Read Original Shona Union Bible 1949 Baiberi Magwaro Matȿene aMŋari Ezekieri 39 Bible Online

Ezekieri 39 - Original Shona Union Bible 1949 Baiberi Magwaro Matȿene aMŋari bible

Ezekieri 39

¹Ɀino iwe, mŋanakomana womunhu, profita pamsoro paGogi, uti: Ɀanzi naShe Jehova: Tarira, ndinemhaka newe, iwe Gogi, mucinda waRoshi, naMesheki naTubari;

²ndicakutsausa, nokukutuŋgamirira, nokukuʋuyisa ucibva kumatiʋi okumsoro‐soro; ndicakuȿitsa pamakomo aIsraeri;

³ndicaroʋa ʋuta bgako ʋubve muruʋoko rwako rworuɓoshwe, nokuwisa miseʋe yako iri muruʋoko rwako rworudyi.

⁴Ucaparadzwa pamakomo aIsraeri, iwe namapoka ako ose, namarudzi aʋanhu anewe; ndicakupa iwe shiri dzamakondo dzamarudzi ose, neɀikara ɀesaŋgo, kuti udyiwe naɀo.

⁵Ucawira pakacena paɓani; nokuti ini ndakaɀitaura — ndiɀo ɀinotaura Ishe Jehova.

⁶Ndicatuma mŋoto kunaMagogi, nokunaʋagere ɀakanaka paɀiwi; ɀino ʋacaziʋa kuti ndini Jehova.

⁷Ndicaziʋisa zita raŋgu dɀene pakati paʋanhu ʋaŋgu ʋaIsraeri; handicatenderi kuti zita raŋgu dɀene rimhurwe; marudzi aʋanhu acaziʋa kuti ndini Jehova, iye Mutȿene waIsraeri.

⁸Tarirai, ɀinoʋuya, ɀicaitwa — ndiɀo ɀinotaura Ishe Jehova — ndiro zuʋa randareʋa.

⁹Ʋagere pamaguta aIsraeri ʋacaɓuɗa, ʋacaʋesa mŋoto nenhumbi dzokurwa nokudzipisa, ɀinoti nhoʋo ɗuku nenhoʋo huru, noʋuta nemiseʋe, netȿimbo namapfumo; ʋacaʋesa mŋoto naɀo ʋaciita makore manomŋe;

¹⁰naiɀoɀo haʋaŋgandotori huni kusaŋgo, kana kundodzitema kumatondo, nokuti ʋacaʋesa mŋoto nenhumbi dzokurwa; ʋacaparadza ʋaiʋaparadza, nokupamba ʋaiʋapamba — ndiɀo ɀinotaura Ishe Jehova.

¹¹Ɀino nezuʋa iro ndicapa Gogi nɀimbo yamarinda pakati paIsraeri, iwo mupata waʋafambi kurutiʋi rwamabvazuʋa rweguŋgwa; iɀeɀo ɀicadziʋisa ʋanopfuʋura napo; ipapo ʋacaʋiga Gogi naʋanhu ʋake ʋazhinji ʋose, ndokupatumidza zita rinonzi Hamoni‐Gogi.

¹²Imba yaIsraeri icapedza mŋedzi minomŋe iciʋaʋiga, kuti ʋanatse nyika.

¹³Ɀirokwaɀo, ʋanhu ʋose ʋenyika ʋacaʋaʋiga; icaʋa mbiri kwaʋari nezuʋa randicakudzwa naro — ndiɀo ɀinotaura Ishe Jehova.

¹⁴Ʋacatsaura ʋanhu ʋanoɓata misi yose, ʋacapota nenyika pamŋe cete naʋanopfuʋura napo, ʋaciʋiga ʋakasiyiwa pacena, kuti ʋanatse nyika; kana mŋedzi minomŋe yapera ʋacacerekedza pose.

¹⁵Ʋanopfuʋura nap nyika ʋacapfuʋura haʋo; ɀino aninani kana aciŋge aciʋona fupa romunhu, ucaisa’po ciratidzo, kuȿikira ʋaʋigi ʋaciriʋiga pamupata waHamoni‐Gogi.

¹⁶Hamona ricaʋa zita ʋo reguta. Saiɀoɀo ʋacanatsa nyika.

¹⁷Ɀino iwe, mŋanakomana womunhu, ɀanzi naShe Jehova: Taura neshiri dzamarudzi ose, nemhuka dzose dzesaŋgo, uti: Ʋuŋganai, muʋuye; muʋuŋgane mucibva kumatiʋi ose, muʋuye kuciɓayiro caŋgu candinokuɓayirai, ciɓayiro cikuru pamakomo aIsraeri, kuti mudye nyama nokunwa ropa.

¹⁸Mucadya nyama yaʋanesimba, nokunwa ropa ramacinda enyika, ramakondobge, neramakwaiana, nerembudzi, nerenzombe, ɀose ɀiri ɀakakodzwa ɀeBashani.

¹⁹Mucadya ɀakakora kuȿikira maguta, nokunwa ropa kuȿikira maɓatwa, ɀeciɓayiro candakakuɓayirai.

²⁰Mucaguta patafura raŋgu namabiza neŋgoro, naʋanhu ʋanesimba, naʋarwi ʋamarudzi ose — ndiɀo ɀinotaura Ishe Jehova.

²¹Ndicaisa mbiri yaŋgu pakati pamarudzi aʋanhu, marudzi ose acaʋona kutoŋga kwandakaita, noruʋoko rwaŋgu rwandakaisa pamsoro paʋo.

²²Naiɀoɀo imba yaIsraeri icaziʋa kuti ndini Jehova Mŋari waʋo, kubva pazuʋa iro ɀicienda mberi.

²³Marudzi ose acaziʋa kuti imba yaIsraeri yakatapxa nokuɗa kweɀakaipa ɀaʋo, nokuti ʋakandiɗarikira, ndikaʋaʋanzira ciso caŋgu; naiɀoɀo ndakaʋaisa mumaʋoko aʋadziʋisi ʋaʋo, ʋakaparadzwa ʋose nomunondo.

²⁴Ndakaʋaitira ɀakafanira kusanaka kwaʋo nokuɗarika kwaʋo, ndicaʋaʋanzira ciso caŋgu.

²⁵Naiɀoɀo ɀanzi naShe Jehova: Ɀino ndicadzosa kutapxa kwaJakobo, nokunzwira imba yose yaIsraeri nyasha; ndicashiŋgairira zita raŋgu dɀene.

²⁶Ʋacaʋa nemhoȿa yokunyadziswa kwaʋo neyokuɗarika kwaʋo kwaʋakandiɗarikira nako, kana ʋacizogara ɀakanaka panyika yaʋo, kusina‐unozoʋatyisa;

²⁷kana ndaʋadzosa kumarudzi aʋanhu, nokuʋaʋuŋganidza kunyika dzaʋaʋeŋgi ʋaʋo, ndikaɀiita mutȿene pamberi pamarudzi mazhinji.

²⁸Ipapo ʋacaziʋa kuti ndini Jehova Mŋari waʋo, ɀandakaʋatapisa pakati pamarudzi, ndikaʋaʋuŋganidzira ɀe munyika yaʋo; handiŋgatoŋgozosiyi mumŋe waʋo’po;

²⁹ʋuye handiŋgazoʋaʋanziri ciso caŋgu; nokuti ndakaɗurura Mŋeya waŋgu pamsoro peimba yaIsraeri — ndiɀo ɀinotaura Ishe Jehova.