Read Original Shona Union Bible 1949 Baiberi Magwaro Matȿene aMŋari Ezekieri 24 Bible Online

Ezekieri 24 - Original Shona Union Bible 1949 Baiberi Magwaro Matȿene aMŋari bible

Ezekieri 24

¹Ɀino negore repfumbamŋe, nomŋedzi wegumi, nezuʋa regumi romŋedzi, shoko raJehova rakaȿika kwandiri, riciti:

²Mŋanakomana womunhu, nyora zita rezuʋa, rezuʋa iro rino. Mambo weBabironi wakasweɗera Jerusarema nezuʋa irero.

³Ureʋe mufananidzo kuimba inondimukira, uti kwaʋari: Ɀanzi naShe Jehova: Gadza gate, rigadze, uɗire ʋo mvura mariri;

⁴ʋuŋganidzira ’mo nhindi dzaro, nhindi dzose dzakanaka, cidɀa neɓandaʋuko; rizadze namafupa akasanaŋgurwa.

⁵Tora rakasanaŋgurwa pakati pamakwai, neȿiŋga rehuni pasi pamafupa, riʋirise kwaɀo, mafupa aro aɓikwe mukati maro.

⁶Naiɀoɀo ɀanzi naShe Jehova: Guta reropa rinenhamo, negate rineŋgura mukati maro, risina‐kubvisirwa ŋgura yaro! Ƃuɗisa’mo nhindi imŋe neimŋe; rigere kutoŋgerwa.

⁷Nokuti ropa raro riri mukati maro, rakariisa paruware rusinecinhu, harina‐kuriɗururira pasi, kuti ririfukidze neguruʋa.

⁸Ndakaisa ropa raro paruware rusinecinhu, rirege kufukidzwa, kuti hasha dzaŋgu dzimutswe kuzotsiʋa.

⁹Naiɀoɀo ɀanzi naShe Jehova: Guta rineropa rinenhamo! Ndicakurisa ʋo ȿiŋga rehuni.

¹⁰Tutirai huni, pfutidzai mŋoto, ɓikai nyama ɀakanaka, kodzai muto, mafupa atȿe.

¹¹Ɀino urigadze pamazimbe awo risineciro, ripise, ndarira yaro itȿuke, matȿina aro anyauke mukati maro, kuti ŋgura yaro ipere.

¹²Rakandinetsa nokuɓata ɀikuru; kunyaŋge ɀakaɗaro ŋgura yaro haibvi mukati maro; ŋgura yaro ŋgaiiswe mumŋoto!

¹³Tȿina yako ineɀakashata; ɀandakakunatsa, ukasanatswa, hauŋgazonatswi patȿina yako, kuȿikira ndanyaradza hasha dzaŋgu pamsoro pako.

¹⁴Ini Jehova ndakaɀitaura, ɀicaitika, ini ndicaɀiita, handiŋgadzoki, handiŋgapembedzi, kana kuɀiɗemba; ʋacakutoŋga seɀakafanira nzira dzako, seɀakafanira ɀawakaita — ndiɀo ɀinotaura Ishe Jehova.

¹⁵Ɀino shoko raJehova rakaȿika ʋo kwandiri riciti:

¹⁶Mŋanakomana womunhu, tarira, ndinokutorera pakarepo norufu unoɗikanwa nameso ako, asi haufaniri kucema kana kuwuŋgudza, nemisodzi yako haifaniri kuyerera.

¹⁷Gomera, asi ŋgaɀirege kunzwika, usacema wakafa; suŋgira ɀishoŋgo mumusoro wako, upfeke shaŋgu dzako patsoka dzako; usafumbira muromo wako, kana kudya ɀokudya ɀaʋanhu.

¹⁸Ipapo ndakataura naʋanhu maŋgwanani, maɗekwana mukadzi waŋgu akafa, ndikaita maŋgwanani seɀandakarairwa.

¹⁹Ɀino ʋanhu ʋakati kwandiri: Ko hauŋgatiʋudzi ʋo kuti ɀinhu iɀi ɀinoti kuɗini kwatiri, ɀaunoita ɀakaɗaro here?

²⁰Ɀino ndikati kwaʋari: Shoko raJehova rakaȿika kwandiri, riciti:

²¹Taura neimba yaIsraeri, uti: Ɀanzi naShe Jehova: Tarirai, ndicamhura nɀimbo yaŋgu tȿene, yamunoɀikudza nayo muciti isimba renyu, inoɗikanwa nameso enyu, inonzwirwa tsitsi nemŋeya yenyu; ʋanakomana ʋenyu naʋanasikana ʋenyu ʋamakasiya, ʋacaʋurawa nomunondo.

²²Ipapo mucaita seɀandakaita ini, hamuŋgafumbiri miromo yenyu, kana kudya ɀokudya ɀaʋanhu.

²³Ɀishoŋgo ɀenyu ɀicaʋa pamisoro yenyu, neshaŋgu dzenyu patsoka dzenyu; hamuŋgacemi kana kuwuŋgudza, asi mucapera muɀakaipa ɀenyu, mucigomerana.

²⁴Saiɀoɀo Ezekieri ucaʋa ciratidzo kwamuri; ɀose ɀaakaita iye, nemi mucaɀiita ʋo; kana ɀiciȿika, mucaziʋa kuti ndini Ishe Jehova.

²⁵Ɀino kana uri’we, mŋanakomana womunhu, nomusi wandicaʋatorera simba raʋo, iwo mufaro wecakanaka caʋo, cinoɗikanwa nameso aʋo, ico cinoɗikanwa nemŋeya yaʋo, ʋanakomana ʋaʋo naʋanasikana ʋaʋo,

²⁶ko nomusi uyo unopukunyuka haaŋgaʋuyi kwauri kuti akuʋudze iɀoɀo munzeʋe dzako here?

²⁷Nomusi uyo muromo wako ucashamisirwa wakapukunyuka, ucataura, hauŋgazoʋi mbeʋeʋe; saiɀoɀo ucaʋa ciratidzo kwaʋari; ɀino ʋacaziʋa kuti ndini Jehova.