Read Original Shona Union Bible 1949 Baiberi Magwaro Matȿene aMŋari Ezekieri 32 Bible Online

Ezekieri 32 - Original Shona Union Bible 1949 Baiberi Magwaro Matȿene aMŋari bible

Ezekieri 32

¹Ɀino negore regumi namaʋiri, nomŋedzi wegumi nemiʋiri, nezuʋa rokutaŋga romŋedzi, shoko raJehova rakaȿika kwandiri, riciti:

²Mŋanakomana womunhu, itira Farao mambo weEgipita mariro, uti kwaari: Iwe wakaŋga wakafananidzwa neshumba ɗuku pakati pamarudzi; asi uri shato huru mumakuŋgwa; wakaɓuɗa munzizi dzako, ukabvoŋgodza mvura netsoka dzako, nokuȿiɓisa nzizi dzaʋo.

³Ɀanzi naShe Jehova: Ndicakanda mumbure waŋgu pamsoro pako neɓoka raʋanhu ʋazhinji, iʋo ʋacakuɓata nomumbure waŋgu.

⁴Ndicakusiya panyika, ndicakurashira kusaŋgo pakacena, ndicamharisa shiri dzose dzokuɗeŋga pamsoro pako, ndicagutisa ɀikara ɀenyika dzose newe.

⁵Ndicanika nyama yako pamsoro pamakomo, nokuzadza mipata nokukwirira kwako.

⁶Ndicaɗiridza ʋo nyika neropa rako rinoyerera ricibva kwauri, kuȿikira kumakomo; hoʋa dzicazara newe.

⁷Kana ndicikudzima, ndicafukidza ɗeŋga, nokudzima nyeredzi dzaro; ndicafukidza zuʋa negore, nomŋedzi hauŋgaɓuɗisi ciedza cawo.

⁸Ɀiedza ɀose ɀeɗeŋga, ɀinopenya, ndicaɀidzima pamsoro pako, ndiciisa rima panyika yako — ndiɀo ɀinotaura Ishe Jehova.

⁹Ndicaʋodza ʋo mŋoyo yamarudzi mazhinji aʋanhu, kana ndiciȿitsa kuparadzwa kwako pakati pamarudzi, nokunyika dzawakaŋga usiŋgaziʋi iwe.

¹⁰Ɀirokwaɀo, ndicashamisa marudzi mazhinji aʋanhu pamsoro pako, madzimambo aʋo acakutya ɀikuru kwaɀo, kana ndicitendeka munondo waŋgu pamberi paʋo; ʋacaɗeɗera ŋguʋa dzose, mumŋe nomumŋe nokuɗa kwoʋupenyu bgake, nezuʋa rokuparadzwa kwako.

¹¹Nokuti ɀanzi naShe Jehova: Munondo wamambo waBabironi ucaʋuya pamsoro pako.

¹²Ndicaraira minondo yaʋanesimba kuparadza ʋanhu ʋako ʋazhinji; iʋo ʋose ndiʋo ʋanotyisa pakati pamarudzi, ʋacaparadza kuɀikudza kweEgipita, naʋanhu ʋayo ʋazhinji ʋacaparadzwa.

¹³Ndicaparadza ʋo ɀipfuwo ɀayo ɀose ɀiri kunhiʋi dzemvura zhinji, hakuŋgazoʋi norutsoka rwomunhu rucaibvoŋgodza, kana mahwanda eɀipfuwo aŋgazoibvoŋgodza.

¹⁴Ipapo ndicacenesa mvura yaʋo, nokuyeredza nzizi dzaʋo samafuta — ndiɀo ɀinotaura Ishe Jehova.

¹⁵Ɀino neŋguʋa yandicaita nyika yeEgipita ɗoŋgo rakaparadzwa, nyika yakatorerwa ɀayakaŋga izere naɀo, neŋguʋa yandicaroʋa ʋose ʋagere’mo, neŋguʋa iyo ʋacaziʋa kuti ndini Jehova.

¹⁶Awa ndiwo mariro aʋacacema nawo; ʋakunda ʋamarudzi ʋacacema nawo; ʋacacema nawo pamsoro peEgipita naʋanhu ʋose ʋayo ʋazhinji — ndiɀo ɀinotaura Ishe Jehova.

¹⁷Ɀino negore regumi namaʋiri, nezuʋa regumi namashanu romŋedzi, shoko raJehova rakaȿika kwandiri riciti:

¹⁸Mŋanakomana womunhu, wuŋgudza pamsoro paʋanhu ʋazhinji ʋeEgipita, uʋawisire pasi, iyo nyika naʋakunda ʋamarudzi anembiri, kuȿikira kunɀimbo dziri pasi penyika, pamŋe cete naʋanoɓurukira kugomba.

¹⁹Unopfuʋuraniko pakunaka? Ƃuruka, ugondoradzikwa kunaʋasina‐kudziŋgiswa.

²⁰Ʋacawa pakati paʋakaʋurawa nomunondo; yakatemerwa munondo, ciikweʋerai pasi, iyo naʋanhu ʋayo ʋazhinji.

²¹Ʋanesimba pakati pemhare ʋacataura naye naʋanomuɓatsira, ʋari pakati peSheori; ʋaɓurukira’ko, ʋaʋete ʋanyerere, iʋo ʋasino‐kudziŋgiswa, ʋaʋurawa nomunondo.

²²Ashuri riri’po neɓoka raro rose; marinda aro akarikomberedza, ʋose ʋakaʋurawa, ʋakawiswa pasi nomunondo;

²³marinda aro akaiswa kumiceto yegomba, ɓoka raro rakakomberedza rinda raro; ʋose ʋakaʋurawa, ʋakawiswa pasi nomunondo, iʋo ʋaityisa panyika yaʋapenyu.

²⁴Erami riri’po naʋanhu ʋaro ʋazhinji ʋose ʋakakomberedza rinda raro, ʋose ʋakaʋurawa, ʋakawiswa pasi nomunondo, iʋo ʋakaɓurukira kunɀimbo dzapasi dzenyika ʋasino‐kudziŋgiswa, iʋo ʋaityisa panyika yaʋapenyu, ʋakaʋa nemhoȿa yeɀinonyadzisa ɀaʋo, pamŋe cete naʋanoɓurukira kugomba.

²⁵Rakaisirwa nhoʋo pakati paʋakaʋurawa pamŋe cete naʋanhu ʋaro ʋazhinji ʋose, marinda aro akarikomberedza; ʋose haʋana‐kudziŋgiswa, ʋakaʋurawa nomunondo; nokuti ʋaityisa panyika yaʋapenyu, ʋakaʋa nemhoȿa yeɀinonyadzisa ɀaʋo, pamŋe cete naʋanoɓurukira kugomba; rakaiswa pakati paʋakaʋurawa.

²⁶Mesheki neTubari ari’po naʋanhu ʋaʋo ʋose ʋazhinji; marinda awo akaakomberedza; ʋose haʋana‐kudziŋgiswa, ʋakaʋurawa nomunondo, nokuti ʋaityisa panyika yaʋapenyu.

²⁷Haʋaŋgaʋati pakati pemhare dzakaʋurawa dzaʋasina‐kudziŋgiswa, ʋakaɓurukira kuSheori ʋanenhumbi dzaʋo dzokurwa, ʋakaisa minondo yaʋo pasi pemisoro yaʋo, ɀakaipa ɀaʋo ɀiri pamsoro pamafupa aʋo; nokuti ʋaityisa mhare panyika yaʋapenyu.

²⁸Asi iwe ucaputswa pakati paʋasina‐kudziŋgiswa, ucaʋata pakati paʋakaʋurawa nomunondo.

²⁹Edomi riri’po, namadzimambo aro namacinda aro ose, akaradzikwa pakati paʋakaʋurawa nomunondo, kunyaŋge aiʋa nesimba; ʋacaʋata pakati paʋasina‐kudziŋgiswa, ʋuye pamŋe cete naʋanoɓurukira kugomba.

³⁰Macinda okurutiʋi rwokumsoro ari’po, iwo ose, naʋaSidoni ʋose ʋakaɓurukira pasi pamŋe cete naʋakaʋurawa; ʋakanyadziswa nokuɗa kwokutyisa kwakabva pasimba raʋo, ʋaʋete, ʋasina‐kudziŋgiswa, pamŋe cete naʋakaʋurawa nomunondo, ʋanemhoȿa yeɀinonyadzisa ɀaʋo pamŋe cete naʋanoɓurukira kugomba.

³¹Farao ucaʋaʋona, ndokunyaradzwa pamsoro paʋanhu ʋake ʋose ʋazhinji, iye Farao nehondo yake yose, yakaʋurawa nomunondo — ndiɀo ɀinotaura Ishe Jehova.

³²Nokuti ndakaisa kutyisa kwake panyika yaʋapenyu; iye ucaradzikwa pakati paʋasina‐kudziŋgiswa, pakati paʋakaʋurawa nomunondo, iye Farao naʋanhu ʋake ʋose ʋazhinji — ndiɀo ɀinotaura Ishe Jehova.