Read Original Shona Union Bible 1949 Baiberi Magwaro Matȿene aMŋari Ezekieri 23 Bible Online

Ezekieri 23 - Original Shona Union Bible 1949 Baiberi Magwaro Matȿene aMŋari bible

Ezekieri 23

¹Ɀino shoko raJehova rakaȿika ɀe kwandiri, riciti:

²Mŋanakomana womunhu, kwakaŋga kunaʋakadzi ʋaʋiri, ʋanasikana ʋamai ʋamŋe;

³iʋo ʋakapata paEgipita, ʋakapata ʋaciri ʋaɗuku; mazamu aʋo akanyaŋgatwa ipapo, minyato yoʋumhandara bgaʋo yakaɓatwa‐ɓatwa’po.

⁴Mazita aʋo akaŋga ari Ohora, mukuru, naOhoriba munuŋuna wake; iʋo ʋakazoʋa ʋaŋgu, ʋakaɓereka ʋanakomana naʋanasikana. Ɀino kana ari mazita aʋo, Samaria ndiOhora, Jerusarema ndiOhoriba.

⁵Ohora wakapata, ari waŋgu, akaɗana naʋaɗikani ʋake, iʋo ʋaAsiria ʋaigara pedyo naye,

⁶ʋaifuka miceka mitema, ʋaiʋa ʋaɓati namadzishe, ose ari majaya anoɗikanwa, ʋataȿi ʋaifamba namabiza.

⁷Iye akapata naʋo, iʋo ʋarume ʋakatsaurwa ʋose pakati peAsiria; ɀino waiɀiȿiɓisa neɀifananidzo ɀaʋose ʋaiɗikanwa naye.

⁸Ʋuye haana‐kuzorega kupata kwake kwaakabva nako Egipita; nokuti ʋakaʋata naye aciri muɗuku, ʋakaɓata‐ɓata minyato yoʋumhandara bgake, ʋakaɗurura ʋupombge bgaʋo pamsoro pake.

⁹Naiɀoɀo ndakamuisa mumaʋoko aʋaɗikani ʋake, mumaʋoko aʋaAsiria, ʋaakaɗana naʋo.

¹⁰Iʋo ʋakafukura kunyadza kwake, ʋakatora ʋanakomana naʋanasikana ʋake, ʋakamuʋuraya iye nomunondo, zita rake rikazosekwa pakati paʋakadzi; nokuti ʋakamutoŋga.

¹¹Ɀino munuŋuna wake Ohoriba wakaɀiʋona hake, kunyaŋge ɀakaɗaro iye wakaŋga akanyanya pakuɗana kwake naʋaɗikani, ʋuye kupata kwake kwakapfuʋura kupata kwomukuru wake.

¹²Iye wakaɗana naʋaAsiria, ʋaiʋa ʋaɓati namadzishe, ʋaigara pedyo naye, ʋakafuka ɀakaiȿo‐naka kwaɀo, ʋari ʋataȿi ʋanofamba namabiza, ose ari majaya anoɗikanwa.

¹³Ɀino ndakaʋona kuti wasiɓiswa; iʋo ʋose ʋakafamba nenzira imŋe.

¹⁴Akawedzera kupata kwake; nokuti wakaʋona ɀifananidzo ɀaʋarume pamadziro, ɀiri ɀifananidzo ɀaʋaKardea, ɀakaitwa nomuti mutȿuku,

¹⁵ʋakasuŋga ɀiʋuno ɀaʋo nebanhire, ʋaneŋgowani dzemiceka pamisoro yaʋo, ʋose ʋakaita samacinda kana ʋaciʋonekwa, ʋakafanana naʋaBabironi paKardea, iyo nyika yokuɓerekwa kwaʋo.

¹⁶Ɀino wakati aciʋaʋona, akaʋaɗa kwaɀo, akatuma nhume kwaʋari paKardea.

¹⁷ƲaBabironi ʋakaʋuya kwaari ari panhoʋo dzoruɗo, ʋakamuȿiɓisa noʋupombge bgaʋo, iye akaȿiɓiswa pamŋe cete naʋo, mŋeya wake ukazorambana naʋo.

¹⁸Ɀino wakati afukura kupata kwake, nokufukura kunyadza kwake, mŋeya waŋgu ukarambana naye, mŋeya waŋgu seɀawakarambana nomukuru wake.

¹⁹Kunyaŋge ɀakaɗaro wakaramba aciwedzera kupata kwake, aciraŋgarira mazuʋa oʋuɗuku bgake, aakapata nawo panyika yeEgipita.

²⁰Akaɗana ɀikuru naʋaɗikani ʋake, ʋanenyama yakaita senyama yemboŋgoro, ʋuye ɀinoɓuɗiswa naʋo ɀakaita seɀinoɓuɗiswa namabiza.

²¹Ɀino ukayeʋudzwa ɀakashata ɀoʋuɗuku bgako, paŋguʋa yawakaɓatwa‐ɓatwa minyato yako naʋaEgipita nokuɗa kwamazamu oʋumhandara bgako.

²²Naiɀoɀo iwe Ohoriba, — ndiɀo ɀinotaura Ishe Jehova — tarira, ndicakumutsira ʋaɗikani ʋako, ʋakazorambga nomŋeya wako; ndicaʋaʋuyisa kwauri kuzorwa newe kumatiʋi ose;

²³ʋanoti, ʋaBabironi, naʋaKardea ʋose, Pekodi naShoa naKoa, naʋaAsiria pamŋe cete naʋo, iwo majaya anoɗikanwa, ʋose ʋari ʋaɓati namadzishe, macinda naʋarume ʋanembiri, ʋose ʋakataȿa mabiza.

²⁴Ʋacaʋuya kuzorwa newe nenhumbi dzokurwa, neŋgoro, neɀinofamba namakumbo eŋgoro, neɓoka raʋanhu ʋazhinji; ʋacaɀiroŋgedza kuzorwa newe nenhoʋo huru nenhoʋo ɗuku neŋgowani kumatiʋi ose; ini ndicaʋapa simba rokutoŋga, ʋakutoŋge nokutoŋga kwaʋo.

²⁵Ndicamutsa goɗo raŋgu kuzorwa newe, iʋo ʋakuitire hasha; ʋacabvisa mhino dzako nenzeʋe dzako, ʋakasara kwauri ʋacaʋurawa nomunondo; ʋacatora ʋanakomana ʋako naʋanasikana ʋako; ʋakasara kwauri ʋacapera nomŋoto.

²⁶Ʋacakubvisira ʋo ŋguʋo dzako, nokukutorera ʋukomba bgako bgakanaka.

²⁷Saiɀoɀo ndicakugumisira ɀakashata ɀako nokupata kwako kwawakabva nako kunyika yeEgipita, kuti urege kuzoɀitarira ɀe nameso ako, kana kuzoraŋgarira Egipita.

²⁸Nokuti ɀanzi naShe Jehova: Tarira, ndicakuisa mumaʋoko aʋaunoʋeŋga, mumaʋoko aiʋo ʋakarambga nomŋeya wako;

²⁹iʋo ʋacakuitira ruʋeŋgo, ʋacakutorera ɀose ɀawakaɓatira, ʋakakurega usina‐cawakafuka wakashama; kunyadza kwokupata kwako kucafukurwa, ɀakaipa ɀako pamŋe cete nokupata kwako.

³⁰Ucaitirwa ɀinhu iɀi nemhaka yokuti wakapata namarudzi aʋanhu, ʋuye nemhaka yokuti wakaȿiɓiswa neɀifananidzo ɀaʋo.

³¹Iwe wakafamba nenzira yomukuru wako; saka ndicaisa mukombe wake muruʋoko rwako.

³²Ɀanzi naShe Jehova: Ucanwira pamukombe womukuru wako, wakadzika mukuru; ucasekwa nokuɗaɗirwa, nokuti iwo uneɀizhinji ɀiri’mo.

³³Ucazara nokuɓatwa nokucema; mukombe womukuru wako Samaria mukombe wokushamiswa nokuparadzwa.

³⁴Ucaunwa nokuupedza cose, ucatseŋga ɀaeŋga ɀawo, nokubvanzura mazamu ako; nokuti ndini ndakataura iɀoɀo — ndiɀo ɀinotaura Ishe Jehova.

³⁵Naiɀoɀo ɀanzi naShe Jehova: Ɀawakandikaŋganwa, ukandirashira shure kwako, naiɀoɀo ciʋa nemhoȿa yeɀakashata ɀako, neyokupata kwako.

³⁶Jehova akati ʋo kwandiri: Mŋanakomana womunhu, citoŋga Ohora naOhoriba, uʋaziʋise ɀinonyaŋgadza ɀaʋo.

³⁷Nokuti wakafeʋa, ropa riri pamaʋoko aʋo; wakafeʋa neɀifananidzo ɀaʋo; ʋakapinza ʋo ʋanakomana ʋaʋo ʋaʋakandiɓerekera mumŋoto, kuti ɀidyiwe naɀo.

³⁸Ʋakandiitira ʋo cinhu ici: ʋakaȿiɓisa ʋo nɀimbo yaŋgu tȿene nezuʋa iro, ʋakamhura masaɓata aŋgu.

³⁹Nokuti ʋakati ʋaɓayira ɀifananidzo ɀaʋo ʋana ʋaʋo, ʋakapinda nezuʋa iro munɀimbo yaŋgu tȿene kuti ʋaimhure; tarirai, ndiɀo ɀaʋakaita mukati meimba yaŋgu.

⁴⁰Makatuma ʋo nhume kundoɗana ʋarume ʋanobva kure — nhume yakatumŋa’ko kwaʋari — iʋo ʋakaʋuya, iwe ukaɀishamba nokuɗa kwaʋo, ukazodza meso ako nomuti, nokuɀishoŋgedza neɀishoŋgo,

⁴¹ukagara panhoʋo dzakaiȿo‐naka, dzakaŋga dzakagadzirirwa tafura pamberi padzo, pawakagadzika ɀinonhuwira ɀaŋgu namafuta aŋgu.

⁴²Inzwi raʋazhinji ʋakaŋga ʋacifara rakaŋga rinaye; ɀino pamŋe cete naʋarume ʋakabva kuʋazhinji, ʋakaʋuya naʋakariri ʋeɗoro, ʋaibva kurenje, ʋakaisa ɀishoŋgo pamaʋoko aʋo, nekorona dzakanaka pamisoro yaʋo.

⁴³Ɀino ndakati kunaiye wakaŋga apera nokufeʋa kwake: Ɀino ʋacaita ʋupombge naye, naiye naʋo.

⁴⁴Ipapo ʋakapinda kwaari, seɀaʋanopinda kucifeʋe; saiɀoɀo ʋakapinda kunaOhora naOhoriba, iʋo ʋakadzi ʋakashata.

⁴⁵Naiɀoɀo ʋarume ʋakarurama ʋacaʋatoŋga seɀinotoŋgwa ɀifeʋe, seɀinotoŋgwa ʋakadzi ʋakateʋura ropa, nokuti ɀifeʋe, ropa riri pamaʋoko aʋo.

⁴⁶Nokuti ɀanzi naShe Jehova: Ndicaʋuyisa ɓoka raʋarwi kuzorwa naʋo, ndicaʋaregera kuti ʋadzuŋgaidzwe kwose‐kwose ʋapambge.

⁴⁷Ƃoka iro ricaʋataka namabge, nokuʋaɓaya neminondo yaʋo; ʋacaʋuraya ʋanakomana ʋaʋo naʋanasikana ʋaʋo, nokupisa dzimba dzaʋo nomŋoto.

⁴⁸Saiɀoɀo ndicagumisa ɀakashata panyika, kuti ʋakadzi ʋose ʋadzidziswe kuti ʋarege kuteʋera ɀakashata ɀenyu.

⁴⁹Ʋacakutsiʋirai ɀakashata ɀenyu, imi mucaʋa neɀiʋi ɀeɀifananidzo ɀenyu; ɀino mucaziʋa kuti ndini Ishe Jehova.