Read Original Shona Union Bible 1949 Baiberi Magwaro Matȿene aMŋari Ezekieri 26 Bible Online

Ezekieri 26 - Original Shona Union Bible 1949 Baiberi Magwaro Matȿene aMŋari bible

Ezekieri 26

¹Ɀino negore regumi nerimŋe, nezuʋa rokutaŋga romŋedzi, shoko raJehova rakaȿika kwandiri, riciti:

²Mŋanakomana womunhu, Tire ɀarakati pamsoro peJerusarema: Toko! Raputsika, iro raiʋa suʋo ramarudzi; roriŋgira kwandiri, ɀino ini ndicazadzwa ɀe, iro ɀaraitwa ɗoŋgo.

³Naiɀoɀo ɀanzi naShe Jehova: Tarira, ndinemhaka newe, iwe Tire, ndicaʋuyisa marudzi mazhinji kuzorwa newe, seɀinoʋuyisa guŋgwa mafuŋgu aro.

⁴Ʋacaparadza maȿiŋgo eTire, nokukoromora shoŋgwe dzaro; ndicaritȿairira guruʋa raro, riite soruware rusinecinhu.

⁵Ricaʋa nɀimbo panonikwa mimbure pakati peguŋgwa, nokuti ndakaɀitaura ini — ndiɀo ɀinotaura Ishe Jehova; ricaʋa kumarudzi secinhu cakapambga.

⁶Ʋakunda ʋaro ʋari kuruwa ʋacaʋurawa nomunondo; ɀino ʋacaziʋa kuti ndini Jehova.

⁷Nokuti ɀanzi naShe Jehova: Tarirai, ndicaʋuyisira Tire Nebukadrezari mambo weBabironi, mambo wamadzimambo, acibva kurutiʋi rwokumsoro anamabiza neŋgoro naʋataȿi ʋamabiza, nehondo naʋanhu ʋazhinji.

⁸Iye ucaʋuraya nomunondo ʋakunda ʋako ʋari kuruwa, ucakuʋakira nhare dzokurwa newe, nokukututira murwi wokurwa newe, nokukusimudzira nhoʋo yokurwa.

⁹Ucamisa ɀokugumura pamaȿiŋgo ako, ucakoromora shoŋgwe dzako nehubga.

¹⁰Nokuwanda kwamabiza ake guruʋa rawo ricakufukidza; maȿiŋgo ako acaɗeŋgenyeka nomubvumo waʋataȿi ʋamabiza, namakumbo eŋgoro, neŋgoro, paŋguʋa yaacapinda pamasuʋo ako, somupindirwe weguta rakakoromorerwa ruȿiŋgo.

¹¹Ucatsika nzira dzako dzose dzomuguta namahwanda amabiza ake, ucaʋuraya ʋanhu ʋako nomunondo, neshoŋgwe dzinoratidza simba renyu dzicawira pasi.

¹²Ʋacapamba fuma yako nokukutorera ɀokushambadzira ɀako, ʋacakoromora maȿiŋgo ako, nokuparadza dzimba dzako dzinofadza; ʋacaisa mabge ako namatanda ako neguruʋa rako mukati memvura zhinji.

¹³Ndicagumisa manzwi enziyo dzako, kurira kwembira dzako hakuŋgazonzwiki.

¹⁴Ndicakuita ruware rusinecinhu, ucaʋa nɀimbo panonikwa mimbure; haucazoʋakwi ɀe, nokuti ini Jehova ndakaɀitaura — ndiɀo ɀinotaura Jehova.

¹⁵Ɀanzi naShe Jehova kuTire: Ko ɀiwi haɀiŋgaɗeŋgenyeki here nomubvumo wokuwa kwako, kana ʋakakuʋadzwa ʋacigomera, kana ʋanhu ʋaciʋurawa mukati mako here?

¹⁶Neŋguʋa iyo macinda ose okuguŋgwa acaɓuruka paɀigaro ɀawo ɀoʋushe, ʋacaisa pasi ŋguʋo dzaʋo dzoʋushe nokubvisa ɀokufuka ɀaʋo ɀakarukwa; ʋacafuka kuɗeɗera, ʋacagara pasi ʋaciŋgoɗeɗera ʋacishamiswa pamsoro pako.

¹⁷Ʋacaita mariro pamsoro pako, ʋaciti kwauri: Haiwa, wakaparadzwa sei, iwe wakaŋga wakagarwa naʋanhu ʋaiziʋa kufamba neguŋgwa, iro guta rakaŋga rinembiri, rakaŋga rinesimba paguŋgwa, iro naʋanhu ʋaro, ʋaityisa ʋose ʋagere’ko.

¹⁸Ɀino ɀiwi ɀicaɗeŋgenyeka nezuʋa rokuwa kwako; ɀirokwaɀo, ɀiwi ɀiri muguŋgwa ɀicavunduka nokubviswa kwako.

¹⁹Nokuti ɀanzi naShe Jehova: Neŋguʋa yandicakuita guta ɗoŋgo, seɀakaita maguta asinaʋanhu, neŋguʋa yandicaʋuyisa guŋgwa rakadzika pamsoro pako, ukafukidzwa nemvura zhinji;

²⁰neŋguʋa iyo ndicakuɓurusa pamŋe cete naʋanoɓurukira mugomba, kuʋanhu ʋekare; ndicakugarisai panɀimbo dziri pasi dzenyika, pakaŋga panamatoŋgo kare nakare, pamŋe cete naʋanoɓurukira mugomba, kuti urege kugarwa naʋanhu; asi ndicaisa mufaro munyika yaʋapenyu.

²¹Asi iwe ndicakuita cinhu cinotyisa, hauŋgazoʋi’po; kunyaŋge ukatȿakwa, hauŋgawanikwi ɀe nokusiŋgaperi — ndiɀo ɀinotaura Ishe Jehova.