Read Original Shona Union Bible 1949 Baiberi Magwaro Matȿene aMŋari Ezekieri 13 Bible Online

Ezekieri 13 - Original Shona Union Bible 1949 Baiberi Magwaro Matȿene aMŋari bible

Ezekieri 13

¹Ɀino shoko raJehova rakaȿika kwandiri, riciti:

²Mŋanakomana womunhu, profitera ʋaprofita ʋaIsraeri ʋanoprofita, uti kunaiʋo ʋanoprofita ɀinobva mumŋoyo maʋo: Inzwai imi shoko raJehova:

³Ɀanzi naShe Jehova: Ʋanenhamo ʋaprofita mapenzi, ʋanoteʋera mŋeya yaʋo, ʋasina‐caʋakaʋona.

⁴Haiwa Israeri, ʋaprofita ʋenyu ʋakafanana namakaʋa pamatoŋgo.

⁵Hamuna‐kukwira mucipinda pakakoromorwa, kana kugadzira ruȿiŋgo rweimba yaIsraeri, kuti mumire pakurwa pazuʋa raJehova.

⁶Ʋakaʋona ɀinonyeŋgera nokuʋuka kwenhema, iʋo ʋanoti: Jehova unoti! Asi Jehova haana‐kuʋatuma, ɀino ʋakati shoko raʋo ricasimbiswa.

⁷Hamuna‐kuʋona ɀinonyeŋgera here, hamuna‐kutaura kuʋuka kwenhema here, ɀamakati: Jehova unoti; kunyaŋge ɀakaɗaro handina‐kutaura?

⁸Naiɀoɀo ɀanzi naShe Jehova: Ɀamakataura ɀinonyeŋgera, nokuʋona nhema, naiɀoɀo, tarirai, ndinemhaka nemi — ndiɀo ɀinotaura Ishe Jehova.

⁹Ruʋoko rwaŋgu rucarwa naʋaprofita ʋanoʋona ɀinonyeŋgera naʋanoʋuka nhema; haʋaŋgaraŋgani naʋanhu ʋaŋgu, haʋaŋganyorwi mazita aʋo parugwaro rweimba yaIsraeri, haʋaŋgapindi munyika yaIsraeri; ɀino mucaziʋa kuti ndini Ishe Jehova.

¹⁰Nokuti, ɀirokwaɀo nokuti ʋakanyeŋgera ʋanhu ʋaŋgu, ʋaciti: Rugare! iɀo hakunorugare; kana ʋoʋaka ruȿiŋgo, tarira, ʋoʋuwa nesuko.

¹¹Ciʋudza aʋo ʋanoruʋuwa nesuko, kuti rucakoromoka; mvura icaʋuya icinaya kwaɀo, nemi, mabge makuru ecimvuramabge, mucawa, ɗutu remhepo ricarutsemusa.

¹²Ɀino tarirai, kana ruȿiŋgo rwakoromoka, haʋaŋgati kwamuri here: Ko suko ramakaʋuwa naro riripiko?

¹³Naiɀoɀo ɀanzi naShe Jehova: Ndicarutsemusa ɀirokwaɀo neɗutu remhepo nehasha dzaŋgu; mvura icanaya kwaɀo nokutsamŋa kwaŋgu, namabge makuru ecimvuramabge nehasha dzaŋgu, kurupedza cose.

¹⁴Saiɀoɀo ndicakoromora ruȿiŋgo rwamakaʋuwa nesuko, nokuruwisira pasi, kuȿikira nheyo dzarwo dzafukurwa; rucakoromoka, nemi mucapedzwa mukati marwo; ɀino mucaziʋa kuti ndini Jehova.

¹⁵Saiɀoɀo ndicapedza hasha dzaŋgu paruȿiŋgo, napamsoro paʋakaruʋuwa nesuko; ndicati kwamuri: Ruȿiŋgo haruci’po, naʋakaruʋuwa haʋaci’po;

¹⁶iʋo ʋaprofita ʋaIsraeri ʋanoprofita pamsoro peJerusarema, ʋaciriʋonera ɀiratidzo ɀorugare, iɀo hakunorugare — ndiɀo ɀinotaura Ishe Jehova.

¹⁷Asi iwe, mŋanakomana womunhu, rinzira ciso cako kuʋakunda ʋaʋanhu ʋako, iʋo ʋanoprofita ɀinobva mumŋoyo yaʋo, uprofite pamsoro paʋo,

¹⁸uti: Ɀanzi naShe Jehova: Ʋanenhamo ʋakadzi ʋanosonera ɀifukidzo pafundo dzamaʋoko, ʋanoita miceka yokufukidza misoro yaʋanhu ʋapi naʋapi, kuti ʋavime mŋeya. Munoɗa kuvima mŋeya yaʋanhu ʋaŋgu, muciɗa kuɀiponesera mŋeya iyeyo!

¹⁹Makandimhura pakati paʋanhu ʋaŋgu nokuɗa kwetsama dzebari neɀimeɗu ɀeɀiŋgwa, kuti muʋuraye mŋeya isiŋgafaniri kufa, nokuponesa mŋeya isiŋgafaniri kurarama, mucireʋera ʋanhu ʋaŋgu nhema, iʋo ʋanoterera nhema dzenyu.

²⁰Naiɀoɀo ɀanzi naShe Jehova: Tarirai, ndinemhaka neɀifukidzo ɀenyu ɀamunovima naɀo mŋeya yaʋanhu seshiri, ndicaɀibvarura pamaʋoko enyu; ndicaregedza mŋeya, iyo mŋeya yamunovima seshiri.

²¹Nemiceka yenyu ndicaibvarura ʋo, ndirwire ʋanhu ʋaŋgu pamaʋoko enyu, ʋarege kuzoʋa mumaʋoko enyu kuti muʋavime; ɀino mucaziʋa kuti ndini Jehova.

²²Nokuti nenhema dzenyu makarwadza mŋoyo wowakarurama, wandisina‐kucemedza, mukasimbisa maʋoko owakaipa, kuti arege kudzoka panzira yake yakaipa, aponeswe;

²³naiɀoɀo hamucazoʋoni ɀe ɀiratidzo ɀinonyeŋgera kana kuʋuka ɀinoʋukwa; ini ndicarwira ʋanhu ʋaŋgu pamaʋoko enyu; ɀino mucaziʋa kuti ndini Jehova.