Read Original Shona Union Bible 1949 Baiberi Magwaro Matȿene aMŋari Ezekieri 4 Bible Online

Ezekieri 4 - Original Shona Union Bible 1949 Baiberi Magwaro Matȿene aMŋari bible

Ezekieri 4

¹Ɀino iwe mŋanakomana womunhu, tora citina ucigadzike pamberi pako, ufananidzire’po guta, iro reJerusarema.

²Ɀino urikombe nehondo, uriʋakire nhare dzokurwa naro, uritutire murwi wokurwa nawo; uriisire misasa, nokurikomberedza kumatiʋi ose neɀokugumura kuriputsa.

³Ɀino utore gaŋgo reɗare, urigadze pakati pako neguta, ruʋe ruȿiŋgo rweɗare; ɀino urinzire ciso cako kwariri, ipapo ricaʋa guta rakakombga nehondo, iwe ndiwe ucarikomba. Ici cicaʋa ciratidzo kuimba yaIsraeri.

⁴Ʋuye ɀe, uʋate pasi parutiʋi rwako rworuɓoshwe, uise pamsoro parwo ɀakaipa ɀeimba yaIsraeri; mazuʋa aunoʋata parutivi urwo ndiyo ŋguʋa yaucatakura ɀakaipa ɀaʋo.

⁵Nokuti ndakatara makore eɀakaipa ɀaʋo aenzane namazuʋa ako, mazuʋa anamazana matatu namakumi mapfumbamŋe; saiɀoɀo ucatakura ɀakaipa ɀeimba yaIsraeri.

⁶Ɀino kana wapedza mazuʋa awa, uʋate pasi norutiʋi rwako rworudyi, kuti utakure ɀakaipa ɀeimba yaJuda; ndakakutarira mazuʋa anamakumi manna, zuʋa rimŋe nerimŋe rifananidze gore.

⁷Urinzire ciso cako wakatarira kukombga kweJerusarema, ruʋoko rwako rwakafukurwa; ugoprofita pamsoro paro.

⁸Tarira, ndinokusuŋga neɀisuŋgo, urege kushandukurira kunorumŋe rutiʋi, kuȿikira wapedza mazuʋa okukomba kwako.

⁹Ɀino utore ʋo ɀiyo nebari nenyimo nenyemba namapfunde nesipereti uɀiise mumudziyo mumŋe, ugoɀiitira ciŋgwa naɀo; unofanira kucidya mazuʋa aunoʋata pasi parutiʋi rwako, iwo mazuʋa anamazana matatu namakumi mapfumbamŋe.

¹⁰Ɀokudya ɀako ɀaunofanira kudya, ɀicayerwa kurema kwaɀo, mashekeri anamakumi maʋiri[1] nezuʋa rimŋe nerimŋe; ucaɀidya ŋguʋa neŋguʋa.

¹¹Unofanira kunwa ʋo mvura yakayerwa, cecitanhatu cehini;[2] ucainwa ŋguʋa neŋguʋa.

¹²Unofanira kuɀidya ɀakafanana neɀiŋgwa ɀebari, unofanira kuɀiɓika pamberi paʋo nendoʋe inoɓuɗiswa naʋanhu.

¹³Jehova akati: Saiɀoɀo ʋana ʋaIsraeri ʋacadya ɀokudya ɀaʋo ɀinetȿina pakati pamarudzi kwandicaʋadziŋgira.

¹⁴Ipapo ndikati: Haiwa, Ishe Jehova! Tarirai mŋeya waŋgu hauna‐kumboȿiɓiswa; nokuti kubva paʋuɗuku bgaŋgu kuȿikira ɀino, handina‐kumbodya cakafa coga, kana cakaʋurawa neɀikara, nenyama inonyaŋgadza haina‐kumbopinda mumuromo maŋgu.

¹⁵Ipapo akati kwandiri: Tarira, ndakupa ndoʋe yeŋombe panɀimbo yendoʋe yaʋanhu, unofanira kugadzira ɀokudya ɀako nayo.

¹⁶Akati ʋo kwandiri: Mŋanakomana womunhu, tarira ndicavuna muɗonɀo weɀokudya paJerusarema; ʋacadya ɀokudya ɀakayerwa ʋacitya, ʋacanwa mvura yakayerwa, ʋacivunduka;

¹⁷kuti ʋashaiwe ɀokudya nemvura, ʋavunduke mumŋe nomumŋe, ʋapere muɀakaipa ɀaʋo.