Read Original Shona Union Bible 1949 Baiberi Magwaro Matȿene aMŋari Ezekieri 36 Bible Online

Ezekieri 36 - Original Shona Union Bible 1949 Baiberi Magwaro Matȿene aMŋari bible

Ezekieri 36

¹Ɀino iwe, mŋanakomana womunhu, profita pamsoro pamakomo aIsraeri, uti: Imi makomo aIsraeri, inzwai shoko raJehova.

²Ɀanzi naShe Jehova: Muʋeŋgi wako ɀaakati pamsoro pako: Toko! ʋuye: Nɀimbo dzakakwirira dzekare inhaka yeɗu;

³naiɀoɀo profita, uti: Ɀanzi naShe Jehova: Nemhaka iyi, ɀaʋakakuitai ɗoŋgo, nokukumedzai kumatiʋi ose, kuti muʋe nhaka yamarudzi aʋanhu akasara, ɀamakarebga nemiromo yaʋanotaura, mukaitirwa makuhwa naʋanhu;

⁴naiɀoɀo, imi makomo aIsraeri, inzwai shoko raShe Jehova: Ɀanzi naShe Jehova kumakomo nokuɀikomo nokuhoʋa nokumipata nokunɀimbo dzakaparadzwa nokumaguta akasiyiwa, aʋa cinhu cinopambga necinosekwa namarudzi akasara anoapoteredza;

⁵naiɀoɀo ɀanzi naShe Jehova: Ɀirokwaɀo, ndakataura nomŋoto wegoɗo raŋgu pamsoro paʋakasara ʋamarudzi napamsoro peEdomi rose, iʋo ʋakaɀitorera nyika yaŋgu ʋaciti iʋe nhaka yaʋo, ʋaciŋgofara nomŋoyo waʋo wose ʋacishoʋora nemŋeya yaʋo, kuti ʋairashire kure ipambge.

⁶Naiɀoɀo profita pamsoro penyika yaIsraeri, uti kumakomo nokuɀikomo, nokuhoʋa nokumipata: Ɀanzi naShe Jehova: Tarirai ndakataura negoɗo raŋgu nokutsamŋa kwaŋgu, nokuti makashoʋorwa namarudzi;

⁷naiɀoɀo ɀanzi naShe Jehova: Ndakapika ndiciti: Ɀirokwaɀo marudzi anokupoteredza kwose, ndiwo acashoʋorwa.

⁸Asi imi, makomo aIsraeri, mucaɓuɗisa mataʋi enyu, nokuɓerekera ʋanhu ʋaŋgu ʋaIsraeri ɀiɓereko ɀenyu; nokuti ʋoɗo‐kuȿika.

⁹Nokuti tarirai, ndinemi, ndicatsaukira kwamuri, mucarimŋa nokudɀarwa;

¹⁰ndicawanza ʋanhu pamsoro pako, iyo imba yose yaIsraeri, iʋo ʋose; maguta acagarwa, namatoŋgo acaʋakwa;

¹¹ndicawanza pamsoro penyu ʋanhu neɀipfuwo, ʋacawanda nokuɓereka; ndicagarisa ʋanhu mukati menyu, seɀamakaŋga makaita kare, nokukuitirai ɀakanaka ɀinopfuʋura ɀapakuʋamba kwenyu; ɀino mucaziʋa kuti ndini Jehova.

¹²Ɀirokwaɀo, ndicafambisa ʋanhu pamsoro penyu, iʋo ʋanhu ʋaŋgu ʋaIsraeri; ʋacakuita waʋo, ucaʋa nhaka yaʋo, kubva ɀino hauŋgazoʋatoreri ʋana ʋaʋo.

¹³Ɀanzi naShe Jehova: Ɀaʋanoti kwauri: Iwe uri nyika inopedza ʋanhu, wakatorera rudzi rwako ʋana;

¹⁴naiɀoɀo haucazopedzi ʋanhu, kana kuzotorera rudzi rwako ʋana — ndiɀo ɀinotaura Ishe Jehova;

¹⁵handicazokunzwisi kunyadziswa kwamarudzi, hauŋgazoshoʋorwi naʋanhu, hauŋgazogumbusi rudzi rwake — ndiɀo ɀinotaura Ishe Jehova.

¹⁶Ɀino shoko raJehova rakaȿika ɀe kwandiri, riciti:

¹⁷Mŋanakomana womunhu, ŋguʋa yaʋakagara panyika yaʋo, imba yaIsraeri yakaiȿiɓisa nomufambire waʋo neɀaʋaiita; mufambire waʋo pamberi paŋgu wakaŋga wakaita setȿina yomukadzi uri kumŋedzi kwake.

¹⁸Naiɀoɀo ndakateʋurira hasha dzaŋgu pamsoro paʋo nemhaka yeropa raʋakateʋurira pamsoro penyika, ɀaʋakaiȿiɓisa neɀifananidzo ɀaʋo;

¹⁹ndikaʋaparadzira pakati pamarudzi, ʋakadziŋgirwa kunyika dzose; ndakaʋatoŋga ɀakafanira mufambire waʋo neɀaʋakaita.

²⁰Ɀino ʋakati ʋaciȿika kumarudzi, kwaʋakaenda, ʋakamhura zita raŋgu dɀene, nokuti ʋanhu ʋakati pamsoro paʋo: Aʋa ndiʋo ʋanhu ʋaJehova, ʋakaɓuɗa panyika yake.

²¹Asi ndakaŋga ndinehanya nezita raŋgu dɀene, rakaŋga ramhurwa neimba yaIsraeri pakati pamarudzi kwaʋakaenda.

²²Naiɀoɀo citi kuimba yaIsraeri: Ɀanzi naShe Jehova: Handiiti cinhu ici nokuɗa kwako, iwe imba yaIsraeri, asi nokuɗa kwezita raŋgu dɀene ramakamhura pakati pamarudzi kwamakaenda.

²³Zita raŋgu guru ndicariita dɀene, iro rakamhurwa pakati pamarudzi, ramakamhura imi pakati paʋo; ɀino marudzi acaziʋa kuti ndini Jehova, neŋguʋa yandicaitwa mutȿene mamuri pamberi paʋo — ndiɀo ɀinotaura Ishe Jehova.

²⁴Nokuti ndicakubvisai pakati pamarudzi, nokukuʋuŋganidzai kunyika dzose, ndikuisei kunyika yenyu.

²⁵Ndicasasa mvura yakacena pamsoro penyu, muʋe ʋakacena; ndicakunatsai matȿina enyu ose neɀifananidzo ɀenyu ɀose.

²⁶Ndicakupai ʋo mŋoyo mutȿa, nokuisa mukati menyu mŋeya mutȿa; ndicabvisa mŋoyo webge panyama yenyu, ndikupei mŋoyo wenyama.

²⁷Ʋuye ndicaisa Mŋeya waŋgu mukati menyu, nokukufambisai nemitemo yaŋgu; mucaceŋgeta ɀandakaraira nokuɀiita.

²⁸Mucagara munyika yandakapa madziɓaɓa enyu; mucaʋa ʋanhu ʋaŋgu, neni ndicaʋa Mŋari wenyu.

²⁹Ndicakuponesai patȿina yenyu yose; ndicaɗana ɀiyo, nokuɀiwanza, handiŋgakuremedziyi nenzara.

³⁰Ndicawanza ɀiɓereko ɀemiti, neɀinomera paminda, kuti murege kuzoshoʋorwa namarudzi aʋanhu ɀicinzi munenzara.

³¹Ipapo mucaraŋgarira mufambire wenyu wakaipa, neɀamakaita ɀisino‐kunaka; mucaɀisema mumene pamsoro peɀakaipa ɀenyu neɀinonyaŋgadza ɀenyu.

³²Handiiti iɀoɀi nokuɗa kwenyu — ndiɀo ɀinotaura Ishe Jehova — muziʋe iɀoɀo; nyarai muʋe nenyadzi pamsoro pomufambire wenyu, imi imba yaIsraeri.

³³Ɀanzi naShe Jehova: Nezuʋa randicakunatsai paɀakaipa ɀenyu ɀose, ndicagarisa ʋanhu mumaguta, namatoŋgo acaʋakwa.

³⁴Nyika yakaŋga iri ɗoŋgo icarimŋa, iyo yakaŋga iri ɗoŋgo pamberi paʋose ʋaipfuʋura napo.

³⁵Ipapo ʋacati: Nyika iyi yaiʋa ɗoŋgo, yafanana nomunda weEdeni; maguta akaŋga akaparadzwa akasiyiwa aiʋa matoŋgo, iwo aʋakirwa ogarwa.

³⁶Ipapo marudzi akasara kumatiʋi enyu ose acaziʋa kuti ini Jehova, ndini ndakaʋaka nɀimbo idzo dzaiʋa matoŋgo, ndikasima ɀe pakaŋga pakaparadzwa; ini Jehova ndakaɀitaura, ndicaɀiita.

³⁷Ɀanzi naShe Jehova: Asi ndinoɗa kukumbirwa cinhu ici neimba yaIsraeri, kuti ndiʋaitire iɀoɀo; ndicaʋawanzira ʋanhu, ʋaʋe seɓoka ramakwai.

³⁸Seɀakaita ɓoka ramakwai anoɓayirwa Jehova, seɀakaita ɓoka ramakwai paJerusarema pamitambo yakatarwa, saiɀoɀo maguta aiʋa matoŋgo acazadzwa namapoka aʋanhu; ɀino ʋacaziʋa kuti ndini Jehova.