Read Original Shona Union Bible 1949 Baiberi Magwaro Matȿene aMŋari Ezekieri 37 Bible Online

Ezekieri 37 - Original Shona Union Bible 1949 Baiberi Magwaro Matȿene aMŋari bible

Ezekieri 37

¹Ruʋoko rwaJehova rwakaŋga ruri pamsoro paŋgu, akandiɓuɗisa noMŋeya waJehova, akandondiisa pakati pomupata; iwo wakaŋga uzere namafupa;

²akandipfuʋudza napakati pawo kumatiʋi ose; tarirai, aiʋa’po akawanda kwaɀo pakacena pamupata; ʋuye, tarirai, akaŋga akawoma kwaɀo.

³Akati kwandiri: Mŋanakomana, mafupa awa aŋgararama here? Ndikapindura, ndikati: Imi Ishe Jehova munoɀiziʋa.

⁴Ɀino akati kwandiri ɀe: Profita pamsoro pamafupa awa, uti kwaari: Imi mafupa akawoma, inzwai shoko raJehova.

⁵Ɀanzi naShe Jehova kumafupa awa: Tarirai, ndicapinza mŋeya mukati menyu, mucararama ɀe.

⁶Ndicaisa marunda pamsoro penyu, nokuʋuyisa nyama pamsoro penyu, nokukufukidzai neganda, nokuisa mŋeya mukati menyu, murarame; ɀino mucaziʋa kuti ndini Jehova.

⁷Ipapo ndakaprofita seɀandakarairwa; ɀino ndakati ndiciprofita, mubvumo ukaʋa’po, ʋuye, tarira, kuɗeŋgenyeka kwenyika kwakaʋa’po ʋo; mafupa akasweɗerana, fupa rimŋe kunerimŋe fupa raro.

⁸Ndikatarira, wane marunda aʋa’po pamsoro pawo, nyama ikaʋuya, ganda rikaafukidza pamsoro payo; asi makaŋga musinomŋeya mukati mawo.

⁹Ipapo akati kwandiri: Profitera kumhepo, profita, mŋanakomana womunhu, uti kumhepo: Ɀanzi naShe Jehova: Ʋuya ucibva kumatiʋi manna anobva mhepo, iwe mŋeya, ufuridzire pamsoro paʋaʋa ʋakaʋurawa, kuti ʋararame.

¹⁰Ipapo ndakaprofita seɀaakandiraira, mŋeya ukapinda mukati maʋo, ʋakararama, ʋakamira netsoka dzaʋo, iri hondo huru kwaɀo.

¹¹Ɀino akati kwandiri: Mŋanakomana womunhu, mafupa awa ndiyo imba yose yaIsraeri. Tarira iʋo ʋanoti: Mafupa eɗu awoma, tariro yeɗu yaenda, taparadzwa cose.

¹²Naiɀoɀo profita, uti kwaʋari: Ɀanzi naShe Jehova: Tarirai, ndicazarura marinda enyu, ndicakukwidzai mubve mumarinda enyu, imi ʋanhu ʋaŋgu; ndicakuȿitsai munyika yaIsraeri.

¹³Mucaziʋa kuti ndini Jehova, kana ndazarura marinda enyu, ndikakukwidzai mubve mumarinda enyu, imi ʋanhu ʋaŋgu.

¹⁴Ndicaisa Mŋeya waŋgu mukati menyu, murarame, ndicakuisai munyika yenyu; ɀino mucaziʋa kuti ini Jehova ndakaɀitaura ndikaɀiita — ndiɀo ɀinotaura Jehova.

¹⁵Shoko raJehova rakaȿika ɀe kwandiri, riciti:

¹⁶Ɀino iwe, mŋanakomana womunhu, tora rutanda rumŋe, unyore pamsoro parwo, uti: ⱿaJuda, neɀaʋana ʋaIsraeri shamŋari dzake; ipapo utore rumŋe rutanda, unyore pamsoro parwo, uti: ⱿaJosefa, rutanda rwaEfraimi, neɀeimba yose yaʋaIsraeri shamŋari dzake;

¹⁷ɀino uɀiɓatanidzire matanda iwawo, ruʋe rutanda rumŋe, ruʋe rumŋe muruʋoko rwako.

¹⁸Ɀino kana ʋana ʋaʋanhu ʋako ʋakataura newe ʋaciti kwauri: Hauŋgatiziʋisi ɀaunoɗakuratidza neɀinhu iɀi here?

¹⁹Iwe uti kwaʋari: Ɀanzi naShe Jehova: Tarirai, ndicatora rutanda rwaJosefa, ruri muruʋoko rwaEfraimi, namarudzi aIsraeri shamŋari dzake; ndicaʋaisa kwaruri, kurutanda rwaJuda, ndiʋaite rutanda rumŋe, ʋacaita rumŋe muruʋoko rwaŋgu.

²⁰Ɀino matanda aunonyora pamsoro pawo anofanira kuʋa muruʋoko rwako ʋaɀiʋone.

²¹Ipapo uti kwaʋari: Ɀanzi naShe Jehova: Tarirai, ndicabvisa ʋana ʋaIsraeri pakati pamarudzi, kwaʋakaenda, ndicaʋaʋuŋganidza ʋabve kumatiʋi ose, ndiʋaise kunyika yaʋo;

²²ndicaʋaita rudzi rumŋe panyika, pamakomo aIsraeri; mambo mumŋe ucaʋa mambo waʋose, haʋaŋgazoʋi marudzi maʋiri, ʋuye haʋaŋgatoŋgozoʋi ʋushe ʋuʋiri bgakaparadzana;

²³haʋaŋgazoɀiȿiɓisi neɀifananidzo ɀaʋo, kana neɀinhu ɀaʋo ɀinosemesa, kana necinhu cipi necipi caʋanoɗarika naco; asi ndicaʋaponesa pose paʋagere, paʋaitadza, nokuʋanatsa; saiɀoɀo ʋacaʋa ʋanhu ʋaŋgu, neni ndicaʋa Mŋari waʋo.

²⁴Muranda waŋgu Davidi ucaʋa mambo waʋo; ʋose ʋacaʋa nomufudzi mumŋe; ʋacafamba ʋo neɀandakaraira, nokuceŋgeta mitemo yaŋgu, ʋaciiita.

²⁵Ʋacagara munyika yandakapa Jakobo muranda waŋgu, maigara madziɓaɓa enyu; ʋacagara’mo, iʋo naʋana ʋaʋo, naʋana ʋaʋana ʋaʋo, nokusiŋgaperi; Davidi muranda waŋgu ucaʋa mucinda waʋo nokusiŋgaperi.

²⁶Ndicaita ʋo suŋgano yorugare naʋo, icaʋa suŋgano isiŋgaperi naʋo; ndicaʋaisa’po, nokuʋawanza, nokuisa nɀimbo yaŋgu tȿene pakati paʋo nokusiŋgaperi.

²⁷Tabernakeri yaŋgu ʋo icaʋa pakati paʋo; ini ndicaʋa Mŋari waʋo, naiʋo ʋacaʋa ʋanhu ʋaŋgu.

²⁸Ɀino marudzi acaziʋa kuti ndini Jehova, unoita ʋaIsraeri ʋatȿene, kana nɀimbo yaŋgu tȿene iri pakati paʋo nokusiŋgaperi.