Read Original Shona Union Bible 1949 Baiberi Magwaro Matȿene aMŋari Mariro aJeremia 1 Bible Online

Mariro aJeremia 1 - Original Shona Union Bible 1949 Baiberi Magwaro Matȿene aMŋari bible

Mariro aJeremia 1

¹Haiwa, guta, rakaŋga rizere naʋanhu, rinogara sei riri roga! Iro, rakaŋga riri guru pakati pamarudzi, raʋa secirikadzi! Iro, rakaŋga riri ʋamŋoyo pakati penyika, roʋigira mutero.

²Rinocema ɀikuru ʋusiku, misodzi yaro iri pamatama aro; Pakati paʋaɗiwa ʋaro ʋose rinoshaiwa muʋaraidzi, Shamŋari dzaro dzose dzarinyeŋgera, dzashanduka ʋaʋeŋgi ʋaro.

³Juda ʋaenda kuʋutorwa nokuɗa kwokutambudzika, nokuɗa kwokuɓatiswa ɀikuru; Ʋanogara pakati pamarudzi, asi haʋawani zororo, Ʋose ʋaidziŋgana naʋo ʋakaʋaɓata pakamanikana.

⁴Nzira dzeZioni dzinocema, nokuti hakuna‐wakaʋuya kumutambo, Masuʋo aro ose akaparadzwa, ʋaprista ʋaro ʋanogomera, Mhandara dzaro dzinotambudzika, iro rimene rinoʋaʋirwa.

⁵Ʋadziʋisi ʋaro ndiʋo ʋaʋa ʋakuru, ʋaʋeŋgi ʋaro ʋanofara; Nokuti Jehova wakaritambudza nemhaka yokuɗarika kwaro kuzhinji; Ʋana ʋaro ʋaɗuku ʋakaenda kuʋutorwa pamberi pomudziʋisi.

⁶Kunaka kwake kwose kwabva pamukunda weZioni; Macinda ake aita senondo dzinoshaiwa mafuro, Akatiza asinesimba pamberi pounodziŋgana nawo.

⁷Namazuʋa okutambudzika nokudzuŋgaira kwaro, Jerusarema rinoraŋgarira ɀose ɀairifadza kubva pamazuʋa akare; Paŋguʋa yakawira ʋanhu ʋaro pamaʋoko omudziʋisi, kusinawakariɓatsira, Ʋadziʋisi ʋakariʋona, ʋakaseka kuparadzwa kwaro.

⁸Jerusarema rakatadza ɀikuru kwaɀo, naiɀoɀo raitwa secinhu cisakanaka; Ʋose ʋairikudza, ʋorishoʋora, nokuti ʋakaʋona kushama kwaro; Ɀirokwaɀo, rakagomera, rikadzokera shure.

⁹Tȿina yaro yakaŋga iri paŋguʋo yaro, harina‐kuraŋgarira kuguma kwaro; Naiɀoɀo rakanyura ɀinoshamisa, harinamunyaradzi; Tarirai, Jehova, kutambudzika kwaŋgu, nokuti muʋeŋgi waɀikudza.

¹⁰Mudziʋisi watambanudzira ruʋoko rwake kuneɀose ɀaro ɀinofadza; Nokuti rakaʋona marudzi acipinda panɀimbo yaro tȿene, Ʋamakaŋga maraira pamsoro paʋo kuti ʋarege kupinda paʋuŋgano yenyu.

¹¹Ʋanhu ʋaro ʋose ʋanogomera, ʋanotȿaka ɀokudya; Ʋakapa ɀinhu ɀaʋo ɀinofadza kuti ɀiʋe ɀokudya ɀokusimbisa mŋeya yaʋo; Tarirai, Jehova, muʋone; nokuti ndaitwa wakaɀidzwa.

¹²Nhai, imi mose munopfuʋura, hamunehanya naɀo here? Tarirai muʋone kana kucema kuri’po kwakafanana nokucema kwaŋgu, kwakaʋuyiswa pamsoro paŋgu, Kwandakatambudzwa nako naJehova nezuʋa rokutsamŋa kwake kukuru.

¹³Wakatuma mŋoto mumafupa aŋgu, ɀicibva kumsoro, ukaʋakunda; Wakadzikira tsoka dzaŋgu mumbure, akandidzosera shure; Wakandiparadza nokundishaisa simba zuʋa rose.

¹⁴Joko rokuɗarika kwaŋgu kuzhinji rakasuŋgwa noruʋoko rwake; Ɀakarukwa, ɀaiswa pamutsipa waŋgu, ɀandishaisa simba raŋgu; Ishe wakandiisa mumaʋoko aʋandisiŋgagoni kudziʋisa.

¹⁵Ishe wakashaisa simba mhare dzaŋgu dzose mukati maŋgu; Wakakokera ʋuŋgano yakatarwa kuzondipxanyira majaya aŋgu; Ishe wakatsika mukunda mhandara yaJuda sapaciȿiniro.

¹⁶Ndinocema nokuɗa kweɀinhu iɀi, ziso raŋgu, ziso raŋgu rinoyerera mvura, Nokuti munyaradzi, waifanira kusimbisa mŋeya waŋgu, uri kure neni; Ʋana ʋaŋgu ʋasiyiwa, nokuti muʋeŋgi wakunda.

¹⁷Zioni rinotambanudza maʋoko aro, hakuna‐uŋgarinyaradza; Jehova wakaraira pamsoro paJakobo, kuti ʋakamupoteredza ʋaʋe ʋadziʋisi ʋake; Jerusarema riri pakati paʋo secinhu cisakanaka.

¹⁸Jehova wakarurama, nokuti ndakamukira murairo wake; Ƌotererai imi ʋanhu ʋose, muʋone kucema kwaŋgu; Mhandara dzaŋgu namajaya aŋgu aenda kuʋutorwa.

¹⁹Ndakaɗana ʋaindiɗa, asi ʋakandinyeŋgera; Ʋaprista ʋaŋgu naʋakuru ʋaŋgu ʋakaparara muguta, Paŋguʋa yaʋakaŋga ʋaciɀitȿakira ɀokudya kusimbisa mŋeya yaʋo.

²⁰Tarirai, Jehova, nokuti ndiri panjodzi, mŋoyo waŋgu unotambudzika; Mŋoyo waŋgu washanduka mukati maŋgu, nokuti ndakakumukirai simba; Kunze munondo unonditorera, mumba makaita somunorufu.

²¹Ʋakandinzwa ndicigomera, hakuna‐unondiyaradza; Ʋaʋeŋgi ʋaŋgu ʋose ʋakanzwa nhamo dzaŋgu, ʋanofara kuti makaɀiita; Mucaʋuyisa zuʋa ramakatara, ipapo ʋacafanana neni.

²²Ɀakaipa ɀaʋo ɀose ŋgaɀiʋuye pamberi penyu; Muʋaitire iʋo seɀamakandiitira ini nokuɗa kwokuɗarika kwaŋgu kwose; Nokuti kugomera kwaŋgu kuzhinji, mŋoyo waŋgu washaiwa simba.