Read Original Shona Union Bible 1949 Baiberi Magwaro Matȿene aMŋari Mariro aJeremia 3 Bible Online

Mariro aJeremia 3 - Original Shona Union Bible 1949 Baiberi Magwaro Matȿene aMŋari bible

Mariro aJeremia 3

¹Ndini munhu wakaʋona kutambudzika neshamhu yokutsamŋa kwake.

²Wakandituŋgamirira akandifambisa murima ndisineciedza.

³Ɀirokwaɀo unogara aciŋgondiramba zuʋa rose noruʋoko rwake.

⁴Wakasakadza nyama yaŋgu neganda raŋgu, wakavuna mafupa aŋgu.

⁵Wakandiʋakira ruȿiŋgo kuzorwa neni, wakandikomberedza nenduru nokurwadziwa.

⁶Wakandigarisa panɀimbo dzinerima, saʋanhu ʋakaŋguʋa ʋafa.

⁷Wakandikomberedza noruȿiŋgo, kuti ndirege kugona kuɓuɗa; wakaremesa maketani aŋgu.

⁸Ɀirokwaɀo, kana ndiciɗana nokuridza mhere, unodziʋisa munyeŋgetero waŋgu.

⁹Wakadziʋira nzira dzaŋgu noruȿiŋgo rwamabge akaʋezwa, wakakaŋganisa nzira dzaŋgu.

¹⁰Kwandiri wakaita seɓere rinoʋandira, seshumba iri panɀimbo dzisiŋgazikanwi.

¹¹Wakatsausa nzira dzaŋgu, akandibvarura‐bvarura, wakandiita renje.

¹²Wakawembura ʋuta bgake, akandiita cinhu cokuposhera nomuseʋe.

¹³Wakapinza miseʋe yegoɓa rake mutȿo dzaŋgu.

¹⁴Ndaʋa cinhu cinosekwa naʋanhu ʋaŋgu ʋose, neciimbo caʋo zuʋa rose.

¹⁵Wakandigutisa neɀinoʋaʋa, wakandinwisa gaʋakaʋa.

¹⁶Wakapedza meno aŋgu norubge, wakandifukidza namaɗota.

¹⁷Makarashira mŋeya waŋgu kure norugare, ndakakaŋganwa kuti ɀakanaka ɀakaɗini.

¹⁸Ini ndikati: Simba raŋgu rapera, neɀandakaŋga ndakatarira kunaJehova.

¹⁹Raŋgarirai kutambudzika kwaŋgu nenhamo yaŋgu, iro gaʋakaʋa nenduru.

²⁰Mŋeya waŋgu ucaŋgoɀiraŋgarira naɀino, wakakotama mukati maŋgu.

²¹Ndinoɀifuŋga iɀo, naiɀoɀo ndinetariro.

²²Nokuɗa kwoʋunyoro bgaJehova tigere kupedzwa, nokuti tsitsi dzake hadziperi.

²³Maŋgwanani ose ɀaʋa ɀitȿa; kutendeka kwenyu kukuru.

²⁴Jehova ndiwo mugoʋe waŋgu — ndiɀo ɀinotaura mŋeya waŋgu; naiɀoɀo ndicaʋimba naye.

²⁵Jehova unoitira ɀakanaka ʋanomumirira, naiwo mŋeya unomutȿaka.

²⁶Ɀakanaka kuti munhu aʋimbe naJehova, amirire ruponeso rwaJehova anyerere,

²⁷Ɀakanaka kuti munhu atakure joko rake aciri muɗuku.

²⁸Ŋgaagare ari oga anyerere, nokuti ndiye wakariisa pamsoro pake.

²⁹Ŋgaaise muromo wake muguruʋa; ɀimŋe tariro ici’po.

³⁰Ŋgaarinzire ɗama rake kunounomuroʋa, ŋgaagutiswe nokushoʋorwa.

³¹Nokuti Ishe haaŋgadziŋgi nokusiŋgaperi.

³²Nokuti kunyaŋge akacemedza, ucanzwira tsitsi nokuwanda kweŋgoni dzake.

³³Nokuti haatambudzi nomŋoyo wake, haacemedzi ʋana ʋaʋanhu.

³⁴Kuti ʋasuŋgwa ʋose ʋenyika ʋatsikwe pasi petsoka,

³⁵Kuti ɀakarurama ɀomunhu ɀikaŋganiswe pamberi poWokumsoro‐soro,

³⁶Kuti munhu arege kururamisirwa pamhaka yake, Ishe haafari naiɀoɀo.

³⁷Ndianiko uŋgataura, ɀikaitika, kana Ishe asiŋgaɀirairi?

³⁸Ko ɀakaipa neɀakanaka haɀiɓuɗi pamuromo woWokumsoro‐soro here?

³⁹Ko munhu mupenyu unonyunyutirei, kana iye munhu acirobga pamsoro peɀiʋi ɀake?

⁴⁰Ŋgatinɀere nokuidza nzira dzeɗu, titendeʋukire ɀe kunaJehova.

⁴¹Ŋgatisimudze mŋoyo yeɗu namaʋoko eɗu kunaMŋari uri kuɗeŋga.

⁴²Takaɗarika nokumumukira simba; imi hamuna‐kutikaŋganwira.

⁴³Makaɀifukidza nokutsamŋa, mukadziŋgana nesu; makaʋuraya, hamuna‐kunzwira tsitsi.

⁴⁴Makaɀifukidza negore kuti kurege kuʋa nomunyeŋgetero uŋgapinda’po.

⁴⁵Makatiita marara neɀinorashwa pakati pamarudzi aʋanhu.

⁴⁶Ʋaʋeŋgi ʋeɗu ʋose ʋakatishamisira miromo yaʋo.

⁴⁷Kutya nehuzha ɀaȿika kwatiri nokupedzwa nokuparadzwa.

⁴⁸Ziso raŋgu rinoyerera nzizi dzemvura pamsoro pokuparadzwa kwomukunda waʋanhu ʋaŋgu.

⁴⁹Ziso raŋgu rinoɗurura misodzi, hariregi, harigumi,

⁵⁰Kuȿikira Jehova acitarira aciʋona ari kuɗeŋga.

⁵¹Ziso raŋgu rinorwadzisa mŋeya waŋgu nemhaka yaʋakunda ʋose ʋeguta raŋgu.

⁵²Ʋakadziŋgana neni ɀikuru seshiri, iʋo, ʋanondiʋeŋga ndisinemhaka.

⁵³Ʋakaparadza ʋupenyu bgaŋgu mugomba, ʋakakandira ibge pamsoro paŋgu.

⁵⁴Mvura zhinji yakafukidza musoro waŋgu; ndakati: Ndapera.

⁵⁵Ndakaɗana zita renyu, Jehova, ndiri mugomba rakadzika kwaɀo.

⁵⁶Makanzwa inzwi raŋgu; regai kundiʋanzira nzeʋe yenyu pakufema kwaŋgu nokucema kwaŋgu.

⁵⁷Makasweɗera nezuʋa randakaɗana kwamuri, makati: Usatya.

⁵⁸Ishe, imi makandireʋerera mhaka dzomŋeya waŋgu, makadzikinura ʋupenyu bgaŋgu.

⁵⁹Haiwa Jehova, makaʋona kusaruramisirwa kwaŋgu, nditoŋgerei mhaka yaŋgu.

⁶⁰Makaʋona kutsiʋa kwaʋo kwose, namano aʋo ose pamsoro paŋgu.

⁶¹Makanzwa kushoʋora kwaʋo, Jehova, namano aʋo ose pamsoro paŋgu,

⁶²Iyo miromo yaʋakandimukira neɀaʋakandifuŋgira zuʋa rose.

⁶³Tarirai kugara kwaʋo pasi nokusimuka kwaʋo; ndiri ciimbo caʋo.

⁶⁴Imi mucaʋatsiʋa, Jehova, ɀakafanira ɓasa ramaʋoko aʋo.

⁶⁵Mucaʋapa kuwoma kwomŋoyo, ndiko kutuka kwenyu pamsoro paʋo.

⁶⁶Mucadziŋgana naʋo makatsamŋa, nokuʋaparadza pasi peɗeŋga raJehova.