Read Original Shona Union Bible 1949 Baiberi Magwaro Matȿene aMŋari Ezekieri 33 Bible Online

Ezekieri 33 - Original Shona Union Bible 1949 Baiberi Magwaro Matȿene aMŋari bible

Ezekieri 33

¹Ɀino shoko raJehova rakaȿika kwandiri riciti:

²Mŋanakomana womunhu, taura naʋana ʋaʋanhu ʋako, uti kwaʋari: Kana ndiciʋuyisa munondo panyika, ʋanhu ʋenyika ʋakaɀitsaurira munhu pakati paʋo, ʋakamuita nharirire yaʋo;

³ɀino kana iye akaʋona munondo uciȿika panyika, akaridza hwamanda, akanyeʋera ʋanhu;

⁴ipapo aninani unonzwa kurira kwehwamanda, akasatenda kunyeʋerwa, kana munondo ukaȿika, ukamubvisa, ropa rake ricaʋa pamusoro wake, iye amene.

⁵Wakanzwa kurira kwehwamanda, akasatenda kunyeʋerwa, ropa rake ricaʋa pamsoro pake; ɗai akatenda kunyeʋerwa, uŋgaɗai akaponesa mŋeya wake.

⁶Asi kana nharirire ikaʋona munondo uciʋuya, akasaridza hwamanda, ʋanhu ʋakasanyeʋerwa, munondo ukaȿika, ukabvisa mumŋe pakati paʋo, wabviswa hake nokuɗa kweɀakaipa ɀake, asi ropa rake ndicaribvunza paruʋoko rwenharirire.

⁷Saiɀoɀo ʋo iwe mŋanakomana womunhu, ndakakuita nharirire paimba yaIsraeri; naiɀoɀo cinzwa shoko rinoɓuɗa mumuromo maŋgu, uʋanyeʋere panɀimbo yaŋgu.

⁸Kana ini ndikati kunowakaipa: Iwe munhu wakaipa, ucafa ɀirokwaɀo, iwe ukasataura kuti unyeʋere munhu wakaipa panzira yake, munhu uyo wakaipa ucafa nokuɗa kweɀakaipa ɀake, asi ropa rake ndicaribvunza paruʋoko rwako.

⁹Asi kana ukanyeʋera wakaipa pamsoro penzira yake, uciti atendeʋuke pairi, akasatendeʋuka panzira yake, iye ucafa nokuɗa kweɀakaipa ɀake, asi iwe warwira hako mŋeya wako.

¹⁰Ɀino iwe, mŋanakomana womunhu, uti kuimba yaIsraeri: Imi munotaura, muciti: Ɀirokwaɀo, kuɗarika kweɗu neɀiʋi ɀeɗu ɀiri pamsoro peɗu, tinopera nokuɗa kwaɀo; ɀino ticararama seiko?

¹¹Uti kwaʋari: Noʋupenyu bgaŋgu — ndiɀo ɀinotaura Ishe Jehova — handifariri rufu rwowakaipa, asi kuti wakaipa atendeʋuke panzira yake; tendeʋukai, tendeʋukai panzira dzenyu dzakaipa, nokuti mucafireiko, imi imba yaIsraeri?

¹²Ɀino iwe, mŋanakomana womunhu, uti kuʋana ʋaʋanhu ʋako: Kururama kwowakarurama hakuŋgamurwiri nezuʋa rokuɗarika kwake; ʋuye kana kuri kuipa kwowakaipa, haaŋgaparadzwi nako nezuʋa raanotendeʋuka pakuipa kwake; nowakarurama haaŋgararami nako nezuʋa raanotadza.

¹³Kana ndiciti kunowakarurama, kuti ɀirokwaɀo ucararama, kana akaʋimba nokururama kwake, akaita ɀakaipa, hakuna‐ɓasa rimŋe rake rakarurama ricaraŋgarirwa; asi nokuɗa kweɀakaipa ɀake ɀaakaita, ucafa nokuɗa kwaɀo.

¹⁴Ʋuye ɀe, kana ndikati kunowakaipa: Ɀirokwaɀo ucafa; kana akatendeʋuka paɀiʋi ɀake, akazoita ɀakarairwa neɀakarurama;

¹⁵kana wakaipa akadzosa ɀe ruɓatso, akadzosera ɀe ɀaakaŋga apamba, akafamba nemitemo yoʋupenyu, asiŋgaiti ɀakaipa, ɀirokwaɀo ucararama, haaŋgafi.

¹⁶Hakunaciʋi cimŋe cake caakaita cicaraŋgarirwa pamsoro pake; wakaita ɀakarairwa neɀakarurama, ɀirokwaɀo ucararama.

¹⁷Kunyaŋge ɀakaɗaro ʋana ʋaʋanhu ʋako ʋanoti: Nzira yaShe haina‐kururama; asi kana ʋari iʋo, nzira yaʋo ndiyo isina‐kururama.

¹⁸Kana wakarurama akatsauka pakururama kwake, akaita ɀakaipa, ucafa nokuɗa kwaɀo.

¹⁹Ʋuye kana wakaipa akatendeʋuka pakuipa kwake, akaita ɀakarairwa neɀakarurama, ucararama naɀo.

²⁰Kunyaŋge ɀakaɗaro munoti: Nzira yaShe haina‐kururama. Haiwa, imba yaIsraeri, ndicakutoŋgai mumŋe nomumŋe ɀakafanira nzira dzake.

²¹Ɀino negore regumi namaʋiri rokutapxa kweɗu, nomŋedzi wegumi, nezuʋa reshanu romŋedzi, mumŋe wakaŋga apukunyuka paJerusarema wakaȿika kwandiri, aciti: Guta rakundwa.

²²Ɀino ruʋoko rwaJehova rwakaŋga ruri pamsoro paŋgu maɗekwana, iye wakapukunyuka asati aȿika; wakaŋga ashamisa muromo waŋgu, kuȿikira iye aciȿika kwandiri maŋgwanani; muromo waŋgu ukashamiswa, ndikasazoʋa mbeʋeʋe.

²³Shoko raJehova rikaȿika kwandiri, riciti:

²⁴Mŋanakomana womunhu, ʋanhu ʋagere panɀimbo idzo dzakaparadzwa panyika yaIsraeri, ʋanotaura ʋaciti: Abrahama wakaŋga ari mumŋe cete, akagara nhaka yenyika; asi isu tiri ʋazhinji, nyika yapiwe’su iʋe nhaka yeɗu.

²⁵Naiɀoɀo citi kwaʋari: Ɀanzi naShe Jehova: Munodya nyama pamŋe cete neropa, mucitarira ɀifananidzo ɀenyu nameso enyu nokuteʋura ropa; ɀino muŋgapiwa nyika sei?

²⁶Munoʋimba nomunondo wenyu, munoita ɀinonyaŋgadza, munocinya mumŋe nomumŋe wenyu mukadzi wowokwake; ɀino muŋgapiwa nyika sei?

²⁷Citi kwaʋari: Ɀanzi naShe Jehova: Noʋupenyu bgaŋgu, ɀirokwaɀo ʋari panɀimbo dzakaparadzwa ʋacaparadzwa nomunondo, uri kuɓani ndicamuisa kuɀikara kuti adyiwe naɀo; ʋari munhare nomumapako ʋacafa nehosha yakaipa.

²⁸Nyika ndicaiita ɗoŋgo necishamiso, kuɀikudza kwayo pamsoro pesimba rayo kucapera, namakomo aʋaIsraeri acaitwa matoŋgo, kuti kurege kuzoʋa nomunhu unopfuʋura napo.

²⁹Ɀino ʋacaziʋa kuti ndini Jehova, kana ndaita nyika ɗoŋgo necishamiso, nokuɗa kweɀinonyaŋgadza ɀaʋo ɀose ɀaʋakaita.

³⁰Asi kana uri’we, mŋanakomana womunhu, ʋana ʋaʋanhu ʋako ʋanokureʋa ʋari pamaȿiŋgo aʋo nomumikoʋa yedzimba dzaʋo, ʋanotaurirana mumŋe nomumŋe aciti kuhama yake: ɗoʋuya hako, unzwe shoko rinobva kunaJehova.

³¹Ʋanoʋuya kwauri seɀinoita ʋanhu, ʋanogara pamberi pako seɀinoita ʋanhu ʋaŋgu, ʋanonzwa mashoko ako, asi haʋaaiti; nokuti ʋanotaura ɀoruɗo nemiromo yaʋo, asi mŋoyo yaʋo inoteʋera fuma yaʋo.

³²Ɀino tarira, iwe wakaita kwaʋari sorwiyo rworuɗo runoimbga nounenzwi rinofadza, unogona kuridza mbira kwaɀo, nokuti ʋanonzwa mashoko ako, asi haʋaaiti.

³³Ɀino kana iɀi ɀiciitwa (tarirai ɀinoʋuya!), neŋguʋa iyo ʋacaziʋa kuti muprofita wakaŋga ari pakati paʋo.