Read Original Shona Union Bible 1949 Baiberi Magwaro Matȿene aMŋari Ezekieri 27 Bible Online

Ezekieri 27 - Original Shona Union Bible 1949 Baiberi Magwaro Matȿene aMŋari bible

Ezekieri 27

¹Ɀino shoko raJehova rakaȿika ɀe kwandiri, riciti:

²Ɀino iwe, mŋanakomana womunhu, ita mariro pamsoro peTire;

³uti kuTire: Nhai iwe ugere paʋanopinda paguŋgwa, iwe unoshambadzirana namarudzi aʋanhu paɀiwi ɀizhinji, ɀanzi naShe Jehova: Iwe Tire, wakati: Ndakakwana pakunaka.

⁴Nyika yako iri mumŋoyo wamakuŋgwa; ʋaʋaki ʋako ʋakakwanisa kunaka kwako.

⁵Ʋakaita mapuraŋga ako ose nemisipresi inobva Seniri; ʋakatora musidari weRebanoni kukuitira ɗanda recikepe.

⁶Matanda ako okukwaȿa nawo ʋakaaita nemiouki yeBashani; ʋakaita ɀigaro ɀako paɀikepe nenyaŋga dzenzou dzakaʋezerwa mumapuraŋga emipaini yakabva kuɀiwi ɀeKitimi.

⁷Maseiri ako aiʋa omuceka wakaiȿo‐naka, wakasonerwa ʋukomba, aibva Egipita, kuti uʋe mureza wako; ɗeŋga rako raiʋa romuceka mutema nomutȿuku waibva kuɀiwi ɀeErisha.

⁸Ʋakaŋga ʋagere Sidoni neArvadi ndiʋo ʋaiʋa ʋakwaȿi ʋako; ʋanhu ʋako ʋakacenjera, iwe Tire, ʋakaŋga ʋari mukati mako, ndiʋo ʋaiʋa ʋafambisi ʋeɀikepe ɀako.

⁹Ʋakuru ʋeGebari naʋakacenjera ʋaro ʋaiʋa mukati mako ʋacikugadzirira paisinirira mvura; ɀikepe ɀose ɀeguŋgwa ɀaiʋa mukati mako pamŋe cete naʋafambisi ʋaɀo kuti ʋashambadzirane newe.

¹⁰Ʋanhu vePersia neRudi nePuti ʋaiʋa muhondo yako, ʋaiʋa ʋarwi ʋako; ʋaiturikira mukati mako nhoʋo dzaʋo neŋgowani dzaʋo; ʋaikuitira mbiri.

¹¹Ʋarume ʋeArvadi ʋaiʋa pamsoro pamaȿiŋgo ako kumatiʋi ose pamŋe cete nehondo yako, nemhare dzaiʋa pamsoro peshoŋgwe dzako; ʋaiturika nhoʋo dzaʋo pamaȿiŋgo ako kumatiʋi ose, ʋaikwanisa kunaka kwako.

¹²Tarshishi raishambadzirana newe nokuɗa kwefuma zhinji yamarudzi ose, ʋakateŋga nhumbi dzako nesirveri neɗare netini nomutobvu.

¹³Nyika dzeJavani, Tubari, neMesheki ndiʋo ʋaiteŋgerana newe, ʋaiteŋga nhumbi dzako nemiʋiri yaʋanhu nemidziyo yendarira.

¹⁴Ʋeimba yaTogarma ʋakateŋga nhumbi dzako namabiza namabiza ehondo namahesera.

¹⁵Ʋarume ʋeDedani ndiʋo ʋaiteŋgerana newe; ɀiwi ɀizhinji ɀaiʋa nɀimbo pawaiteŋgesa noruʋoko rwako; ʋaiʋuya nenyaŋga dzenzou namatanda omushuma kuzotsinhanha newe.

¹⁶Nyika yeSiria yaishambadzirana newe nokuɗa kweɀizhinji ɀako ɀakaitwa namaʋoko; ʋakateŋga nhumbi dzako namabge esmaragdino, nomuceka mutema, neɀakarukwa, nomuceka wakaiȿo‐naka, nekorari, namabge anoʋaima.

¹⁷Juda nenyika yaIsraeri ndiʋo ʋaiteŋgerana newe; ʋaiteŋga nhumbi dzako neɀiyo ɀeMiniti, neɀinotapira, noʋuci, namafuta, nebarsami.

¹⁸Damasko raishambadzirana newe riciteŋga ɀizhinji ɀako ɀakaitwa namaʋoko, nokuɗa kwefuma zhinji yamarudzi ose, newaini yeHerboni nemvere cena.

¹⁹Nyika dzeVedani neJavani dzakateŋga nhumbi dzako necinda; ɗare rinobginya, nekasia, nekaramo ndiɀo ɀakaŋga ɀiri pakati penhumbi dzako.

²⁰Dedani raikuteŋgesera miceka inokosha yokutaȿisa mabiza nayo.

²¹Nyika yeArabia namacinda ose enyika yeKedari ndiʋo ʋaiteŋga pamaʋoko enyu; makwaiana namakondobge nembudzi ndiɀo ɀaʋaiteŋga kwauri.

²²Ʋateŋgesi ʋeSheba neRaama ndiʋo ʋaiteŋgerana newe; ʋaishambadzira nhumbi dzako neɀinonhuwira ɀakaiȿo‐naka, namabge ose anokosha, nendarama.

²³Harani neCane neEdeni iʋo ʋateŋgesi ʋeSheba neAshuri neKirmadi ndiʋo ʋaiteŋgerana newe.

²⁴Ndiʋo ʋaiteŋgerana newe nenhumbi dzakatsaurwa, neŋguʋo dzemiceka mitema neɀakarukwa, namabokisi eɀokufuka ɀinokosha, akasuŋgwa namaɓote, akaʋezwa nemisidari, pakati penhumbi dzako.

²⁵Ɀikepe ɀeTarshishi ndiɀo ɀaitakura nhumbi dzako, iwe ukazadzwa, ukaitirwa mbiri mumŋoyo yamakuŋgwa.

²⁶Ʋakwaȿi ʋako ʋakakuisa kumvura zhinji; mhepo yokumabvazuʋa yakakuputsa mumŋoyo wamakuŋgwa.

²⁷Fuma yako, nenhumbi dzako, neɀokuteŋgesa ɀako, ʋafambisi ʋeɀikepe ɀako, naʋarairi ʋaɀo, naʋagadziri ʋako panosinirira mvura, naʋashambadziri ʋenhumbi dzako, naʋarwi ʋako ʋose, ʋari mukati mako, naʋanhu ʋako ʋazhinji ʋari mukati mako, ɀose ɀicawira mumŋoyo wamakuŋgwa nezuʋa rokuparadzwa kwako.

²⁸Mafuŋgu acaɗeŋgenyeka nomubvumo wokuɗanidzira kwaʋarairi ʋeɀikepe ɀako.

²⁹Ʋose ʋanoɓata namatanda okukwaȿa, iʋo ʋafambisi naʋarairi ʋose ʋapaguŋgwa, ʋacaɓuruka paɀikepe ɀaʋo; ʋacamira pamhenderekedzo,

³⁰ʋacaɗana namanzwi aʋo pamsoro pako, ʋacacema kwaɀo, ʋacikushira guruʋa pamisoro yaʋo; ʋacaʋumburukira mumaɗota;

³¹ʋacaɀiʋeʋurira misoro nokuɗa kwako, ʋacaɀisuŋga ɀiʋuno namasaga, ʋacikucema nemŋeya ineshuŋgu kwaɀo nokucema kukuru.

³²Pakucema kwaʋo ʋacakuitira mariro, ʋacacema pamsoro pako, ʋaciti: Ndianiko wakatoŋgofanana neTire, wakaita saiye wakaparadzwa mukati meguŋgwa?

³³Paŋguʋa yakaenda nhumbi dzako kumakuŋgwa, wakagutisa ʋanhu ʋazhinji; wakafumisa madzimambo enyika nefuma yako zhinji neɀawaiteŋgesa.

³⁴Paŋguʋa yawakaputswa namakuŋgwa mukati memvura zhinji yakadzika, nhumbi dzako naʋanhu ʋako ʋose ɀakawira pasi mukati mako.

³⁵Ʋose ʋagere paɀiwi ʋanoshamiswa pamsoro pako, madzimambo aʋo anotya kwaɀo; ɀiso ɀaʋo ɀinoɗeɗera.

³⁶Ʋateŋgesi pakati pamarudzi aʋanhu ʋanokuridzira muridzo, waʋa cinhu cinotyisa, hauŋgatoŋgozoʋi’po.