Read Original Shona Union Bible 1949 Baiberi Magwaro Matȿene aMŋari Ezekieri 18 Bible Online

Ezekieri 18 - Original Shona Union Bible 1949 Baiberi Magwaro Matȿene aMŋari bible

Ezekieri 18

¹Ɀino shoko raJehova rakaȿika ɀe kwandiri, riciti:

²Ndokuɗiniko kana muciɓata neshumo iyi panyika yaIsraeri, muciti: Madziɓaɓa akadya mazambiriŋga anoʋaʋa, meno aʋana ndokubgadzira?

³Noʋupenyu bgaŋgu — ndiɀo ɀinotaura Ishe Jehova — hamuŋgagoni kuzoɓata neshumo iyi pakati paIsraeri.

⁴Tarirai, mŋeya yose ndeyaŋgu; mŋeya waɓaɓa ndowaŋgu, saiɀoɀo nomŋeya womŋanakomana ʋo; mŋeya unotadza, ucafa.

⁵Asi kana munhu aciŋge akarurama, aciita ɀomurairo neɀakarurama,

⁶asinokudya pamakomo, kana kutarira nameso ake kuɀifananidzo ɀeimba yaIsraeri, kana kucinyira mukadzi wowokwake, kana kusweɗera kumukadzi uri kumŋedzi kwake,

⁷usino‐kuitira ʋamŋe ɀakaipa, wakadzosera ruɓatso rwake kunowakadya cikwerete, usino‐kutora cinhu acipamba, wakapa ʋanenzara ɀokudya ɀake, akafukidza wakashama neŋguʋo;

⁸usino‐kuita mhindu, kana kutora mhindu yemicero, wakadzora ruʋoko rwake paɀakaipa, akaruramisa kwaɀo pamhaka yomunhu nehama yake,

⁹wakafamba nemitemo yaŋgu, akaceŋgeta ɀandakaraira, kuti aite ɀamaɀokwaɗi; iye wakarurama, ɀirokwaɀo ucararama — ndiɀo ɀinotaura Ishe Jehova.

¹⁰Kana iye akaɓereka mŋanakomana riri gororo, kana muteʋuri weropa, kana unoita cinhu cimŋe ceɀinhu iɀi,

¹¹usiŋgaiti cinhu cimŋe caiɀoɀo ɀakanaka, akadya pamakomo, akacinyira mukadzi wowokwake,

¹²wakaitira ʋarombo naʋanoshaiwa ɀakaipa, wakatora acipamba, usino‐kudzosera ruɓatso, wakatarira ɀifananidzo nameso ake, wakaita ɀinonyaŋgadza,

¹³wakaita mhindu, kana kutora mhindu yemicero; ko iye ucararama here? Haaŋgararami. Wakaita iɀi ɀose ɀinonyaŋgadza, ɀirokwaɀo ucafa; ropa rake ricaʋa pamsoro pake.

¹⁴Ɀino, tarira, kana akaɓereka mŋanakomana, unoʋona ɀiʋi ɀose ɀaɓaɓa ʋake, ɀaʋakaita, akaɀiʋona hake, akasaita ɀakaɗai;

¹⁵usino‐kudya pamakomo, kana kutarira nameso ake ɀifananidzo ɀeimba yaIsraeri, kana kucinyira mukadzi wowokwake,

¹⁶usino‐kuitira ʋamŋe ɀakaipa, usino‐kutora cinhu acireʋa ruɓatso, usino‐kutora cinhu acipamba, asi wakapa ʋanenzara ɀokudya ɀake, nokufukidza wakashama necokufuka;

¹⁷wakadzora ruʋoko rwake pakuitira ʋarombo ɀakaipa, usino‐kutora mhindu kana mhindu yemicero, wakaita ɀandakaraira, nokufamba nemitemo yaŋgu; iye haaŋgafi nokuɗa kweɀakaipa ɀaɓaɓa ʋake, ɀirokwaɀo ucararama.

¹⁸Kana ʋari ɓaɓa ʋake, ɀaakamanikidza ɀikuru, nokupamba ɀinhu ɀomunuŋuna wake, akaita ɀisino‐kunaka pakati paʋanhu ʋake, tarirai, iye ucafa nokuɗa kweɀakaipa ɀake.

¹⁹Asi imi munoti: Mŋanakomana unoregereiko kuʋa nemhoȿa yeɀakaipa ɀaɓaɓa ʋake? Kana mŋanakomana aciŋge aita ɀinorebga nomurairo neɀakarurama, akaceŋgeta mitemo yaŋgu yose, akaiita, ɀirokwaɀo ucararama.

²⁰Mŋeya unotadza, ndiwo ucafa; mŋanakomana haaŋgaʋi nemhoȿa yeɀakaipa ɀaɓaɓa ʋake, naɓaɓa haʋaŋgaʋi nemhoȿa yeɀakaipa ɀomŋanakomana waʋo; kururama kwowakarurama kucaʋa pamsoro pake, nokuipa kwowakaipa kucaʋa pamsoro pake.

²¹Asi kana wakaipa akatendeʋuka paɀiʋi ɀake ɀose ɀaakaita, akaceŋgeta mitemo yaŋgu yose, akaita ɀinorebga nomurairo neɀakarurama, ɀirokwaɀo ucararama, haaŋgafi.

²²Kuɗarika kwake kwose kwaakaita hakuŋgaraŋgarirwi pamsoro pake; ucararama nokuɗa kweɀakarurama ɀaakaita.

²³Ko ini ndiŋgatoŋgofarira rufu rwowakaipa here? — ndiɀo ɀinotaura Ishe Jehova; handizinofarira kudzoka kwake panzira yake, ararame here?

²⁴Asi kana wakarurama akatsauka pakururama kwake, akaita ɀakaipa, akaita ɀinonyaŋgadza ɀose ɀinoitwa nomunhu wakaipa, ko uŋgararama here? Maɓasa ake akarurama aakaita haaŋgatoŋgoraŋgarirwi; nokuɗa kwokuɗarika kwake, kwaakaɗarika nako, neɀiʋi ɀake ɀaakaita, ucafa nokuɗa kwaɀo.

²⁵Asi imi munoti: Nzira yaShe haina‐kururama. Ɀino cinzwai, imi imba yaʋaIsraeri: Nzira yaŋgu haina‐kururama here? Ko nzira dzenyu hadzizi idzo dzisino‐kururama here?

²⁶Kana munhu wakarurama akatsauka pakururama kwake, akaita ɀakaipa, akafa nokuɗa kwaɀo; ucafa nokuɗa kweɀakaipa ɀaakaita.

²⁷Ʋuye ɀe, kana munhu wakaipa akatsauka paɀakaipa ɀake ɀaakaita, akazoita ɀinorebga nomurairo neɀakarurama, ucaponesa mŋeya wake.

²⁸Ɀaakaraŋgarira, akatsauka pakuɗarika kwake kwose kwaakaita, ɀirokwaɀo ucararama, haaŋgafi.

²⁹Kunyaŋge ɀakaɗaro, imba yaIsraeri inoti: Nzira yaShe haina‐kururama. Nhai, imba yaIsraeri, nzira dzaŋgu hadzina‐kururama here? Hadzizi nzira dzenyu dzisakarurama here?

³⁰Naiɀoɀo ndicakutoŋgai, imi imba yaIsraeri, mumŋe nomumŋe ɀakafanira nzira dzake — ndiɀo ɀinotaura Ishe Jehova. Dzokai, mutendeʋuke pakuɗarika kwenyu kwose; kuti cirege kuʋa cigumbuso ceɀakaipa kwamuri.

³¹Rashai kure nemi kuɗarika kwenyu kwose, kwamakaɗarika nako, muɀiitire mŋoyo mitȿa nemŋeya mitȿa; nokuti mucafireiko, imi imba yaIsraeri?

³²Nokuti handifariri rufu rwounofa — ndiɀo ɀinotaura Ishe Jehova; naiɀoɀo tendeʋukai, murarame.