Read Original Shona Union Bible 1949 Baiberi Magwaro Matȿene aMŋari Ezekieri 14 Bible Online

Ezekieri 14 - Original Shona Union Bible 1949 Baiberi Magwaro Matȿene aMŋari bible

Ezekieri 14

¹Ɀino ʋamŋe ʋakuru ʋaIsraeri ʋakaʋuya kwandiri, ʋakagara pasi pamberi paŋgu.

²Shoko raJehova rikaȿika kwandiri, riciti:

³Mŋanakomana womunhu, ʋanhu aʋa ʋakapinza ɀifananidzo ɀaʋo mumŋoyo yaʋo, nokuisa cigumbuso ceɀakaipa ɀaʋo pamberi paʋo; ɀino ndiŋgatoŋgotenda kubvunzwa naʋo here?

⁴Naiɀoɀo taura naʋo, uti kwaʋari: Ɀanzi naShe Jehova: Munhu mumŋe nomumŋe weimba yaIsraeri unopinza ɀifananidzo ɀake mumŋoyo make, nokuisa cigumbuso ceɀakaipa ɀake pamberi pake, akaʋuya kumuprofita, ini Jehova ndicamupindura ɀakafanira iɀoɀo, ɀakafanira kuwanda kweɀifananidzo ɀake;

⁵kuti ndiɓate imba yaIsraeri mumŋoyo yaʋo, nokuti ʋaʋa ʋatorwa kwandiri nemhaka yeɀifananidzo ɀaʋo.

⁶Naiɀoɀo iti kuimba yaIsraeri: Ɀanzi naShe Jehova: Dzokai, mufuratire ɀifananidzo ɀenyu, mufuratidze ɀinonyaŋgadza ɀenyu ɀose ɀiso ɀenyu.

⁷Nokuti mumŋe nomumŋe weimba yaIsraeri, kana waʋatorwa ʋagere panyika yaIsraeri, unoparadzana neni, acipinza ɀifananidzo ɀake mumŋoyo make, nokuisa cigumbuso ceɀakaipa ɀake pamberi pake, akaʋuya kumuprofita kuti iye andibvunze nokuɗa kwake, ini Jehova ndicamupindura ndimene;

⁸ndicarinzira munhu uyo ciso caŋgu ndimuitire ɀakaipa, ndicamuita cishamiso neciratidzo neshumo, ndicamubvisa pakati paʋanhu ʋaŋgu; ɀino mucaziʋa kuti ndini Jehova.

⁹Ɀino kana muprofita akanyeŋgerwa, akataura shoko, ini Jehova, ndini ndanyeŋgera muprofita uyo, ndicatambanudzira ruʋoko rwaŋgu pamsoro pake, ndimuparadze pakati paʋanhu ʋaŋgu ʋaIsraeri.

¹⁰Ʋacaʋa nemhoȿa yaʋo; ɀakaipa ɀomuprofita ɀicaenzana neɀakaipa ɀounobvunza kwaari;

¹¹kuti imba yaIsraeri irege kuzotsauka kwandiri, kana kuzoɀiȿiɓisa nokuɗarika kwaʋo kwose, asi ʋaʋe ʋanhu ʋaŋgu, neni ndiʋe Mŋari waʋo — ndiɀo ɀinotaura Ishe Jehova.

¹²Ɀino shoko raJehova rakaȿika kwandiri, riciti:

¹³Mŋanakomana womunhu, kana kunenyika iciŋge yanditadzira nokuɗarika, ini ndikatambanudzira ruʋoko rwaŋgu pamsoro payo, ndikavuna muɗonɀo weɀokudya ɀayo, ndikatuma nzara pamsoro payo, nokuparadza’po ʋanhu neɀipfuwo;

¹⁴kunyaŋge ʋanhu aʋa ʋatatu, Noa naDanieri naJobo, ʋakaʋa’mo, ʋaŋgarwira mŋeya yaʋo yoga nokururama kwaʋo — ndiɀo ɀinotaura Ishe Jehova.

¹⁵Kana ndikafambisa ɀikara munyika, ɀikaipedzera ʋana, ikaitwa ɗoŋgo, kukasaʋa nomunhu uŋgagona kufamba’mo nemhaka yeɀikara;

¹⁶kunyaŋge ʋarume aʋa ʋatatu ʋaiʋa’mo, noʋupenyu bgaŋgu — ndiɀo ɀinotaura Ishe Jehova — haʋaŋgarwiri ʋanakomana kana ʋanasikana; iʋo ʋoga ʋaŋgarwirwa, asi nyika icaitwa ɗoŋgo.

¹⁷Ɀimŋe kana ndikaʋuyisa munondo pamsoro penyika iyo, ndikati: Munondo, pfuʋura napakati penyika! ndikaparadza’mo ʋanhu neɀipfuwo;

¹⁸kunyaŋge ʋarume aʋa ʋatatu ʋaiʋa’mo, — ndiɀo ɀinotaura Ishe Jehova — haʋaŋgarwiri ʋanakomana kana ʋanasikana; asi iʋo ʋamene ʋoga ʋaŋgarwirwa.

¹⁹Ɀimŋe kana ndikatuma hosha yakaipa munyika iyo, ndikaɗurura hasha dzaŋgu pamsoro payo neropa, kuti ndiparadze’mo ʋanhu neɀipfuwo;

²⁰kunyaŋge Noa naDanieri naJobo ʋaiʋa’mo, noʋupenyu bgaŋgu — ndiɀo ɀinotaura Ishe Jehova, — haʋaŋgarwiri mŋanakomana kana mŋanasikana; ʋaŋgarwira mŋeya yaʋo yoga nokururama kwaʋo.

²¹Nokuti ɀanzi naShe Jehova: Ndoɗa, kana ndikatuma pamsoro peJerusarema ɀakaipa ɀinna ɀandakaʋatoŋgera, ɀinoti, munondo nenzara neɀikara ɀakaipa nehosha yakaipa, kuti ndiparadze’mo ʋanhu neɀipfuwo!

²²Asi tarirai, ʋamŋe ʋakasara ʋacaregwa’mo ʋacapukunyuka, ʋacatapxa, ʋari ʋanakomana naʋanasikana; tarirai, ʋacaȿika kwamuri, mucaʋona nzira yaʋo neɀaʋanoita; ipapo mucanyaradzwa pamsoro peɀakaipa ɀandakaʋuyisa pamsoro peJerusarema, pamsoro peɀose ɀandakaʋuyisa pamsoro paro.

²³Iʋo ʋacakunyaradzai, kana muciʋona nzira yaʋo neɀaʋanoita; ipapo mucaziʋa kuti handina‐kuita pasina ɀose ɀandakaita’mo — ndiɀo ɀinotaura Ishe Jehova.