Read Original Shona Union Bible 1949 Baiberi Magwaro Matȿene aMŋari Ezekieri 22 Bible Online

Ezekieri 22 - Original Shona Union Bible 1949 Baiberi Magwaro Matȿene aMŋari bible

Ezekieri 22

¹Shoko raJehova rakaȿika ɀe kwandiri, riciti:

²Ɀino iwe mŋanakomana womunhu, toŋga, citoŋga guta reropa, uriziʋise ɀinonyaŋgadza ɀaro ɀose.

³Uti: Ɀanzi naShe Jehova: Iwe guta, rinoteʋura ropa mukati maro, kuti ŋguʋa yaro iȿike, rinoɀiitira ɀifananidzo, kuti riȿiɓiswe naɀo!

⁴Wapara mhaka nokuɗa kweropa rako rawakateʋura, waȿiɓiswa neɀifananidzo ɀawakaita; wasweɗedza mazuʋa ako, waȿika pamakore ako; naiɀoɀo ndakakuita cinhu cinoshoʋorwa pamberi pamamŋe marudzi, necinosekwa nenyika dzose.

⁵Ʋari pedyo newe, naʋari kure, ʋacakuseka, iwe unezita rakaȿiɓiswa, uzere neɓope.

⁶Tarira, macinda aIsraeri akapinda mukati mako, mumŋe nomumŋe nesimba rake, kuzoteʋura ropa.

⁷Ƃaɓa namai ʋakaɀidzwa mukati mako, ʋatorwa ʋakamanikidzwa mukati mako, nherera necirikadzi dzakaitirwa ɀakaipa mukati mako.

⁸Iwe wakashoʋora ɀinhu ɀaŋgu ɀitȿene, wakamhura masaɓata aŋgu.

⁹Ʋanhu ʋanamakuhwa ʋakapinda mukati mako kuzoteʋura ropa, ʋakadya pamsoro pamakomo mukati mako, ʋakaita ɀinonyadzisa mukati mako.

¹⁰Ʋakafukura kunyadza kwamadziɓaɓa aʋo mukati mako, ʋakaninipisa mukati mako mukadzi wakaŋga asino‐kunaka nokuʋa kumŋedzi kwake.

¹¹Mumŋe wakaita ɀinonyaŋgadza nomukadzi womunuŋuna wake, mumŋe wakacinyira mukadzi womŋana wake, mumŋe ɀe mukati mako wakaninipisa hanɀadzi yake, mukunda waɓaɓa ʋake.

¹²Ʋakagamucira ɀipo mukati mako kuzoteʋura ropa; iwe wakatora mhindu yemari neyemicero, wakaɀifumisa ucimanikidza wokwako, ukandikaŋganwa — ndiɀo ɀinotaura Ishe Jehova.

¹³Naiɀoɀo, tarira, ndakaroʋanya maʋoko aŋgu pamsoro pefuma yako yawakawana nokunyeŋgera, napamsoro peropa rako rakaŋga riri mukati mako.

¹⁴Ko mŋoyo wako uŋgatsuŋga, kana maʋoko ako aŋgasimba here pamazuʋa andicakutoŋga? Ini Jehova ndakaɀitaura, ndicaɀiita.

¹⁵Ndicakuparadzira pakati pamarudzi, nokukudziŋgira kunyika dzose; ndicapedza tȿina yako mukati mako.

¹⁶Ucaɀimhurisa pamberi pamamŋe marudzi; ɀino ucaziʋa kuti ndini Jehova.

¹⁷Ɀino shoko raJehova rakaȿika kwandiri, riciti:

¹⁸Mŋanakomana womunhu, imba yaIsraeri yaita samarara kwandiri; ʋose ʋakaita sendarira netini neɗare nomutobvu mukati meʋira; ʋakaita samarara esirveri.

¹⁹Naiɀoɀo ɀanzi naShe Jehova: Mose ɀamaʋa marara, naiɀoɀo, tarirai, ndicakuʋuŋganidzirai mukati meJerusarema.

²⁰Seɀaʋanoʋuŋganidzira sirveri nendarira neɗare nomutobvu netini mukati meʋira, kuti ʋapfutidzire mŋoto pamsoro paɀo, ʋaɀinyause, saiɀoɀo ndicakuʋuŋganidzai nokutsamŋa kwaŋgu nehasha dzaŋgu, ndikuisei’mo, ndikunyausei.

²¹Ɀirokwaɀo, ndicakuʋuŋganidzai, nokupfutidza mŋoto wehasha dzaŋgu pamsoro penyu; mucanyauswa mukati maro.

²²Sirveri seɀainonyauswa mukati meʋira, saiɀoɀo imi mucanyauswa mukati maro; ɀino mucaziʋa kuti ini Jehova ndakaɗurura hasha dzaŋgu pamsoro penyu.

²³Ɀino shoko raJehova rakaȿika kwandiri, riciti:

²⁴Mŋanakomana womunhu, uti kwairi: Iwe uri nyika isino‐kunatswa, isino‐kunisirwa mvura nezuʋa reshuŋgu dzaŋgu.

²⁵Ʋaprofita ʋayo ʋakaita raŋgano mukati mayo; seshumba inoʋomba icibvanzura cayaɓata, saiɀoɀo ʋakapedza mŋeya yaʋanhu; ʋakatora fuma neɀinokosha, ʋakawanza cirikadzi mukati mayo.

²⁶Ʋaprista ʋayo ʋakaparadza murairo waŋgu, ʋakamhura ɀinhu ɀaŋgu ɀitȿene; haʋana‐kutsaura pakati peɀitȿene neɀisati ɀiri ɀitȿene, kana kuziʋisa ʋanhu kusiyana kweɀisino‐kunaka neɀakanaka, ʋakatsinzina meso aʋo ʋarege kuʋona masaɓata aŋgu; ini ndamhurwa pakati paʋo.

²⁷Macinda ayo mukati mayo ʋakafanana namapere anobvanzura ɀaaɓata, ʋaciteʋura ropa nokuparadza mŋeya, kuti ʋawane fuma ʋacinyeŋgera.

²⁸Ʋaprofita ʋayo ʋakaʋaʋuwira nesuko, ʋaciʋona ɀinonyeŋgera nokuʋaʋukira ɀenhema, ʋaciti: Ɀanzi naShe Jehova, iɀo Jehova haana‐kutaura.

²⁹Ʋanhu ʋenyika ʋakamanikidza nokupamba; ɀirokwaɀo ʋakatambudza ʋarombo naʋanoshaiwa, ʋakamanikidza mutorwa asinemhaka hake.

³⁰Ɀino ndakatȿaka pakati paʋo munhu uŋgagadzira ruȿiŋgo, uŋgamira pakakoromoka pamberi paŋgu acirwira nyika, kuti ndirege kuiparadza; asi handina‐kuwana nomumŋe.

³¹Naiɀoɀo ndakaɗurura shuŋgu dzaŋgu pamsoro paʋo; ndakaʋapedza nomŋoto wehasha dzaŋgu; ndakaʋuyisa ɀaʋakaita pamisoro yaʋo — ndiɀo ɀinotaura Ishe Jehova.