Read Original Shona Union Bible 1949 Baiberi Magwaro Matȿene aMŋari Mariro aJeremia 2 Bible Online

Mariro aJeremia 2 - Original Shona Union Bible 1949 Baiberi Magwaro Matȿene aMŋari bible

Mariro aJeremia 2

¹Ishe wakafukidza sei mukunda weZioni negore rokutsamŋa kwake! Wakabvisa kunaka kwaIsraeri akaɀikandira pasi, Akasaraŋgarira citsiko cake nezuʋa rokutsamŋa kwake.

²Ishe wakamedza ʋugaro bgose bgaJakobo, akasanzwira tsitsi; Pakutsamŋa kwake wakawisira pasi nhare dzomukunda waJuda; Wakadziwisira pasi; wakamhura ʋushe namacinda abgo.

³Nokutsamŋa kukuru wakagura nyaŋga dzose dzaIsraeri; Wakadzosa ruʋoko rwake rworudyi pamberi pomuʋeŋgi, Akapisa munaJakobo somuraɀo womŋoto unopedza ɀose kumatiʋi ose.

⁴Wakawembura ʋuta bgake somuʋeŋgi, wakamira noruʋoko rwake somudziʋisi, Akaʋuraya ʋose ʋaifadza meso; Wakaɗurura kutsamŋa kwake somŋoto patente romukunda weZioni.

⁵Ishe waʋa somuʋeŋgi, wakamedza Israeri; Wakamedza dzimba dzaʋo dzose dzoʋushe, wakaparadza nhare dzaʋo; Akawanzira mukunda waJuda kucema nokurira.

⁶Wakabvisa ruzhowa rwake nesimba sorwomunda; wakaparadza nɀimbo yake yokuʋuŋgana; Jehova wakakaŋganwisa paZioni ʋuŋgano yakatarwa nesaɓata, Akashoʋora madzimambo naʋaprista neshuŋgu dzokutsamŋa kwake.

⁷Jehova wakarasha artari yake, wakasema nɀimbo yake tȿene, Wakaisa maȿiŋgo edzimba dzaʋo dzoʋushe mumaʋoko omuʋeŋgi; Ʋakaita ɓope mumba maJehova, sapazuʋa reʋuŋgano yakatarwa.

⁸Jehova wakafuŋga kuparadza ruȿiŋgo rwomukunda weZioni; Wakatatanura rwonzi rwokuyera, haana‐kudzosa ruʋoko rwake pakuparadza; Wakacemedza nhare noruȿiŋgo, ɀinopera simba pamŋe cete.

⁹Masuʋo aro akanyura pasi, wakaparadza nokuvuna ɀipfigiso ɀaro; Mambo waro namacinda aro ʋari pakati pamarudzi asinomurairo. Ɀirokwaɀo ʋaprofita ʋaro haʋana‐ɀaʋanoratidzwa naJehova.

¹⁰Ʋakuru ʋomukunda weZioni ʋagere pasi, ʋanoramba ʋanyerere; Ʋakakushira guruʋa pamisoro yaʋo, ʋakaɀisuŋga ɀiʋuno namasaga; Mhandara dzeJerusarema dzakakotamisa misoro yadzo pasi.

¹¹Meso aŋgu apera nemisodzi, mŋoyo waŋgu unotambudzika; Ciropa caŋgu caɗururirwa pasi, nemhaka yokuparadzwa kwomukunda waʋanhu ʋaŋgu, Nokuti ʋanana naʋanomna ʋanoziya munzira dzomuguta.

¹²Ʋanoti kunamadzimai aʋo: Ɀiyo newaini ɀiripiko? Ʋaciŋgoziya munzira dzomuguta saʋakakuʋadzwa, Mŋeya yaʋo iciɗururirwa mucifuʋa camadzimai aʋo.

¹³Ndicakupupureiko? Ndicakufananidza nei, iwe mukunda weJerusarema? Ndicakuenzanisa nei, kuti ndikunyaradze, iwe mhandara mukunda weZioni? Nokuti pawakaparadzwa pakakura seguŋgwa, ndiani ucakuporesa?

¹⁴Ʋaprofita ʋako ʋakakuʋonera ɀiratidzo ɀenhema neɀoʋupenzi; Haʋana‐kuɓuɗisa ɀakaipa ɀako, kuti ʋadzose kutapxa kwako, Asi ʋakakuʋonera ɀireʋo ɀenhema neɀinokutapisa.

¹⁵Ʋose ʋanopfuʋura ʋacaita nondo pamsoro pako; Ʋanoridza muridzo nokudzuŋgudzira mukunda weJerusarema misoro yaʋo, ʋaciti: Ko ndiro guta rainzi naʋanhu: Rakanaka‐naka kwaɀo, mufaro wenyika yose?

¹⁶Ʋaʋeŋgi ʋako ʋose ʋakakushamisira miromo yaʋo; Ʋanoridza muridzo nokugeɗa‐geɗa meno, ʋanoti: Tarimedza; Ɀirokwaɀo ndiro zuʋa ratakaŋga takatarira; tariwana, tariʋona.

¹⁷Jehova wakaita iɀo ɀaakafuŋga, wakapedzisa shoko rake raakaraira pamazuʋa akare; Wakawisira pasi, akasaʋa netsitsi; Wakafadza muʋeŋgi pamsoro pako, wakasimudza runyaŋga rwaʋadziʋisi ʋako.

¹⁸Mŋoyo yaʋo yakaɗana kunaShe. Iwe ruȿiŋgo rwomukunda weZioni, misodzi ŋgaiyerere sorwizi masikati noʋusiku, Usazorora, mboni yeziso rako isarega kucema.

¹⁹Muka, ɗanidzira ʋusiku, pakutaŋga kweŋguʋa dzose; Ƌurura mŋoyo wako semvura pamberi paJehova; Simudzira maʋoko ako kwaari nokuɗa kwoʋupenyu bgaʋanana ʋako, ʋanoziya nenzara pakuʋamba kwenzira imŋe neimŋe yomuguta.

²⁰Tarirai, Jehova, muʋone ʋamakaitira ɀakaɗai! Ko ʋakadzi ʋaŋgadya ɀiɓereko ɀaʋo, iʋo ʋana ʋari pamaʋoko here? Ko ʋaprista naʋaprofita ʋaŋgaʋurawa panɀimbo tȿene yaShe here?

²¹Majaya naʋatana ʋaʋete pasi munzira dzomuguta; Mhandara dzaŋgu namajaya aŋgu ʋaʋurawa nomunondo; Makaʋaʋuraya nezuʋa rokutsamŋa kwenyu, makaɓaya, hamuna‐kunzwira tsitsi.

²²Makaɗana ɀinondityisa pamatiʋi ose, sapazuʋa reʋuŋgano yakatarwa; Hakuna‐wakapukunyuka kana wakasara pazuʋa rokutsamŋa kwaJehova; Ʋandakaɓata mumaʋoko naʋandakarera ʋakapedzwa nomuʋeŋgi waŋgu.