Read Original Shona Union Bible 1949 Baiberi Magwaro Matȿene aMŋari Mariro aJeremia 4 Bible Online

Mariro aJeremia 4 - Original Shona Union Bible 1949 Baiberi Magwaro Matȿene aMŋari bible

Mariro aJeremia 4

¹Haiwa, ndarama yaȿiɓa sei! Ndarama yakaiȿo‐naka yashanduka sei! Mabge enɀimbo tȿene arashirwa pamharadzano dzenzira dzomuguta.

²Ʋanakomana ʋanoɗikanwa ʋeZioni ʋakafanana nendarama yakaiȿo‐naka, Haiwa ʋakanzi ʋakaita seɀiroŋgo ɀevu sei, iro ɓasa romuʋumbi wehari!

³Kunyaŋge namakaʋa anoɓuɗisa mazamu, acimŋisa ʋana ʋawo; Mukunda waʋanhu ʋaŋgu waʋa nehasha semhou murenje.

⁴Rurimi rwomŋana unomŋa runonamatira mumukanwa womuromo wake nenyota; Ʋanana ʋanokumbira ciŋgwa, asi hakunomunhu unoʋameɗurira.

⁵Aʋo ʋaisidya ɀinozipa, ʋarashwa munzira dzomuguta; Ʋairerwa ʋakafuka miceka mitȿuku, ɀino ʋotsiʋama pamaturunhuru.

⁶Nokuti ɀakaipa ɀomukunda waʋanhu ʋaŋgu ɀinopfuʋura ɀiʋi ɀeSodoma, Iro rakaparadzwa kamŋe‐kamŋe kusinamaʋoko akariɓata.

⁷Macinda aro akaŋga akapfuʋura cando nokunaka, akaŋga akacena kupfuʋura mukaka, Akaŋga akatȿuka pamuʋiri kupfuʋura makorari, pakuʋonekwa akaŋga akaita sesafiri.

⁸Ɀiso ɀaʋo ɀaȿiɓa kupfuʋura mazimbe, haʋazikanwi munzira dzomuguta; Ganda raʋo rinonamatira mafupa aʋo, rawoma, rafanana neɗanda.

⁹Ʋakaʋurawa nomunondo ʋakaita nani kunaʋakaʋurawa nenzara; Nokuti aʋa ʋawonda, ʋaɓayiwa nokushaiwa ɀiɓereko ɀeminda.

¹⁰Maʋoko aʋakadzi ʋaiʋa nomŋoyo munyoro ʋakaɓika ʋana ʋaʋo, Ɀikaʋa ɀokudya ɀaʋo pakuparadzwa kwomukunda waʋanhu ʋaŋgu.

¹¹Jehova wakaita ɀaakaŋga aciɗa nokutsamŋa kwake, wakaɗurura hasha dzake huru; Wakaɓatidza mŋoto paZioni, wakapedza nheyo dzaro.

¹²Madzimambo enyika haana‐kutenda, kunyaŋge naʋose ʋagere panyika yose, Kuti mudziʋisi nomuʋeŋgi ʋacapinda pamasuʋo eJerusarema.

¹³Ɀakaitwa nokuɗa kweɀiʋi ɀaʋaprofita ʋaro, neɀakaipa ɀaʋaprista ʋaro, Ʋakateʋura ropa raʋakarurama pakati paro.

¹⁴Ʋanodzuŋgaira samapofu munzira dzomuguta, ʋakaȿiɓiswa neropa, Naiɀoɀo ʋanhu haʋagoni kuɓata ŋguʋo dzaʋo.

¹⁵Ʋakaɗanidzira kwaʋari ʋaciti: Ibvai, munetȿina! Ibvai, ibvai, regai kutiɓata! Paŋguʋa yokutiza nokudzuŋgaira kwaʋo, ʋanhu ʋakati pakati pamarudzi: Haʋaŋgazogari ɀe pano ʋari ʋatorwa.

¹⁶Kutsamŋa kwaJehova kwakaʋaparadzira; haacaʋi nehanya naʋo; Haʋana‐kuraŋgarira ʋaprista, haʋana‐kukudza ʋakuru.

¹⁷Meso eɗu anoŋgopera naɀino acitarira ruɓatsiro rweɗu pasina; Pakutarira kweɗu takatarira rudzi rusiŋgagoni kutiponesa.

¹⁸Ʋanoronda makwara eɗu, naiɀoɀo hatigoni kufamba munzira dzomuguta reɗu; Kuguma kweɗu kwaʋa pedyo, mazuʋa eɗu aȿika, nokuti kuguma kweɗu kwaȿika.

¹⁹Aʋo ʋakadziŋgana nesu, ʋakamhanyisa kupfuʋura makondo okuɗeŋga; Ʋakadziŋgana nesu pamakomo, ʋakatigarira murenje.

²⁰Mŋeya wemhino dzeɗu, iye muzodzwa waJehova, wakaɓatwa muhuzha dzaʋo; Iye watakati: Pamumvuri wake ndi’po paticararama pakati pamarudzi.

²¹Farisisa, uʋe nomufaro, iwe mukunda weEdomi, ugere panyika yeUzi; Mukombe ucaȿika kwauri ʋo; ucaɓatwa newaini ukaɀifukura.

²²Kurobga kweɀakaipa ɀako kwapera, iwe mukunda weZioni; haacazokutapisi ɀe; Iye ucakuroʋa pamsoro peɀakaipa ɀako, iwe mukunda weEdomi; iye ucafukura ɀiʋi ɀako.