Read Original Shona Union Bible 1949 Baiberi Magwaro Matȿene aMŋari Jeremia 9 Bible Online

Jeremia 9 - Original Shona Union Bible 1949 Baiberi Magwaro Matȿene aMŋari bible

Jeremia 9

¹Haiwa, ɗai musoro waŋgu waiʋa nemvura zhinji, nameso aŋgu riri tsime remisodzi, ndiŋgaɗai ndaicema masikati noʋusiku nokuɗa kwaʋakaʋurawa ʋomukunda waʋanhu ʋaŋgu!

²Haiwa, ɗai ndaiʋa neɗumba rinosigarwa naʋafambi murenje, ndiŋgaɗai ndaisiya ʋanhu ʋaŋgu, ndikabva kwaʋari! Nokuti ʋose imhombge, iʋuŋgano yaʋanhu ʋanonyeŋgera.

³Ʋanokuŋga marimi aʋo, seɀaʋanoita ʋuta bgaʋo, kuzoreʋa nhema; ʋasimba panyika, asi haʋaiti neɀokwaɗi; nokuti ʋanoramba ʋaciŋgoita ɀakaipa, haʋandiziʋi — ndiɀo ɀinotaura Jehova.

⁴Mumŋe nomumŋe ŋgaacenjerere wokwake, murege kutenda hama ipi neipi; nokuti hama imŋe neimŋe icanyeŋgera, nowokwake mumŋe nomumŋe ucapota‐pota anamakuhwa.

⁵Mumŋe nomumŋe ucanyeŋgera wokwake, haaŋgareʋi ɀokwaɗi; ʋakadzidzisa marimi aʋo kureʋa nhema, ʋanoɀinetsa nokuita ɀakaipa.

⁶Ʋugaro bgenyu ʋuri pakati pokunyeŋgera; ʋanoramba kundiziʋa nokunyeŋgera kwaʋo — ndiɀo ɀinotaura Jehova.

⁷Naiɀoɀo ɀanzi naJehova wehondo: Tarirai, ndicaʋanyausa nokuʋaidza; nokuti ndiŋgaita seiko pamsoro pomukunda waʋanhu ʋaŋgu?

⁸Marimi aʋo miseʋe inoʋuraya, anoreʋa ɀinonyeŋgera; munhu unoreʋa ɀorugare kunowokwake nomuromo wake, asi mumŋoyo make unomuʋandira.

⁹Ko handiŋgaʋaroʋi pamsoro peɀinhu iɀi here? — ndiɀo ɀinotaura Jehova. Ko mŋeya waŋgu hauŋgatsibgi parudzi rwakaɗai here?

¹⁰Ndicacema nokuwuŋgudza pamsoro pamakomo, ndicacema pamsoro pamafuro amarenje, nokuti ɀatȿa, hakuna‐unopfuʋura napo; ʋanhu haʋagoni kunzwa inzwi reɀipfuwo; shiri dzokuɗeŋga nemhuka dzose ɀatiza, ɀaenda haɀo.

¹¹Ndicaita Jerusarema mirwi yamabge, panogara makaʋa; namaguta aJuda ndicaaita matoŋgo, asina‐unogara’mo.

¹²Munhu wakacenjera, unonzwisisa iɀoɀi, ndianiko? Muromo waJehova wakataura naniko, kuti aparidze iɀoɀi? Nyika yakapedzwa nokupiswa serenje neiko, pasina‐unopfuʋura napo?

¹³Jehova wakati: Ɀaʋakarasha murairo waŋgu wandakaisa pamberi paʋo, ʋakasaterera inzwi raŋgu, nokufamba naɀo,

¹⁴asi ʋakateʋera ʋukukutu bgemŋoyo yaʋo naʋaBaari, iɀo ɀaʋakadzidziswa namadziɓaɓa aʋo;

¹⁵naiɀoɀo ɀanzi naJehova wehondo, Mŋari waIsraeri: Tarirai, ndicadyisa ʋanhu aʋa gaʋakaʋa, nokuʋanwisa mvura yenduru.

¹⁶Ndicaʋaparadzira ʋo pakati pamarudzi, aʋakaŋga ʋasiŋgaziʋi iʋo kunyaŋge namadziɓaɓa aʋo; ndicatuma munondo uʋateʋere, kuȿikira ndaʋapedza.

¹⁷Ɀanzi naJehova wehondo: Raŋgarirai imi, muɗane ʋakadzi ʋaŋgacema, ʋaʋuye; tumai muɗane ʋakadzi mhizha, ʋaʋuye;

¹⁸ŋgaʋakurumidze ʋaceme pamsoro peɗu, kuti meso eɗu ayerere misodzi, namafuŋgiro eɗu aɗurure mvura.

¹⁹Nokuti inzwi rokucema rinonzwika ricibva Zioni, riciti: Haiwa, takaparadzwa seiko! Takanyadziswa kwaɀo, nokuti tabva panyika yeɗu, nokuti ʋakakoromora dzimba dzeɗu dzataigara.

²⁰Asi inzwai shoko raJehova, imi ʋakadzi, nzeʋe dzenyu ŋgadzinzwe shoko romuromo wake; dzidzisai ʋakunda ʋenyu kucema, nomumŋe nomumŋe adzidzise wokwake kuwuŋgudza.

²¹Nokuti rufu rwakakwira pamawindi eɗu, rwakapinda mudzimba dzamadzimambo eɗu, kuti rupedze ʋana ʋari kunze, namajaya ari panzira dzomuguta.

²²Taura, uti: Ɀanzi naJehova: Ɀitunha ɀaʋanhu ɀicawira pasi somupfudze kuɓundo, setsama yehura dzinosiyiwa nomuceki, dzisina‐unodziʋuŋganidza.

²³Ɀanzi naJehova: Munhu wakacenjera ŋgaarege kuɀirumbidza pamsoro poʋucenjeri bgake, nomunhu wesimba ŋgaarege kuɀirumbidza pamsoro pesimba rake, nomunhu wakafuma ŋgaarege kuɀirumbidza pamsoro pefuma yake;

²⁴asi unoɀirumbidza, ŋgaaɀirumbidze pamsoro pecinhu ici, kuti unondinzwisisa nokundiziʋa ini, kuti ndini Jehova, unoita ʋunyoro nokururamisira, nokururama panyika; nokuti ndinofarira ɀinhu iɀi — ndiɀo ɀinotaura Jehova.

²⁵Tarirai, — ndiɀo ɀinotaura Jehova — mazuʋa anoʋuya, andicaroʋa ʋose ʋakadziŋgiswa pakati pokusadziŋgiswa kwaʋo;

²⁶ʋanoti; Egipita, naJuda, naEdomi, naʋana ʋaAmoni, naMoabi, naʋose ʋakaʋeʋurwa vudzi raʋo kumatiʋi, ʋanogara kurenje; nokuti marudzi ose haana‐kudziŋgiswa, ʋuye ʋose ʋeimba yaIsraeri haʋana‐kudziŋgiswa pamŋoyo yaʋo.