Read Original Shona Union Bible 1949 Baiberi Magwaro Matȿene aMŋari Ezekieri 20 Bible Online

Ezekieri 20 - Original Shona Union Bible 1949 Baiberi Magwaro Matȿene aMŋari bible

Ezekieri 20

¹Ɀino negore recinomŋe, nomŋedzi wecishanu, nezuʋa regumi romŋedzi, ʋamŋe ʋakuru ʋaIsraeri ʋakaʋuya kuzobvunza Jehova, ʋakagara pasi pamberi paŋgu.

²Shoko raJehova rikaȿika kwandiri, riciti:

³Mŋanakomana womunhu, taura naʋakuru ʋaIsraeri, uti kwaʋari: Ɀanzi naShe Jehova: Maʋuya kuzondibvunza ini here? Noʋupenyu bgaŋgu — ndiɀo ɀinotaura Jehova — handiɗi kubvunzwa nemi.

⁴Ciʋatoŋga, mŋanakomana womunhu, ciʋatoŋga! Ciʋaziʋisa ɀinonyaŋgadza ɀamadziɓaɓa aʋo;

⁵uti kwaʋari: Ɀanzi naShe Jehova: Nezuʋa randakasanaŋgura Israeri, ndikasimudzira ʋana ʋeimba yaJakobo ruʋoko rwaŋgu, nokuɀiziʋisa kwaʋari munyika yeEgipita, musi wandakaʋasimudzira ruʋoko rwaŋgu, ndiciti: Ndini Jehova Mŋari wenyu;

⁶nezuʋa iro ndakaʋasimudzira ruʋoko rwaŋgu, kuti ndicaʋaɓuɗisa panyika yeEgipita ndiʋaise kunyika yandakaʋatȿakira, kunoyerera mukaka noʋuci, iyo yaiʋa ʋukomba bgenyika dzose.

⁷Ndikati kwaʋari: Rashai, mumŋe nomumŋe, ɀinonyaŋgadza ɀameso ake, murege kuɀiȿiɓisa neɀifananidzo ɀeEgipita; ndini Jehova Mŋari wenyu.

⁸Asi ʋakandimukira simba, ʋakaramba kunditerera; haʋana‐kurasha, mumŋe nomumŋe waʋo, ɀinonyaŋgadza ɀameso aʋo, haʋana‐kusiya ɀifananidzo ɀeEgipita. Ipapo ndakati ndicaɗurura hasha dzaŋgu pamsoro paʋo, kuti ndipedze kutsamŋa kwaŋgu pamsoro paʋo pakati penyika yeEgipita.

⁹Asi ndakaɀiita nokuɗa kwezita raŋgu, kuti rirege kumhurwa pamberi pamarudzi aʋanhu, maʋakaŋga ʋagere, ʋandakaɀiziʋisa kwaʋari pamberi paʋo, ndiciʋaɓuɗisa munyika yeEgipita.

¹⁰Naiɀoɀo ndakaʋaɓuɗisa munyika yeEgipita, ndikaʋaisa kurenje.

¹¹Ndikaʋapa mitemo yaŋgu, nokuʋaratidza ɀandakaraira, ɀinoti kana munhu aciɀiita ararame naɀo.

¹²Ndakaʋapa ʋo masaɓata aŋgu, ciʋe ciratidzo pakati paŋgu naʋo, kuti ʋaziʋe kuti ndini Jehova, unoʋaita ʋatȿene.

¹³Asi imba yaIsraeri yakandimukira simba murenje; haʋana‐kufamba nemitemo yaŋgu, ʋakaramba ɀandakaraira, ɀinoti kana munhu aciɀiceŋgeta, ucararama naɀo; ʋakamhura ɀikuru masaɓata aŋgu. Ipapo ndakati ndicaɗurura hasha dzaŋgu pamsoro paʋo murenje, kuti ndiʋapedze.

¹⁴Asi ndakaɀiita nokuɗa kwezita raŋgu, kuti rirege kumhurwa pamberi pamarudzi andakaʋaɓuɗisa pamberi pawo.

¹⁵Ndakaʋasimudzira ʋo ruʋoko rwaŋgu parenje, kuti handiŋgaʋaisi kunyika yandakaŋga ndaʋapa, kunoyerera mukaka noʋuci, iyo yaiʋa ʋukomba bgenyika dzose;

¹⁶nokuti ʋakaramba ɀandakaraira, ʋakasafamba nemitemo yaŋgu, ʋakamhura masaɓata aŋgu; nokuti mŋoyo yaʋo yakateʋera ɀifananidzo ɀaʋo.

¹⁷Kunyaŋge ɀakaɗaro ziso raŋgu rakaʋapembedza, ndikasaʋaparadza, kana kuʋapedza cose parenje.

¹⁸Ndikati kuʋana ʋaʋo murenje: Regai kufamba nemitemo yamadziɓaɓa enyu, kana kuceŋgeta ɀaʋakaraira, kana kuɀiȿiɓisa neɀifananidzo ɀenyu.

¹⁹Ndini Jehova Mŋari wenyu; fambai nemitemo yaŋgu, muceŋgete ɀandakaraira, muɀiite;

²⁰masaɓata aŋgu ŋgaaʋe matȿene kwamuri; ɀigoʋa ciratidzo pakati paŋgu nemi, kuti muziʋe kuti ndini Jehova Mŋari wenyu.

²¹Asi ʋana ʋakandimukira simba, haʋana‐kufamba nemitemo yaŋgu, kana kuceŋgeta ɀandakaraira kuti ʋaɀiite, ɀinoti kana munhu akaɀiita, ucararama naɀo; ʋakamhura masaɓata aŋgu. Ipapo ndakati ndicaɗurura hasha dzaŋgu pamsoro paʋo, kuti ndipedze kutsamŋa kwaŋgu pamsoro paʋo parenje.

²²Kunyaŋge ɀakaɗaro ndakadzosa ruʋoko rwaŋgu, ndikaita nokuɗa kwezita raŋgu, kuti rirege kumhurwa pamberi pamarudzi, andakaʋaɓuɗisa pamberi pawo.

²³Ndakaʋasimudzira ʋo ruʋoko rwaŋgu parenje, kuti ndicaʋaparadzira pakati pamarudzi nokuʋadziŋgira kunyika dzose;

²⁴nokuti haʋana‐kuita ɀandakaraira, asi ʋakaramba mitemo yaŋgu, nokumhura masaɓata aŋgu, meso aʋo akatarira ɀifananidzo ɀamadziɓaɓa aʋo.

²⁵Ndakaʋapa ʋo mitemo yakaŋga isino‐kunaka, neɀakarairwa ɀaʋakaŋga ʋasiŋgagoni kurarama naɀo;

²⁶ndikaʋaȿiɓisa neɀipo ɀaʋo, ɀaʋakapinza mumŋoto ɀose ɀinotaŋga kuzarura ciɀaro, kuti ndiʋaparadze, ʋagoziʋa kuti ndini Jehova.

²⁷Naiɀoɀo mŋanakomana womunhu, taura neimba yaIsraeri, uti kwaʋari: Ɀanzi naShe Jehova: Madziɓaɓa enyu akandimhura ʋo pacinhu ici, kuti ʋakandiɗarikira.

²⁸Nokuti ndakati ndaʋaisa kunyika, yandakaʋasimudzira ruʋoko kuti ndicaʋapa iyo, ʋakatȿaka ɀikomo ɀose ɀirefu nemiti yose mikobvu, ʋakaɓayira’po ɀiɓayiro ɀaʋo, ʋakaʋuya’po neɀipo ɀaʋo ɀainditsamŋisa; ndi’po ʋo paʋakaita bgema bgaʋo ʋunonhuwira, ʋakaɗururira’po ɀipiriso ɀaʋo ɀinoɗururwa.

²⁹Ipapo ndikati kwaʋari: Ko nɀimbo yakakwirira kwamunoenda, inoti kuɗiniko? Naiɀoɀo zita rayo rinonzi Bama kuȿikira zuʋa ranhasi.

³⁰Naiɀoɀo citi kuimba yaIsraeri: Ɀanzi naShe Jehova: Ko munoɀiȿiɓisa seɀakaita madziɓaɓa enyu here? Munopata muciteʋera ɀinonyaŋgadza ɀaʋo here?

³¹Kana muciʋuya neɀipo ɀenyu, kana mucipinza ʋanakomana ʋenyu mumŋoto, munoɀiȿiɓisa neɀifananidzo ɀenyu kuȿikira zuʋa ranhasi here? Ɀino ndiŋgabvunzwa nemi here, imi imba yaIsraeri? Noʋupenyu bgaŋgu — ndiɀo ɀinotaura Ishe Jehova, handiɗi kubvunzwa nemi;

³²iɀo ɀinopinda mumiraŋgariro yenyu haɀiŋgatoŋgoitiki cose, ɀamunoti: Tinoɗa kufanana namamŋe marudzi, naʋanhu ʋedzimŋe nyika, ʋanoshumira matanda namabge.

³³Noʋupenyu bgaŋgu — ndiɀo ɀinotaura Ishe Jehova — ɀirokwaɀo ndicaʋa mambo wenyu necanza cinesimba noruʋoko rwakatambanudzwa, ʋuye nehasha dzakaɗururwa.

³⁴Ndicakuɓuɗisai pakati pamarudzi, nokukuʋuŋganidzai kunyika kwamakaŋga makaparadzirwa, necanza cinesimba noruʋoko rwakatambanudzwa, ʋuye nehasha dzakaɗururwa;

³⁵ndicakuisa kurenje ramarudzi aʋanhu, ndigokutoŋgai’po, ticiʋonana nameso.

³⁶Seɀandakatoŋga madziɓaɓa enyu murenje renyika yeEgipita, saiɀoɀo ndicakutoŋgai imi — ndiɀo ɀinotaura Ishe Jehova.

³⁷Ndicakuʋereŋgai netȿimbo yomufudzi, nokukuisai mucisuŋgo cesuŋgano;

³⁸ndicabvisa pakati penyu ʋakandimukira simba naʋakandiɗarikira, ndicaʋaɓuɗisa panyika paʋagere ʋari ʋatorwa, asi haʋaŋgapindi munyika yaIsraeri; ɀino mucaziʋa kuti ndini Jehova.

³⁹Kana muri’mi, imba yaIsraeri, — ndiɀo ɀinotaura Ishe Jehova — endai imi mundoshumira mumŋe nomumŋe ɀifananidzo ɀake, asi pashure mucanditerera; hamucazomhuri zita raŋgu dɀene neɀipo ɀenyu ʋuye neɀifananidzo ɀenyu.

⁴⁰Nokuti pagomo raŋgu dɀene, pagomo rakakwirira raIsraeri, ndi’po pandicashumirwa munyika neimba yose yaIsraeri, iʋo ʋose; ndi’po pandicaʋagamucira, ndi’po pandicareʋa ɀiɓayiro ɀenyu, neɀitȿa ɀeɀipo ɀenyu, pamŋe cete neɀinhu ɀenyu ɀose ɀitȿene.

⁴¹Ndicakugamucirai sobgema ʋunonhuwira, paŋguʋa yandinokuɓuɗisai pakati pamarudzi aʋanhu, ndicikuʋuŋganidzai panyika kwamakaŋga makaparadzirwa; ndicaɀiratidza kwamuri ndiri Mutȿene pamberi pamarudzi aʋanhu.

⁴²Ipapo mucaziʋa kuti ndini Jehova, kana ndicikuisai munyika yaIsraeri, kunyika yandakasimudzira madziɓaɓa enyu ruʋoko rwaŋgu ndiciti ndicaʋapa iyo.

⁴³Ɀino mucaraŋgarira’po nzira dzenyu, neɀose ɀamakaita, ɀamakaɀiȿiɓisa naɀo; mucaɀisema mumene pamsoro peɀakaipa ɀenyu ɀose ɀamakaita.

⁴⁴Ɀino mucaziʋa kuti ndini Jehova, kana ndicikuitirai iɀoɀo nokuɗa kwezita raŋgu, ndisiŋgaiti ɀakafanira nzira dzenyu dzakaipa kana ɀakafanira ɀakaʋora ɀamakaita, imi imba yaIsraeri — ndiɀo ɀinotaura Ishe Jehova.

⁴⁵Ɀino shoko raJehova rakaȿika kwandiri, riciti:

⁴⁶Mŋanakomana womunhu, rinzira ciso cako kurutiʋi rwezasi, uɗonhedze shoko rako kurutiʋi rwezasi, uprofite pamsoro peɗondo romusaŋgo kurutiʋi rwezasi;

⁴⁷uti kuɗondo kurutiʋi rwezasi: Inzwa shoko raJehova: Ɀanzi naShe Jehova: Tarira, ndicaɓatidza mŋoto mukati mako, ucapedza muti mumŋe nomumŋe mutema mukati mako, nomuti mumŋe nomumŋe wakawoma; muraɀo unopfuta hauŋgadzimŋi, asi ɀiso ɀose kubva kurutiʋi rwezasi kuȿikira kurutiʋi rwokumsoro ɀicapiswa nawo.

⁴⁸Nyama yose icaziʋa kuti ini Jehova ndini ndakauɓatidza; hauŋgadzimŋi.

⁴⁹Ipapo ndikati: Haiwa, Ishe Jehova! Ʋanoti pamsoro paŋgu: Ko haazi mutauri wemifananidzo here?