Read Original Shona Union Bible 1949 Baiberi Magwaro Matȿene aMŋari Ezekieri 10 Bible Online

Ezekieri 10 - Original Shona Union Bible 1949 Baiberi Magwaro Matȿene aMŋari bible

Ezekieri 10

¹Ɀino ndakatarira, ndikaʋona paɗeŋga rakaŋga riri pamsoro pemisoro yamakerubi cinhu cakaʋonekwa pamsoro pawo cakaita sebge resafire, cakaŋga cakafanana necigaro coʋushe.

²Akataura nomunhu wakaŋga akafuka muceka, akati: Pinda pakati pamakumbo anomonereka, imo munyasi mekerubi, uzadze maʋoko ako ose namazimbe anobva pakati pamakerubi, uakushe pamsoro peguta. Iye akapinda, ini ndiciɀiʋona.

³Ɀino makerubi akaŋga amire parutiʋi rworudyi rweimba, paŋguʋa yokupinda kwomurume uyu; gore rikazadza ruʋazhe rwomukati.

⁴Kubginya kwaJehova kukakwira kucibva pakerubi, kukamira pamsoro pecikumbaridzo ceimba, imba ikazadzwa negore, noruʋazhe rwakazara ʋo nokupenya kwokubginya kwaJehova.

⁵Mubvumo wamapapiro amakerubi wakanzwika kuȿikira kuruʋazhe rwokunze, senzwi raMŋari Wamasimba‐ose, kana acitaura.

⁶Ɀino wakati araira murume wakaŋga akafuka muceka, aciti: Tora mŋoto pakati pamakumbo anomonereka, pakati pamakerubi, akapinda, akandomira parutiʋi rwerimŋe gumbo.

⁷Kerubi rikatambanudzira ruʋoko rwaro ruciɓuɗa napakati pamakerubi kumŋoto wakaŋga uri pakati pamakerubi, rikatora’po mŋoto ndokuuisa muruʋoko rwowakaŋga akafuka muceka, iye ndokuutora ndokuɓuɗa.

⁸Ɀino mukati mamakerubi makaʋonekwa cakafanana noruʋoko rwomunhu pasi pamapapiro awo.

⁹Ɀino ndakatarira, ndikaʋona makumbo manna eŋgoro pamatiʋi amakerubi, rimŋe gumbo kurutiʋi rwekerubi rimŋe, nerimŋe gumbo kurutiʋi rwerimŋe kerubi; pakuʋonekwa kwawo makumbo akaŋga akaita sebge reberiri.

¹⁰Pakuʋonekwa kwawo ose ari manna akaŋga akafanana, ɀakaita segumbo rimŋe reŋgoro mukati merimŋe gumbo reŋgoro.

¹¹Pakufamba kwawo akafamba kumatiʋi awo manna; haana‐kutsauka pakufamba kwawo, asi kwakaŋga kwakatarira musoro ndiko kwaakaenda; haana‐kutsauka pakufamba kwawo.

¹²Muʋiri wawo wose, nemisana yawo, namaʋoko awo, namapapiro awo, namakumbo eŋgoro, ɀakaŋga ɀizere nameso kumatiʋi ose, pamakumbo awo ose ari manna.

¹³Kana ari makumbo, ndakanzwa acitumidzwa ɀinomonereka.

¹⁴Rimŋe nerimŋe rakaŋga rineɀiso ɀinna; ciso cokutaŋga cakaŋga ciri ciso cekerubi, ciso cecipiri cakaŋga ciri ciso comunhu, cecitatu ciso ceshumba, nececinna ciso cegondo.

¹⁵Ɀino makerubi ndokubururuka acikwira; ndico cipenyu candakaʋona parwizi Kebari.

¹⁶Ɀino kana makerubi ofamba, makumbo eŋgoro ofamba kurutiʋi rwawo; kana makerubi aciŋge osimudza mapapiro awo aciɗa kubururuka acibva panyika, namakumbo awo ʋo haana‐kubva kurutiʋi rwawo.

¹⁷Kana omira naiwo omira ʋo; kana obururuka acikwira naiwo obururuka ʋo acikwira nawo; nokuti mŋeya wecipenyu wakaŋga uri mukati mawo.

¹⁸Ipapo kubginya kwaJehova kwakaɓuɗa pacikumbaridzo ceimba, ndokumira pamsoro pamakerubi.

¹⁹Makerubi ndokusimudza mapapiro awo, ndokubururuka acibva panyika, ini ndiciaona aciɓuɗa, anamakumbo eŋgoro pamatiʋi awo; akamira pamukoʋa wesuʋo rokumabvazuʋa reimba yaJehova; kubginya kwaMŋari waIsraeri kwakaŋga kuri necokumsoro kwawo.

²⁰Ndico cipenyu candakaʋona panyasi paMŋari waIsraeri parwizi rwaKebari; ndikaziʋa kuti makerubi.

²¹Rimŋe nerimŋe rakaŋga rineɀiso ɀinna, nerimŋe nerimŋe rakaŋga rinamapapiro manna; pasi pamapapiro awo pakaŋga paneɀakafanana namaʋoko omunhu.

²²Kana ɀiri ɀiso ɀaʋo pakuʋonekwa kwaɀo, ɀakaŋga ɀiri ɀiso ɀiya ɀandakaʋona parwizi rwaKebari, pakuʋonekwa kwaɀo naiɀo ɀimene; rimŋe nerimŋe rairuramira mberi pakufamba kwaro.