamabiza ake kwakanzwika aciri paDani; nyika yose yakaɗeɗera nenzwi rokurira kwaanesimba ake; nokuti aȿika, apedza nyika neɀose ɀiri’mo, neguta naʋose ʋagere’mo.

¹⁷Nokuti tarirai, ndicatuma pakati penyu nyoka nemvumbi, dzicaramba kuroyiwa; dzicakurumai — ndiɀo ɀinotaura Jehova.

¹⁸Haiwa, ɗai ndaigona haŋgu kuɀinyaradza pakucema kwaŋgu! Mŋoyo waŋgu waziya mukati maŋgu.

¹⁹Inzwai, inzwi rokucema kwomukunda waʋanhu ʋaŋgu, rinobva kunyika iri kure‐kure, riciti: Ko Jehova haazi muZioni here? Mambo waro haazi mukati maro here? Ʋakanditsamŋisireiko neɀifananidzo ɀaʋo ɀakaʋezwa, neɀaʋatorwa ɀisinamaturo?

²⁰Kuceka kwapera, zhezha rapfuʋura, asi tigere kuponeswa.

²¹Ini ndinokuʋadzwa nokuɗa kwokukuʋadzwa kwomukunda waʋanhu ʋaŋgu; ndinocema, ndaɓatwa nokuvunduswa.

²²Ko hakunomuti webarsami muGireadi here? Hakuneŋaŋga’ko here? Nokuti mukunda waʋanhu ʋaŋgu wakagoregerei kupodzwa?