Read Original Shona Union Bible 1949 Baiberi Magwaro Matȿene aMŋari Ezekieri 1 Bible Online

Ezekieri 1 - Original Shona Union Bible 1949 Baiberi Magwaro Matȿene aMŋari bible

Ezekieri 1

¹Ɀino negore ramakumi matatu, nomŋedzi wecinna, nezuʋa recishanu romŋedzi, ini ndiri pakati paʋakatapxa parwizi rwaKebari, kuɗeŋga kwakazarurwa, ndikaʋona ɀandakaratidzwa ɀaMŋari.

²Nezuʋa recishanu romŋedzi, riri gore recishanu rokutapxa kwamambo Jehoiakini,

³shoko raJehova rakaȿika kumuprista Ezekieri, mŋanakomana waBuzi, munyika yaʋaKardea, parwizi rwaKebari; ruʋoko rwaJehova rwakaŋga ruri pamsoro pake ipapo.

⁴Ndikatarira, ndikaʋona ɗutu remhepo ricibva kurutiʋi rwokumsoro, riri gore guru rinomŋoto wairamba ucipenya, rakakomberedzwa nokubginya, nomukati maro, imo mukati momŋoto, munecinhu caipenya seɗare.

⁵Ɀino mukati maɀo mukaɓuɗa ɀakaŋga ɀakaita seɀipenyu ɀinna. Ɀakaŋga ɀakaɗai: Ɀakaŋga ɀakafanana nomunhu;

⁶cimŋe necimŋe caiʋa neɀiso ɀinna, necimŋe necimŋe caɀo caiʋa namapapiro manna.

⁷Makumbo aɀo akaŋga akarurama, pasi petsoka dzaɀo pakaŋga pakaita sapasi petsoka dzemhuru; dzaipenya sendarira yakabginyiswa.

⁸Ɀakaŋga ɀinamaʋoko omunhu pasi pamapapiro aɀo kumatiʋi aɀo manna; ɀose ɀiri ɀinna ɀakaŋga ɀakaɗai paɀiso ɀaɀo namapapiro aɀo:

⁹Mapapiro aɀo akaŋga akaɓatana; haɀina‐kutsauka pakufamba kwaɀo, asi cimŋe necimŋe cairuramira mberi pakufamba kwaco.

¹⁰Kana ɀiri ɀiso ɀaɀo pakuʋonekwa kwaɀo, ɀaiʋa neciso comunhu; ɀose ɀiri ɀinna ɀaiʋa neciso ceshumba kurutiʋi rworudyi; ɀose ɀiri ɀinna ɀaiʋa neciso cenzombe kurutiʋi rworuɓoshwe; ɀose ɀiri ɀinna ɀaiʋa neciso cegondo ʋo.

¹¹Ɀiso ɀaɀo namapapiro aɀo ɀakaŋga ɀakaparadzana kumsoro; mapapiro maʋiri ecimŋe necimŋe akaŋga akaɓatana, asi maʋiri akaŋga akafukidza muʋiri waɀo.

¹²Cimŋe necimŋe cairuramira mberi pakufamba kwaco; kwaiɗa kufamba mŋeya, ndiko kwaɀaifamba; haɀina‐kutsauka pakufamba kwaɀo.

¹³Kana ɀiri ɀipenyu pakuʋonekwa kwaɀo, ɀakaŋga ɀakafanana namazimbe omŋoto anopfuta, ɀakafanana namazhenje; mŋoto wairamba ucifamba pakati peɀipenyu; mŋoto waipenya, nomukati momŋoto maiɓuɗa mheni.

¹⁴Ɀipenyu ɀaimhanya ɀicidzoka, ɀakafanana nokupenya kwemheni.

¹⁵Ɀino ndakati ndicitarira ɀipenyu iɀo, ndikaʋona gumbo rimŋe reŋgoro riri pasi kurutiʋi rweɀipenyu iɀo, kurutiʋi rumŋe norumŋe rweɀiso ɀaco.

¹⁶Makumbo awo pakuʋonekwa kwawo nomuitirwe wawo ɀakaŋga ɀakafanana neberiri; ose ari manna akaŋga akafanana; pakuʋonekwa kwawo napamuitirwe wawo ɀakaŋga ɀakaita segumbo rimŋe mukati merimŋe gumbo.

¹⁷Pakufamba kwawo akafamba kumatiʋi awo manna; haana‐kutsauka pakufamba kwawo.

¹⁸Kana ari makaŋgo awo, akaŋga akakwirira ʋuye akatyisa; makaŋgo awo iwo manna akaŋga azere nameso kwose‐kwose.

¹⁹Ɀino kana ɀipenyu ɀofamba, makumbo ofamba ʋo parutiʋi rwaɀo, kana ɀipenyu ɀokwidzwa ɀicibva pasi, naiwo makumbo okwidzwa ʋo.

²⁰Pose‐pose kwaiɗa kufamba mŋeya, ndiko kwaɀaifamba, iko kwaiɗa kufamba mŋeya; makumbo ndokukwidzwa pamŋe cete naɀo, nokuti mŋeya wecipenyu wakaŋga uri mumakumbo.

²¹Kana iɀo ɀofamba, iwo ofamba; kana iɀo ɀomira, iwo omira, kana iɀo ɀokwidzwa ɀicibva pasi, makumbo okwidzwa pamŋe cete naɀo; nokuti mŋeya wecipenyu wakaŋga uri mumakumbo.

²²Kumsoro kwemisoro yeɀipenyu kwakaŋga kunecinhu cakafanana neɗeŋga, rakaŋga rakaita sekristaro inotyisa, rakatatamurwa pamsoro pemisoro yaɀo.

²³Pasi peɗeŋga mapapiro aɀo akaŋga akarurama, rimŋe rakaɓatana nerimŋe; cimŋe necimŋe caɀo cakaŋga cinamaʋiri aifukidza muʋiri waco kurutiʋi rwoʋuno, necimŋe necimŋe caiʋa namaʋiri aifukidza kurutiʋi rweseri.

²⁴Ɀino kana ɀofamba, ndainzwa kuwuŋga kwamapapiro aɀo ɀiciita sokuwuŋga kwemvura zhinji, senzwi roUnesimba rose, somubvumo weɓope wakaita sokutinhira kwehondo; kana ɀomira, ɀaiɗeredza mapapiro aɀo.

²⁵Kwakaŋga kunenzwi kumsoro kweɗeŋga raiʋa pamsoro pemisoro yaɀo; kana ɀomira, ɀaiɗeredza mapapiro aɀo.

²⁶Kumsoro kweɗeŋga rakaŋga riri pamsoro pemisoro yaɀo, kwakaŋga kunecinhu cakafanana necigaro coʋushe, cakaita sebge resafiri; pacinhu cakafanana necigaro coʋushe kwakaŋga kunomufananidzo womunhu ugere pamsoro paco.

²⁷Ɀino ndakaʋona ɀakaita seɗare rinopenya, ɀakafanana nomŋoto mukati maɀo kumatiʋi ose, ɀakabva pakaita seciʋuno cake ɀicikwira kumsoro; ɀino kubva ipapo pakaita seciʋuno cake ɀicienda pasi ndakaʋona cakaita somŋoto; iye wakaŋga akakomberedzwa nokubginya kumatiʋi ose.

²⁸Seɀakaita muraraʋuŋgu uri mugore nezuʋa remvura, ndiɀo ɀakaŋga ɀakaita kubginya pakuʋonekwa kwabgo kumatiʋi ose. Ndiɀo ɀakaŋga ɀakaita kubginya kwaJehova. Ɀino ndakati ndiciɀiʋona, ndikawira pasi neciso caŋgu, ndikanzwa inzwi romumŋe wakaŋga acitaura.