Read Original Shona Union Bible 1949 Baiberi Magwaro Matȿene aMŋari Ezekieri 16 Bible Online

Ezekieri 16 - Original Shona Union Bible 1949 Baiberi Magwaro Matȿene aMŋari bible

Ezekieri 16

¹Shoko raJehova rakaȿika ɀe kwandiri, riciti:

²Mŋanakomana womunhu, ziʋisa Jerusarema ɀinonyaŋgadza ɀaro.

³uti: Ɀanzi naShe Jehova kuJerusarema: Kwawakabva nokwawakaɓerekwa ndiko kunyika yaʋaKanani; ɓaɓa ʋako ʋakaŋga ʋari muAmori, namai ʋako ʋakaŋga ʋari muHiti.

⁴Kana kuri kuɓerekwa kwako, pazuʋa rokuɀarwa kwako cikuvu cako hacina‐kugurwa, ʋuye haunakushambidzwa nemvura kuti unake; hauna‐kutoŋgokwizwa nomunyu, kana kuputirwa.

⁵Hakuneziso rakakunzwira tsitsi, kukuitira cinhu cimŋe ceɀinhu iɀi, nokuʋa neŋgoni newe; asi wakarashirwa kusaŋgo, nokuti ʋakasema ʋupenyu bgako nezuʋa rokuɀarwa kwako.

⁶Ndakapfuʋura kwauri, ndikakuʋona ucipfakanyika muropa rako, ndikati kwauri uri muropa rako: Rarama! Ɀirokwaɀo, ndakati kwauri uri muropa rako: Rarama!

⁷Ndakakuita ʋazhinji kwaɀo seɀinomera kusaŋgo, ukawanda nokukura, ukaȿikira paʋukomba bgakaiȿo‐naka; mazamu ako akakura, nevudzi rako rakamera, asi wakaŋga usino‐kufuka, wakashama.

⁸Ndakapfuʋura kwauri, ndikakutarira, ndikaʋona kuti ŋguʋa yako yakaŋga iri ŋguʋa yoruɗo. Ipapo ndakawarira ŋguʋo yaŋgu pamsoro pako, ndikafukidza kushama kwako; ɀirokwaɀo, ndakakupikira, ndikaita suŋgano newe, iwe ukaʋa waŋgu — ndiɀo ɀinotaura Ishe Jehova.

⁹Ipapo ndakakushambidza nemvura; ɀirokwaɀo, ndakashambidza ropa rako kwauri, ndikakuzodza namafuta.

¹⁰Ndakakufukidza ʋo neɀakarukwa, ndikakupfekedza shaŋgu dzamatebge amatenhe, ndakakusuŋga ciʋuno nomuceka wakaiȿo‐naka, ndikakufukidza nesiriki.

¹¹Ndakakushoŋgedza ʋukomba, ndikaisa ɀishoŋgo ɀamaʋoko paɀanza ɀako, neketani pamutsipa wako.

¹²Ndikaisa cindori pamhino dzako, neɀishoŋgo ɀenzeʋe panzeʋe dzako, nekorona yakanaka pamusoro wako.

¹³Wakaɀishoŋgedza nendarama nesirveri, ɀokufuka ɀako ɀakaŋga ɀiri ɀomuceka wakaiȿo‐naka nesiriki neɀakarukwa; wakadya ʋupfu bgakatsetseka noʋuci namafuta; wakaŋga wakanaka kwaɀo, ukapfuʋurira mberi kuȿikira kuʋushe.

¹⁴Mbiri yako yokunaka kwako yakapararira pakati pamarudzi, nokuti yakaŋga yakakwana kwaɀo nokuɗa kwoʋumambo bgaŋgu bgandakaŋga ndaisa pamsoro pako — ndiɀo ɀinotaura Ishe Jehova.

¹⁵Asi iwe wakaʋimba nokunaka kwako, ukapata nokuɗa kwembiri yako, ukaɗurura kupata kwako kunomumŋe nomumŋe waipfuʋura napo, kukaʋa kwake.

¹⁶Wakatora dzimŋe ŋguʋo dzako, ukaɀiitira nɀimbo dzakakwirira, dzakashoŋgedzwa namaʋara mazhinji, ukandopata pamsoro padzo. Ɀinhu ɀakaɗai haɀizaifanira kuʋuya kana kuitika.

¹⁷Ɀishoŋgo ɀako ɀakanaka wakaɀitora pandarama yaŋgu nesirveri yaŋgu, ɀandakaŋga ndakupa, ukaɀiitira ɀifananidzo ɀaʋarume, ukapata naɀo;

¹⁸ukatora ŋguʋo dzako dzakarukwa, ukaɀifukidza nadzo, ukagadza mafuta aŋgu neɀinonhuwira ɀaŋgu pamberi paɀo.

¹⁹Ɀokudya ɀaŋgu ɀandakakupa, ibgo ʋupfu bgakatsetseka namafuta noʋuci ɀandakakupa kuti uɀidye, wakaɀigadza pamberi paɀo, ɀiite bgema ʋunonhuwira; ndiɀo ɀawakaita — ndiɀo ɀinotaura Ishe Jehova.

²⁰Ʋuye ɀe, wakatora ʋanakomana ʋako naʋanasikana ʋako, ʋawakandiɓerekera, ukaɀiɓayira iʋo, kuti ʋadyiwe. Ko kupata kwako cakaŋga ciri cinhu ciɗuku here,

²¹ɀawakazoʋuraya ʋana ʋangu, ukaɀipa iʋo, kuti uɀipinzire iʋo mumŋoto here?

²²Ɀino pakati peɀinonyaŋgadza ɀako ɀose nokupata kwako hauna‐kuraŋgarira mazuʋa oʋuɗuku bgako, paŋguʋa yawakaŋga usino‐kufuka, wakashama, ucipfakanyika muropa rako.

²³Ɀino shure kweɀakaipa ɀako ɀose (haiwa, unenhamo, unenhamo — ndiɀo ɀinotaura Ishe Jehova),

²⁴wakaɀiʋakira nɀimbo yokufeʋa nokuɀiitira nɀimbo yakakwirira panzira dzose dzomumusha.

²⁵Wakaʋaka nɀimbo yako yakakwirira pakuʋamba kwenzira imŋe neimŋe, ukashandura kunaka kwako ɀikaʋa ɀinonyaŋgadza, ukafukurira ʋose ʋanopfuʋura tsoka dzako, ukawanza kupata kwako.

²⁶Wakafeʋa ʋo naʋaEgipita, ʋakaŋga ʋagere pedyo newe, ʋanemiʋiri mikuru; ukawanza kupata kwako, kuti unditsamŋise.

²⁷Naiɀoɀo tarira, ndakatambanudzira ruʋoko rwaŋgu pamsoro pako, ndikatapudza ɀokudya ɀako ɀaunodya misi yose, ndikakuisa kunaʋanokuʋeŋga ʋakuitire nokuɗa kwaʋo, iʋo ʋakunda ʋaʋaFiristia ʋakanyadziswa nomufambire wako wakashata.

²⁸Wakapata ʋo naʋaAsiria, nokuti wakaŋga usiŋgagoni kuguta; ɀirokwaɀo, wakapata naʋo, asi hauna‐kuriŋganiswa naɀo.

²⁹Wakawanza ʋo kupata kwako kuȿikira kunyika yaʋashambadziri, iko kuKardea; kunyaŋge ɀakaɗaro hauna‐kuriŋganiswa naɀo.

³⁰Mŋoyo wako unoshaiwa simba sei — ndiɀo ɀinotaura Jehova — ɀaunoita ɀinhu iɀi ɀose, ɀinoitwa necifeʋe cisiŋganyari;

³¹ɀaunoʋaka nɀimbo yako yokufeʋa pakuʋamba kwenzira imŋe neimŋe, nokuita nɀimbo yako yakakwirira panzira imŋe neimŋe yomumusha; asi hauna‐kuita secifeʋe, ɀawakashoʋora muripo.

³²Haiwa! Mukadzi wakawanikwa unofeʋa! Unogamucira ʋatorwa panɀimbo yomurume wake!

³³Ɀifeʋe ɀose ɀinopiwa ɀipo, asi iwe unopa ʋaɗikani ʋako ʋose ɀipo, uciʋaripira, kuti ʋaʋuye kwauri ʋacibva kumatiʋi ose nokuɗa kwokupata kwako.

³⁴Iwe wakasiyana naʋamŋe ʋakadzi pakupata kwako, ɀakusina‐unokuteʋera kupata newe; ʋuye ɀaunopa muripo iwe, asi iwe haupiwi muripo, naiɀoɀo wakasiyana naʋamŋe.

³⁵Naiɀoɀo iwe cifeʋe, cinzwa shoko raJehova:

³⁶Ɀanzi naShe Jehova: Ndarira yako ɀayakaɗururwa, nokunyadza kwako ɀakwakafukurwa nokupata kwako naʋaɗikani ʋako, ʋuye nokuɗa kweɀifananidzo ɀose ɀeɀinonyaŋgadza ɀako, neropa raʋana ʋako, rawakaɀipa;

³⁷naiɀoɀo tarira, ndicaʋuŋganidza ʋaɗikani ʋako ʋose, ʋawakafarirana naʋo, naʋose ʋawakaŋga uciɗa, pamŋe cete naʋose ʋawakaŋga uciʋeŋga; ndicakuʋuŋganidzira iʋo ʋacibva kumatiʋi ose, nokuʋafukurira kunyadza kwako, kuti ʋaʋone kunyadza kwako kwose.

³⁸Ndicakutoŋga seɀinotoŋgwa ʋakadzi ʋoʋutere naʋanoteʋura ropa; ndicaʋuyisa pamsoro pako ropa rehasha negoɗo.

³⁹Ndicakuisa ʋo mumaʋoko aʋo; ʋacakoromora nɀimbo yako yokufeʋa, nokuputsa nɀimbo dzako dzakakwirira; ʋacakubvisira ŋguʋo dzako, nokukutorera ɀishoŋgo ɀako ɀakanaka; ʋacakusiya usina‐cokufuka wakashama.

⁴⁰Ʋacaʋuya ʋo neʋuŋgano kuzorwa newe, iʋo ʋacakutaka namabge nokukubvoʋora neminondo yaʋo.

⁴¹Ʋacapisa dzimba dzako nomŋoto, nokukuitira ɀakatoŋgwa pamberi paʋakadzi ʋazhinji; ndicakuregesa kupata kwako, iwe haucazoʋapi muripo.

⁴²Saiɀoɀo ndicazorodza hasha dzaŋgu kwauri, goɗo raŋgu ricabva kwauri; ndicanyarara, ndikasazoʋa nokutsamŋa.

⁴³Ɀausina‐kuraŋgarira mazuʋa oʋuɗuku bgako, asi wakanditsamŋisa neɀinhu iɀi ɀose, naiɀoɀo, tarira, ndicaʋuyisa ɀawakaita pamusoro wako — ndiɀo ɀinotaura Ishe Jehova; hauŋgazoiti ɀakashata iɀoɀo neɀinonyaŋgadza ɀako ɀose.

⁴⁴Tarira, mumŋe nomumŋe unoɓata neshumo, ucaɓata neshumo iyi pamsoro pako, aciti: Seɀakaita mai, ndiɀo ɀakaita mŋanasikana waʋo.

⁴⁵Iwe uri mŋanasikana wamai ʋako, ʋanosema murume waʋo naʋana ʋaʋo; iwe uri munuŋuna waʋakoma ʋako, ʋakasema ʋarume ʋaʋo naʋana ʋaʋo; mai ʋako ʋakaŋga ʋari muHiti, naɓaɓa ʋako muAmori.

⁴⁶Mukoma wako ndiSamaria, unogara kuruɓoshwe rwako, iye naʋanasikana ʋake; munuŋuna wako unogara kurudyi rwako, ndiSodoma naʋanasikana ʋake.

⁴⁷Asi hauna‐kufamba nenzira dzaʋo, kana kuita ɀinonyaŋgadza ɀaʋo; asi iɀo wakati ɀiɗuku, ukaʋapfuʋura iʋo ʋose nenzira dzako dzakaʋora.

⁴⁸Noʋupenyu bgaŋgu — ndiɀo ɀinotaura Ishe Jehova — munuŋuna wako Sodoma, iye naʋanasikana ʋake, haʋana‐kuita seɀawakaita iwe naʋanasikana ʋako.

⁴⁹Tarira, ɀakaipa ɀomunuŋuna wako Sodoma heɀi: Kuɀikudza, ɀokudya ɀakawandisa, nokuzorora kusinehanya necinhu, ndiɀo ɀaakaŋga anaɀo naʋanasikana ʋake; haana‐kusimbisa ruʋoko rwaʋarombo naʋanoshaiwa.

⁵⁰Ʋakaŋga ʋanamanyawi ʋakaita ɀinonyaŋgadza pamberi paŋgu; saka ndiciɀiʋona ndakaʋabvisa.

⁵¹Kunyaŋge neSamaria harina‐kuita hafu yeɀiʋi ɀako; asi iwe wakawanza ɀinonyaŋgadza ɀako kupfuʋura ɀaʋo, ukapembedza ʋanuŋuna ʋako neɀinonyaŋgadza ɀako ɀose ɀawakaita.

⁵²Iwe ciʋa nemhoȿa yeɀinonyadzisa ɀako, ɀawakapembedza ʋanuŋuna ʋako; nokuɗa kweɀiʋi ɀako ɀawakaita ɀinonyaŋgadza kupfuʋura ɀaʋo, iʋo ʋaʋa ʋakarurama kupfuʋura iwe; ɀirokwaɀo, ciȿoɗeswa iwe, uʋe nokunyadziswa kwako, ɀawakapembedza ʋanuŋuna ʋako.

⁵³Ndicadzosa ɀe kutapxa kwaʋo, iko kutapxa kweSodoma naʋanasikana ʋaro, nokutapxa kweSamaria naʋanasikana ʋaro, nokutapxa kwaʋatapxa ʋako ʋari pakati paʋo;

⁵⁴kuti iwe uʋe nokunyadziswa kwako, unyare pamsoro peɀose ɀawakaita uciʋanyaradza.

⁵⁵Ʋanuŋuna ʋako Sodoma naʋanasikana ʋake ʋacadzokera kumugariro waʋo wakare, naSamaria naʋanasikana ʋake ʋacadzokera kumugariro waʋo wakare, newe naʋanasikana ʋako mucadzokera kumugariro wenyu wakare.

⁵⁶Nokuti munuŋuna wako Sodoma haana‐kurebga nomuromo wako nezuʋa rokuɀikudza kwako,

⁵⁷ɀakashata ɀako ɀisati ɀafukurwa, sapaŋguʋa yokushoʋorwa kwako naʋanasikana ʋeSiria naʋose ʋakaʋapoteredza, ʋanasikana ʋaʋaFiristia, ʋanokuɀidza kumatiʋi ose.

⁵⁸Unemhoȿa yeɀakashata ɀako neɀinonyaŋgadza ɀako — ndiɀo ɀinotaura Jehova.

⁵⁹Nokuti ɀanzi naShe Jehova: Ndicakuitira ʋo seɀawakaita iwe, wakashoʋora kupika pakuputsa kwako suŋgano.

⁶⁰Kunyaŋge ɀakaɗaro ndicaraŋgarira suŋgano yaŋgu yandakaita newe pamazuʋa oʋuɗuku bgako, ndisimbise suŋgano isiŋgaperi newe.

⁶¹Ipapo ucaraŋgarira nzira dzako; ucanyara, kana ucigamucira ʋakoma ʋako naʋanuŋuna ʋako; ndicakupa iʋo, ʋaʋe ʋanasikana ʋako, asi haɀiŋgaitwi pamsoro pesuŋgano yako.

⁶²Ndicasimbisa suŋgano yaŋgu newe; ɀino ucaziʋa kuti ndini Jehova;

⁶³kuti uraŋgarire, uȿoɗeswe, urege kuzoshamisa muromo wako ɀe nokuɗa kwokunyara kwako, kana ndakukaŋganwira ɀose ɀawakaita — ndiɀo ɀinotaura Ishe Jehova.