Read Original Shona Union Bible 1949 Baiberi Magwaro Matȿene aMŋari Ezekieri 30 Bible Online

Ezekieri 30 - Original Shona Union Bible 1949 Baiberi Magwaro Matȿene aMŋari bible

Ezekieri 30

¹Shoko raJehova rakaȿika ɀe kwandiri, riciti:

²Mŋanakomana womunhu, profita, uti: Ɀanzi naShe Jehova: Wuŋgudzai! Haiwa, zuʋa rakaipa sei!

³Nokuti zuʋa raʋa pedyo, zuʋa raJehova raʋa pedyo, izuʋa ramakore; icaʋa ŋguʋa yamarudzi aʋanhu.

⁴Munondo ucaʋuya pamsoro peEgipita, kurwadziwa kukuru kucaʋa’po paEtiopia, kana ʋakaʋurawa ʋaciparadzwa paEgipita; ʋacabvisa ʋanhu ʋayo ʋazhinji, nenheyo dzayo dzicakoromorwa.

⁵Etiopia nePuti, neRudi, naʋanhu ʋose ʋakaveŋgana, neKubi, naʋana ʋenyika ʋakaita suŋgano, ʋacaparadzwa pamŋe cete naʋo nomunondo.

⁶Ɀanzi naJehova: Naiʋo ʋanotsigira Egipita ʋacaparadzwa; kuɀikudza kwesimba rayo kucaɗerera; ʋacaparadzwa’mo nomunondo kubva paMigdori kuȿikira paSevene.

⁷Ʋacaʋa ɗoŋgo pakati penyika dzakaitwa matoŋgo, namaguta ayo acaʋa pakati pamaguta akaitwa matoŋgo.

⁸Ɀino ʋacaziʋa kuti ndini Jehova, kana ndaisa mŋoto paEgipita, ʋaɓatsiri ʋayo ʋose ʋaparadzwa.

⁹Nezuʋa iro nhume dzicabva kwandiri neɀikepe kundotyisa ʋaEtiopia ʋasinehanya; ʋacaʋa nokurwadziwa kukuru, sapazuʋa reEgipita; nokuti, tarirai, ɀinoʋuya.

¹⁰Ɀanzi naShe Jehova: Ndicagumisa ʋo ʋanhu ʋazhinji ʋeEgipita noruʋoko rwaNebukadrezari mambo weBabironi.

¹¹Iye naʋanhu ʋake ʋaanaʋo, ʋanotyisa ɀikuru pakati pamarudzi, ʋacaʋuyiswa’mo kuzoparadza nyika; ʋacavomorera Egipita minondo yaʋo, nokuzadza nyika naʋakaʋurawa.

¹²Ndicapxisa mvura yenzizi, nokuteŋgesa nyika mumaʋoko aʋanhu ʋakaipa; nyika ndicaiita ɗoŋgo, neɀose ɀiri’mo, noruʋoko rwaʋatorwa; ini Jehova, ndakataura iɀoɀo.

¹³Ɀanzi naShe Jehova: Ndicaparadza ʋo ɀifananidzo, nemifananidzo ndicaigumisa paNofi; hapaŋgazoʋi nomucinda kunyika yeEgipita; ndicaisa kutya panyika yeEgipita.

¹⁴Patrosi ndicariita ɗoŋgo, paZoani ndicaisa mŋoto, ndicaita ɀandakatoŋga pamsoro peNo.

¹⁵Ndicaɗurura hasha dzaŋgu pamsoro peSini, iyo nhare yeEgipita; ndicaparadza ʋanhu ʋazhinji ʋeNo.

¹⁶Ndicaisa mŋoto paEgipita; Sini ricaɓatwa nokurwadziwa kukuru, No ricaparadzwa, Nofi ricaʋa naʋaʋeŋgi masikati.

¹⁷Majaya eAveni neePibeseti acaʋurawa nomunondo, maguta awa acatapxa.

¹⁸PaTapanesi masikati acaita rima, kana ndicivuna’po majoko eEgipita, kuɀikudza kwesimba raro kucapera mukati maro; kana riri iro, ricafukidzwa negore, ʋakunda ʋaro ʋacatapxa.

¹⁹Saiɀoɀo ndicaita ɀandakatoŋga pamsoro peEgipita; ɀino ʋacaziʋa kuti ndini Jehova.

²⁰Ɀino negore regumi nerimŋe, nomŋedzi wokutaŋga, nezuʋa recinomŋe romŋedzi, shoko raJehova rakaȿika kwandiri, riciti:

²¹Mŋanakomana womunhu, ndavuna ruʋoko rwaFarao mambo weEgipita; ɀino tarira, harunakupomberwa, kuti rurapxe nemishoŋga, rupomberwe muceka, kuti ruʋe nesimba rokuɓata munondo.

²²Naiɀoɀo ɀanzi naShe Jehova: Tarirai, ndinemhaka naFarao mambo weEgipita, ndicavuna maʋoko ake, irwo runesimba norumŋe rwakavunika; ndicawisa pasi munondo uri paruʋoko rwake.

²³Ndicaparadzira ʋaEgipita pakati pamarudzi, ndicaʋadziŋgira kunyika dzose.

²⁴Asi ndicasimbisa maʋoko amambo weBabironi, nokuisa munondo waŋgu muruʋoko rwake; asi ndicavuna maʋoko aFarao, ucagomera pamberi pake seɀinogomera munhu wakakuʋadzwa uri pakufa.

²⁵Ndicatsigira maʋoko amambo weBabironi, asi maʋoko aFarao acaremberera pasi; ɀino ʋacaziʋa kuti ndini Jehova, kana ndiciisa munondo waŋgu muruʋoko rwamambo weBabironi, iye akautambanudzira pamsoro penyika yeEgipita.

²⁶Ndicaparadzira ʋaEgipita pakati pamarudzi aʋanhu, nokuʋadziŋgirira kunyika dzose; ɀino ʋacaziʋa kuti ndini Jehova.